لتعرف هذا لكروكي تساعدني

zizou19332 · 2014-03-15, 12:54

لتعرف هذا الكروكي تساعدني في المقادير تاعو لانو ذوقو يختلف عن لكروكي العادي .جزاكم الله كل خير.

غزة في عيوني · 2014-03-15, 13:16

والله مانعرف ياريت لبنات يساعدونا انا تاني عجبني

ام ماريا هاجر · 2014-03-15, 13:17

معنديش فكرة اختي نتمنى تلقايه

zizou19332 · 2014-03-15, 13:54

اقتباس:

المشاركة الأصلية كتبت بواسطة غزة في عيوني

والله مانعرف ياريت لبنات يساعدونا انا تاني عجبني

شكرا اختي علي المشاركة نتمني من بنات المنتدي الحرايريساعدونا ونستفادو جميعا هو عنجد كروكي هايل عندو ذوق خاص

zizou19332 · 2014-03-15, 14:14

اقتباس:

المشاركة الأصلية كتبت بواسطة ام ماريا هاجر

معنديش فكرة اختي نتمنى تلقايه

شكرا لك اختي على المرور

رهف كاتيا · 2014-03-15, 14:42

كيلة بيض كيلة سك كيلة زيت كيلة نشاء 2خميرة فاني ديري نص ابيض و نص اسود كيما الرولي كي يطيب ديري شكلاطة بيصاء و خطوط من السوداء كيما الميلفاي بصحتكم

رهف كاتيا · 2014-03-15, 14:47

نسيت الفرينة لمي بيها خلي العجينة طرية كيما الكروكي تاع بكري و راني نسيت الراء سكر اسمحولي

wissem17 · 2014-03-15, 14:54

يعطيك الصحة اخت رهف كاتيا

وكل الشكر لصاحبة الموضوع

zizou19332 · 2014-03-15, 15:54

جزاك الله كل خير اختي رهف كاتيا اخطاءك مفهومة وكي لعسل عندي المهم المرور الطيب شكرا جزيلا على الوصفة راح نجربه ونشوف لأنو هذا الكروكي خفيف وخاصة ذوقو كي القاطو تاع البتيسري

zizou19332 · 2014-03-15, 15:57

لاشكر على واجب اختي وسام17انشاء الله نستفادو جميعا

امازيغية وفتخر · 2014-03-15, 16:07

المقادير
8بيضات
2كيسان سكر
2كيسان زيت
2مغارف فاني
2 باكي خميرة الحلويات
2مغارف كاكاو
قشور حبة قارص
قرصة ملح
فرينة حسب الحاجة
طريقة التحضير
نبداو بالبيضنغسلوه و نكسروه لازم 8

نضيفولهم 2كيسان سكر و 2 كيسان زيت و 2 مغارف فاني و قرصة ملح و نخلطو

نزيدو نضيفو 2كيسان فربنة و الخميرة و نخلطو و نقسمو الخليط على 2 نصكبير و نص شوية اقل شوفو

في النص الاقل نحطو 2 مغارف كاكاو

ونزيدولو الفرينة و منيبسوش بزاف يبقى جاري شويا
نروحو للنص اللي مافيهش الفاني نزيدو نديرولو الفرينة حتى تتلملنا العجينة
نقسموه على 6 كيما في الصورة

نحلو كل وحدة بيدينا و نحطولها العجينة اللي فيها الكاكاو تكون جارية شوية

ونروليوها كيما البيسكوي رولي

و نديروها قد البلاطو ونحطوها تطيب بلا ما ندهنوها من فوق

لما اطيب غطي كل حبة بالشكولا البيضاء واعملي خطوط بالسوداء او العكس
تقدري قبل ما اطيبيها تدهني بصفار البيض ولحليب ولفاني وتذرذري الجيجلانية والمكسرات
تقدري بعد ما اطيب تدهني بالمربى وتذرذري المكسرات اللي تحبي او ترحي حبات من نفس لكروكي وتذرذري من فوق
راهو ايجي خفيف وذوقوا رائع مختلف تماما على العادي اللي يجي قاسح شوي ويقرمش لا هذا طري وخفيف
ما نحمروهش على الجوانب كيما النوع لقديم

للاحتياط لما تجربوه اعملو نصف المقدار حتى تتمكنوا منها
دائما لما نجربو نعملو كميات قليلة
الوصفة ناجحة ومجربتها العديد من المرات لكن كل وحدة او كيفاه تكون تجربتها مع الحلويات لاول مرة
اللي ما يحبش السكر بزاف تقدر تنقص نصف كاس من هذه الوصفة لكن انا نعملها كما هي دون تغيير
منقول للامانة ومجرب من طرفي وناجح 100/100

جيجلية · 2014-03-15, 16:36

شوفي اختي انا جربتو بصح بهذا الكيفية وجاني كما لاخر على خاطر ما طيبتوش من الجناب

هو للاخت ام يسرا

. 7بيضات 2 كيسان سكر عادي 3 كيسان زيت 1 خميرة نتاع القاطو zest نتاع 2 حبات قارص و 1 نشاء و كملي شيحي بالفرينة ماتيبسيهاش بزاف اقسمي العجينة على. 2 و زيدي كاكاو لنص و من بعد تهزي طرف من البيضاء تقرصيها شويا برك و تزيدي فوقها طرف من الي بالكاكاو و تحطيها فوقها مليح و من بعد تقرصيهم رقيق و من بعد تروليهم و تعملي حربوش و تحطيه في البلاطو و تحكمي عصير 2 حبات قارص و تضيفي لهم المعجون و تحليهم امليح و تدهني بيهم القاطو و من بعد تحطيه يطيب و من بعد خرجيه و زيدي ادهنيه و هو سخون بنفس الخليط ضرك يشربو و عاودي رديه للفور 5 دقائق و نحيه و البنة امممممممم مانحكيلكمش مع القارص citron

ام عبيدة · 2014-03-15, 17:29

شكرااااااااااااااااااااااااااااااااااااااااااااااا اااااااا

بنت الجزائر الحرة · 2014-03-15, 18:08

الي عطاتنا الوصغة بارك الله فيك روووووووعة

رهف كاتيا · 2014-03-15, 21:52

بلا مزية اختى انا من سطيف ورانا دايرين بيه حااااالة