يخونوني و اريد الطلاق - الصفحة 2

رحمة من المولى · 2013-12-28, 19:36

الله يفرج عليك

yousra14 · 2013-12-28, 19:51

السلام عليكم
اجعلي نيتك من الطلاق هي الغضب على انتهاك حرمات الله وسيخلفك الله خيرا منه ويرضى عنك .

R I A D · 2013-12-29, 13:02

اخيتي لم تخبرينا
كم سنة زواج؟
هل لديكم أطفال ؟
هل لديك دليل قاطع على خيانته ؟
وهل لما واجهتيه اخر مرة انكر او لم ينكر و استعرف بافعاله؟

انا اخيتي لا انصحك بالطلاق لانه اخر الحلول و لكني لا اًُكذبك لو كنت مكانك لما استطعت صبر ثلاث سنين على هذا المشكل
الله يفرج عليك و يفرحك امين

imy21 · 2013-12-29, 17:24

السلام عليكم......لا حول ولا قوة إلا بالله
ربي اكون معاك

mounaminou · 2013-12-30, 15:22

مانقدرش نتكلم معاك بالمثاليات و نقوللك زيدي اصبري لان الكلام ساهل مي اكيد ف وقت الصح الوحدا تعاني بزاففففففففففففف من الخيانة

قوليلي برك لاكان الخيانة وصلت للزنا و العياد بالله و هل راهو يحون فيك مع نفس المرأة او كل مرة مع وحدا

لاكان الخيانة حابسة في حدود ميساجات ف الهاتف او في النات فقط نقوللك ماتطلقيش رغم مرارة العيشة مع هدا النوع مي جربي تبدلي حياتك كاملة 180 درجة .....اعفصي علا قلبك و جربي تتقربي ليه( من اجل الاولاد و باه ماتندميش مبعد مادامك ديرتي الي عليك) ...يا اختي لاكان نتي ف 3 سنين اللي فاتو مابدلتي والو ف حباتك و تعاملك مع زوجك كيفاه حابتيه يتبدل وحدو و هو من النوع الضعيف اللي يطيح ف النزوات و اللي لازمو مرتو اللي تعينو باه يبعد علا الحرام ..
اديه علا قد عقلو و جربي تديري اللي عليك من ناحية الشكل و المعاملة و الكلام الطيب ...ماعليش انتي مجروحة مي تعيشي جربيها كحل اخير و اصبري شوية بالاك يتبدل و يحشم علا روحو

اما يا اختي لاكان وصلت الخيانة تاعو للزنا مع تكرارها ف كل مرة بلا حشما بلا خوف بلا توبة واش نقوللك .....في الحالة هدي معناتها راهو بعيد عللى ربي بزاف و ماكانش عدر ...و علابالي صعيبة تكملي معاه.....صلي استخارة و بداي ف اجراءات الطلاق .....و مايغيضكش والله صحتك اولى لانو هدا ف الحالة هدي صعيبة تربي راجل الخيانة تمشي ف دمو و انتي اللي تروح فيها صحتك و اعصابك و قادر حتا يهبلك و يعقدك مالا بعدي علا الشر و ربي يعوضك

الحلم الجميل · 2013-12-31, 11:20

السلام عليكم
زوجك خانك لمدة ثلاث سنين ..ضربك...اتصل بابوكي لكي ياخذك..
يعني رماك لوالديك ..
كاين الي يقول ممكن المراة ما قامتش بواجبها...
..و هل الرجل الحقيقي عندما لا تقوم زوجته بواجبها يخونها و يزني لمدة 3 سنين ..هل يضربها و يرميها و هل و هل ..هذا ليس عذر ليخونك ..علاه زعما عرف يزني و ما عرفش يهدر معاك و يناقشك في الاشياء الي يريدها (و لا حشم منك) ..و لم يخجل من الله
الله يهديه .و يفتح عليك و يرزقك استخري و توكلي على القادر على الحي الذي لا يموت
ربي يفرج همك يا رب

جسور المحبة · 2013-12-31, 20:41

ربي يفرج عليك اختي وفكري مليح قبل هذا الاجراء
كان الله في عونك

همسة مشاعر · 2014-01-01, 19:54

ربي يكون في عونك وربي يهد كل خاين كاين رجال يستاهلو الرجم

زرقـآء اليمآمـة · 2014-01-02, 11:54

السلام عليكم
يا مأمن الرجال يا امن الميّة في الغربال !!!
اظن ان الخيانة كانت لها اسباب ايتها الاخت
لو انك تراجعي نفسك وتحاولي الرجوع الى زوجك
بعد ما توريلو العين الحمرا
لا تقدّميه على طبق من نحاس الى من خانك معهن
فكّري جيدا وفكري في اطفالك ان كان لك
والله المستعان

ahlem-86 · 2014-01-02, 17:04

اذا اتبعت الزوجة هذا الاسلوب مع زوجها ولم يأت بنتيجة واستمر في غيه فعلى الزوجة ان تواجهه بعنف فاذا لم تجد استجابة ايضا فلا بد عليها ان تشكو لكبار افراد الاسرة وتطلب منهم ان يتدخلوا لاصلاحه بشكل حاسم‚

tuba21 · 2014-01-04, 17:35

لك الحق ان تطلبي الطلاق من هدا الرجل

وربي يعوضك ان شاء الله

souma.sousou · 2014-01-05, 17:43

موقف صعب والقرار اصعب,شوفي حتى واحد مايقدر يمدلك الحل لانك انت لي عشتي مع زوجك وانت تعرفيه مليح والخيانة راهي في ذاتها مرض,اذا عندك اولاد وحبيتي تصبري على خاطر اولادك اما اذا ماعندكش اولاد انا نقولك طلقي وريحي احسن من انك تعيشي طول حياتك فالذل والمهانة والشك وتصيبك الامراض,انا مريت بنفس التجربة وندمت لاني مطلقتش ضيعت صغري وحياتي مع واحد خاين,راني صابرة على خاطر اولادي بصح والله ماراني عايشة مرتاحة ,عندي '4اولاد منقدرش نسمح فيهم,,,,وهو مازال على حاله,خممي مليح اختي اذا كان هاذ الزوج ميحترمكش احسن انك تفارقيه وربي يعوضك احسن منه,ربي يفرج عليك ولي فيها الخير ربي يسهلهالك,راني حاسة بيك لاني شربت من نفس الكاس

souma.sousou · 2014-01-05, 17:51

ليس كل زاني زوجته مقصرة ,,,,,,,,,,,,,وهذا عن تجربة

abdel02 · 2014-01-05, 20:37

لكل نتيجة سبب...إن لم يكن الخلل فيك فهو ليس بعيد عنك.

imenealg · 2014-01-07, 17:22

كان الله بعونك لكن متقلقيش بالطلاق لعله يتبدل فكم من زوج تاب