لعيونكن الحلويات اللي عملناها في حفلة نجاح سلفتي

ninafret · 2013-07-14, 12:44

السلام عليكن اخواتي كيما وعدتكم جبتلكم صور من الحلويات اللي وجدناهم انا وسلفتي الكبيرة لحفلة نجاح حبيبتي مروى في bem
بصح بيناتنا عجوزتي عرضتلي غاشي نتاع عرس عملنا 9 جماعات اللي جاو يباركو قالولها خصت غير العروسة
انا عملت هدية من عندي العصير والحلويات اللي قدمتها معاه نبداو بلي عملت

حطينا علب صغيرة نتاع رامي كوكتال كيما نتاع فيتا جي كنت مشغولة ماصورتهمش
وحطينا هاد ليسارفيات طبقتهم انا ومروى

وحطيت معاهم ليتارتولات باردين بنوعين من لاكرام باتيسيار موز وفراز وزينتهم بالفواكه ولاجولي

وحطيت بسبوستي عجبتهم كامل وطلبو الوصفة لانهم كي داقو مافهموش الساس من الراس هههههههههه نتمسخر برك مانيش حوحو

وحطيت هاد لي قوبلي عملت نوعين كاين اللي بالفراز والانناس وكاين اللي بالشوكولا
راح نحطهملكم بالتفصيل في menu جديد خاص بتحلية رمضان وجاو روعة روعة والله من دون مبالغة
بالمناسبة زوجي هو اللي عمل معايا التزيين دخل للكوزينة لقاني حاصلة ولازم نعمل قيس 9 جمايع مالا عاوني وزهاني ربي يخليه ليا

وعملنا طمينة الكاوكاو واللوز مع الزبدة والعسل

دركا الحلويات اللي قدمناهم مع الحليب والقهوة عملتهم سلفتي لاني منت في تونس رجعت نهار قبل الحفلة ولحقت نعمل غير اللي شفتوهم كانت عندي افكار بزاف بصح الوقت ماعنديش

هدا قاطو يشبه في قاطو القطيفة مغطوس في الشوكولا وممرغد في نواد كوكو مقلي ومخلط مع سكر وكاكاو

هدا مقروض نتاع السيار او الغربال

هدا قاطو بارد وفي الوسط نواد كوكو والفوق شوكولا دايبة ولوز ايفيلي

هدا قاطو الطبقات

هادي مقرقشات

هدا سابلي وفوق المعجون وجوز مدشدش

نتمنى تكون عجبتكم العرضة

__________________

linat · 2013-07-14, 12:49

يعطيك الصحة راكي 44444444444

sousou nossa · 2013-07-14, 12:51

واااااااااااااااااااااااو روعة تسلم ايديك
الف مبروك مروى عقبال مزيد من النجاحات

أم شيماءْ · 2013-07-14, 13:06

روعة يا ريت الوصفاة حبيبتي

زينوبة زيزو · 2013-07-14, 13:12

تباااااارك الله راكي روووووعة

tayma bourennan · 2013-07-14, 13:14

الله يباارك و الف مبروك مي باه تربحي الاجر قدقد كملي لي غوسات ههه اني نستناهم اوكى سيغتو تاع لقطايفة مغطوزس بالشوكولاطة ولي كريم تاع لراز وشكولاطة اني نستانك اوكى

tayma bourennan · 2013-07-14, 13:22

هايا اني نستنا يا شاطرة تاعنا وربي يخليلك راجلك

زائر الحياة · 2013-07-14, 13:43

تعيشي اختي يلا قدرتي حطينا الوصفات و خاصة المقروط

أم سراج الدين · 2013-07-14, 13:55

يعطيك الصحة مرا و نص نهار قبل الحفلة و قدرتي توجدي
مبروك النجاح
و ربي يحفظلط زوجك و يرزقكم الذرية الصالحة يا رب

خديجة ام صالح · 2013-07-14, 13:55

اختي سخفتينا و خليتينا هاكا
sltp حطيلنا الوصفاااااااااااااااااااااااااااااااااااااااااات

123boutheina · 2013-07-14, 13:58

مشاء الله تبارك الرحمان سلم الله يديك
وكل حلوى تقول للي وراها انا الافضل
بانتظارك تزودينا بالوصفات

mounia hse · 2013-07-14, 14:38

الله يبارك هايلين مي راكي نسيتي ماعرضتنيش ههههههههههههههههههه
ربي يدوم الفرحة و العقوبة للشهادات العليا
ورمضان كريم

صفــاء · 2013-07-14, 14:45

مشاء الله تبارك الله

هذا كامل في حفلة بيام؟؟؟ الله يبارك أختى ربي يدوم النعم عليكم

ومزيدا من النجاحات والأفراح للعائلة وربي يدوم محبتكم

وفي انتظار الوصفات

بَآْرَكَ فِيْكِ رَبِّيْ

oum ibrahim · 2013-07-14, 14:46

يعطيك الصحة نينا كلشي رووعة ربي يفرحك كما فرحتي سلفتك في انتطار وصفة القوبلي

*نآدرة~ · 2013-07-14, 14:59

تحف فنية نادرة،ماشاء الله عليك اختي الله يعطيك ما تتمناي،بصحتها مروى العاقبة للباك والتخرج والعاقبة ليك ربي يرزقك الذرية الصالحة ويفرحك
ماذابيك لوكان تكملي جميلك وتمديلنا الوصفات راهم كامل يشهو
ربي يخليك اختي نينا