البوراك التركي الوصفة الاصلية

[حياة نور الدين]

السلام عليكن عدت من جديد

البوراك التركي







وصفة رووعة تحمر الوجه نتمنى جربوه وللاماننة خذيتها من اليوتوب راه نكتب الوصفة كما عملتها ونخليلكم ملاحظة واش تقدروا تغيروا في الاخير

العجين 3 كؤوس فرينة ملعقة ملح صغيرة وكاس ماء دافئ

الحشو بصل مقطع رقيق او رابي جزر رابي وكمية صغيرة لحم مرحي ملح فلفل اسود وجبن (الحشو نطيبوه كما تع البوراك)

في صحن العمل نحط الفرينة والملح ونلم بالماء حتى نتحصل على عجينة طرية متلصقش باليد ونخليها ترتاح نصف ساعة نرش الفرينة على طاولة العمل نشكل حربوش ونقطع قطع صغيرة ونشكلها كرات كما المسمن

نذوب كمية من مارغرين ونضيفلها نفس كمية زيت

نبدا من الكرة لي شكلناها الاولى نفتحها سمك مليمتر ونحطها في صحن نكون حطينا فيه ملعقة من خليط الزيت والزبدة ونزيد نحط ملعقة فوق الكرية المفتوحة الصور ستوضح

بعد ما نكمل كل الكريات نقلب لي من تحت نرجعها الفوق لانها تكون ارتاحت ويكفي نجبد العجين ونكسل من الاطراف حتى يتحل نطويه على الجوانب كما المسمن ونحط الحشو باطراف الاصابع هدا البوراك ميتعمرش بزااف مع جبن ونحط ملعقة خليط الزيت فوق العجينة ونمشيه ونرولي نتحصل على حربوش نشكلوا محنشة او شكل لي راه في الصور حطيتلكم طريقة التشكيل
كي نكملوا كل الكمية ندهنوا الحبات بخليط الزيت وندخلوه فرن مسخن مسبقا على درجة 180 نشعلوا من تحت كي طيب نشعلوا من فوق ونطيبوه ذهبي متحمروهش بزااف باش مييبسش معكم

ملاحظة _الحشو يكون باارد ونقدروا نغيروا الحشو سلق او بطاطا مهروسة وبصل وطماطم مصبرة

_دائما نبداو بالكرية الاولى للي بعدها لانها تكون ارتاحت

_العجين هدا يحب خليط الزيت متبخلوش عليه ادهنوه مليح ههه

_الكريات تكون صغيرة لانه هنبعد كي نخدموها تتكسل وتخافوا طاولة العمل متكفيش ههه🤪🤪

اي سؤال انا بالخدمة وهو ساهل برك طولت الشرح للمبتدئات كنت استاذة متنساوش ولاازم نوصل المعلومة

[حياة نور الدين]

ولا تعليق لللاسف

[malake1967]

السلام عليكم و رحمة الله و بركاته
لا عليك أختي حياة
كنت سأعلق صباحا باكرا لما رأيت الموضوع
ولم أستطيع لأن شحن البطارية انتهى
ما شاء الله
شرح كافي ووافي
بارك الله فيك على الوصفة جعلها الله في ميزان حسناتك

[ام هدول]

شكرا حيوتة على مجهوداتك هنا وليهك بارك الله فيك حبيبتي الوصفة اكيد هايلة خاصة للرمضان

[*آمنة*]

ياااااااااااااا عمري

تشهي نتاع صح

شكرا خالتي حياة

[fati13]

بارك الله فيك اختي على الوصفة الرائعة

[RIMA.87]

و عليكم السلام و رحمة الله و بركاته
عودة ميمووونة غاليتي حيوتة و ام هدوول على سلامتكم،
بسم الله ما شاء الله عليك و على الموضوع المميز من كوزنتك الجديدة ،
بالبركة ان شاء الله،
جعل الله مجهوداتك في ميزان حسناتك ،استاذة قمة في الروووعة
قيد التجريب بإذن الله.
صح فطووركم

[yasmina 90]

و عليكم السلام و رحمة الله و بركاته
اولا ابارك لكل الاخوات و كل الاعضاء بدخول هذا الشهر الفضيل شهر رمضان المبارك نسال الله العظيم ان يجعلنا ممن يصومه و يقومه ايمانا و احتسابا
اختي حياة كالعادة متالقة دائما بالوصفات التي تقديمينها بارك الله فيك على الموضوع و ان شاء الله نجربوه في اقرب فرصة.
جزاك الله خيرا

[الحاج محمد سمية]

سلام عليكم
يعطيك الصحة ختي
بارك الله فيك على الوصفة
صح فطوركم

[zahia2]

شكرا جزيلا على الوصفة . تسلمي.

[loudjaine]

شكرا على الوصفة

[حسناء القمر]

روعه يعطيك الصحه

[ميايا]

شكككرا بورك فيك

[فاصلة]

جزاك الله خيرا

[fadl22]

سلام عليكم
يعطيك الصحة ختي
بارك الله فيك على الوصفة
صح فطوركم