[شرح]: Jade( Java Agent Development Framework).

[sami bett]

السَّلام عليكم وَرحمة الله تعالى وَبركاته.

أقدم لكم هذا الدَّرس لشرح Jade( Java Agent Development Framework).

درس حصري لِقِلَّة الدُّروس من هذا النَّوع.

إذا وَجَدْتُ تفاعلاً مُعْتَبَرًا، سأقوم بإكمال الدَّورة إن شاء الله.

https://t.co/Ows5sj4hOV

وَفَّقكم الله.

[مسامح.]

شكرا على الفيديو
نرجوا الفيديو الموالي

[you92cef]

حاجة مليحة كمل خويا

[sami bett]

الدَّرس الثَّاني:

https://www.djelfa.info/vb/showthread.php?t=1793032

[binary girl]

في وقتوووووووووووو يعطيك الصحة
حابة نسقصيك على le principe d'1 agent aspirateur

عندي نص tp بصح مفهمتش ممكن شرح

[sami bett]

السَّلام عليكم وَرحمة الله تعالى وَبركاته.
لم أفهم قصدك من السؤال...
على كُلٍّ:
ماهو موضح في الصورة:
هذا agent الـ workspace تاعو يتكون من زوج بلايص وحدة على اليمين ووحدة على الشمال.
يقدر يعرف راهو في البلاصة الأولى ولا الثانية. وكي يكون في بلاصة يقدر يروح للبلاصة الأخرى، يعني يتحرك لليمين ولا للشمال.
يقدر يعرف البلاصة لي راه فيها نظيفة ولا لالا.
يقدر ينظف البلاصة لي راه فيها,
نقدرو نمدو خدمة ساهلة للـ agent كيما في حالتنا:
إذا كانت البلاصة ماهيش نظيفة ينظفها، وَإِلاَّ يفوت للبلاصة الأخرى,

هذا المثال لي في الصورة.
بالنسبة إذا كان سؤالك هو طريقة برمجة هذ الشيء، فأنا أعتقد أنَّ المثال يطلب وضع متغيرات كيما المكان على شكل جدول مكون من خانتين مثلا هوما البلاصات في زوج، جدول آخر مكون من خانتين فيها boolean true or false تقوللنا المكان نظيف أو لا، نقدرو نديروهم في مصفوفة وحدة، الأمكنة وحالتها,
بالنسبة للأدوار نديروهم على شكل methods، يتاستي فيهم إذا كان المكان نظيف أو لا، بعد ما ينظفو ينتقل للمكان الآخر... إلخ.
يمكنُكِ طباعة نص على الشاشة يبين تنظيف المكان أو الإنتقال من مكان إلى آخر...

[binary girl]

المشاركة الأصلية كتبت بواسطة sami bett

السَّلام عليكم وَرحمة الله تعالى وَبركاته.
لم أفهم قصدك من السؤال...
على كُلٍّ:
ماهو موضح في الصورة:
هذا agent الـ workspace تاعو يتكون من زوج بلايص وحدة على اليمين ووحدة على الشمال.
يقدر يعرف راهو في البلاصة الأولى ولا الثانية. وكي يكون في بلاصة يقدر يروح للبلاصة الأخرى، يعني يتحرك لليمين ولا للشمال.
يقدر يعرف البلاصة لي راه فيها نظيفة ولا لالا.
يقدر ينظف البلاصة لي راه فيها,
نقدرو نمدو خدمة ساهلة للـ agent كيما في حالتنا:
إذا كانت البلاصة ماهيش نظيفة ينظفها، وَإِلاَّ يفوت للبلاصة الأخرى,

هذا المثال لي في الصورة.
بالنسبة إذا كان سؤالك هو طريقة برمجة هذ الشيء، فأنا أعتقد أنَّ المثال يطلب وضع متغيرات كيما المكان على شكل جدول مكون من خانتين مثلا هوما البلاصات في زوج، جدول آخر مكون من خانتين فيها boolean true or false تقوللنا المكان نظيف أو لا، نقدرو نديروهم في مصفوفة وحدة، الأمكنة وحالتها,
بالنسبة للأدوار نديروهم على شكل methods، يتاستي فيهم إذا كان المكان نظيف أو لا، بعد ما ينظفو ينتقل للمكان الآخر... إلخ.
يمكنُكِ طباعة نص على الشاشة يبين تنظيف المكان أو الإنتقال من مكان إلى آخر...

ه

و مشكل مشهور في عالم الذكاء الاصطناعي و مدهولنا tp في module multiagent
و نبرمجوه بـ netlogo
لمشكل أني برمتجتو معلاباليش علاش قالي غالط رغم اني درت نفس الفكرة كيما شرحتلي







هنا درتو يعدرف مكان الاوساخ و مكانها و يروح ينظغها مباشرة قالي غالطة لازم يكون يمشي بطريقة autounom

و من بعد بدلتو درتو يفوت على كل patch و يعملو test اذا نظيف و الا لا و كي يكمل الغرفة يروح للثانية و زاد قالي غالط

[sami bett]

في الحقيقة لم أبرمج بِهِ من قبل، لكن إعطنا رسالة الخطأ رُبَّمَا نساعدوك.

[binary girl]

"Il faut penser autonomie: Le robot (agent) perçoit la saleté, nettoie et se déplace entre les deux places de sa propre initiative. Beaucoup de choses manque à ton programme. "

هذا هو ميساج لبروف

[sami bett]

L'autonomie d'un agent c'est l'indépendance de lui dans son environnement.
يعني لازم تكون استقلالية للـ agent تاعك في الـ environnement تاعو,
ربَّما الخطأ لي صرالك هو أنك استعملتي الـ agent من خلال الـ main في البرنامج تاعك,
يعني في الحقيقة، الـ main لازم تكون تلونسي الـ agent برك، مش تدير إحدى وظائفو,

[binary girl]

امممم مفهمتش
تعيش اذا حبيت اشرحلي خطوة بخطوة واش يدير l'agent باش نقدر نبرمجو

[binary girl]

انا في lversion 1 درت 4 fonctions الاولى تحط الاوساخ فl'environment
, الثانية détecté الاوساخ في الغرفة الاولى اذا كاين تخير واحد من الاوساخ و تمد الاحداثيات للagent و هو يروح ينظفها و كي يكمل يروح للfonction 3 و يدير نفس الشي مع الغرفة 2 و درت الماين عيطت فيها لfonctions

[binary girl]

و في version 2 درت ال agent هو ydétecté الاوساخ yparcouré الغرفة كامل و منين يلقى الاوساخ ينحيهم و من بعد يروح للغرفة 2éme كيفكيف

[sami bett]

السَّلام عليكم وَرحمة الله تعالى وَبركاته.
أعتذر عن تأخري في الرَّد نظرًا لبعص المشاكل التي أصابت شبكة الـ lte الخاصة بالـ 4g وَالتي تسببت في انقطاع الأنترنت...

[sami bett]

بالنِّسبة للـ agent، لازم يكون في عمل مستقل بلا ما يأثر على عمل الماين ولا تأثر عليه، في الجافا نقدر نساعدك في الفرايموورك جاد، لكن في النتلوغو برمجيًا ليست لدي فكرة جيدة، أستطيع مساعدتك فكرِيًا، وَفَّقكم الله.