دجاج مشوي في الكيس من مطبخي وبالخطوات المفصلة

[حفيظة42]

جربت الدجاج في أكياس الشواء واش نقلكم بنة وحدها خاوتي مسحو طباسا جربوها وما تندموش بصح تقيدو بالخطوات نتاعي ما تزيدو ما تنقصو ما تحوسو تفهمو لا حابين تنجحلكم الوصفة كيما ديالي



المقادير:

قطع دجاج أنا عملت 5 قطع حساب أفراد العائلة
حبة بصل مقطة دوائر
سنينات ثوم
3 ملاعق أكل زيت ولي يحيب زيت زيتون يعملها أنا مانحبهاش
ربع كاس عصير الليمون وإذا كان الكاس كبير نصف
حبة بطاطا
حبة قرعة
حبة جزر
كيس ماجي بالأعشاب


ندخل سنينات الثوم ودوائر البصل داخل قطع الدجاج

نفرغ محتوى كيس ماجي من التوابل ونضيف لها عصير الليمون وملاعق الزيت


نعمل رشة فرينة للكيس هذه خطوة ضرورية ومهمة


الآن كل المقادير جاهزة


نقوم بتمرير قطع الدجاج في صلصة التوابل


ونضع القطع في الكيس




نمرر الخضر المقطعة في صلصلة التوابل هي الأخرى


نضع الخضر في الكيس ونقوم بغلقه


نحط الكيس في قالب الفرن وندخله يطهى لمدة 75د في أثناء طهي الدجاج نلاحظ أن الكيس ينتفخ من البخار أنا كنت نفشه

راه يزيد يطلق المرقة بالبخار ديالو وتولي صلصلة عاقدة

بعد 75د نفرغ محتوى الكيس في القالب ونشعل الفرن من فوق ليتحمر الدجاج مدة 5د لأن الدجاج يكون محمر فقط نزيدولو باش الجلدة ديالو تجي تقرمش