مشكلتي في التعامل مع الموظفين في الادارة الجزائرية

[مشكلتي]

السلام عليكم .عندما اود السفر في المطار او استخراج وثيقة من البلدية او بريد الجزائر دائما ماتحدث لي مشكلة فمثلا المرة الماضية عندما كنت ذاهبا في مهمة وعند دخولي الى المطار حتى اوقفني حارس الامن المكلف بالتفتيش الجسدي ويقول لي الهاتف في السكانر بنبرة شديدة اللهجة رغم دخول الكثير من الناس بهواتفهم بشكل عادي ولاتوجد اي سلة لوضع الهاتف كما هو معروف في المطارات مما أغضبني هذا الأمر .وبقيت اسبوع استحضر الموقف فكيف لعامل امن ان يهين مواطن اما الناس وللاسف لاتوجد طريقة للشكوى. وفي بريد الجزائر تلقيت رسالة بوصول بطاقة الذهبية لكن العاملة هناك كأنها تتصدق علينا وتحججت بانقطاع الريزو فقالت بالحرف الواحد وباستهزاء قاع مزروبن خلي رمضان يجوز وارواحوا تشوفو فتكلمت معها بانه انا ادفع ثمن البطاقة (300dzولاتقومي بالتصدق علينا .وايضا عند سحب المال كأنهم يتصدقون علينا .والكثير من المشاكل في الادارة فاصبحت أخاف الذهاب خشية المشاجرة معهم وفي ضل غياب سجل الشكاوي او حتى اي مسؤول للتكلم معه .هل نحن بشر ام لا حتى نهان في اماكن لولا وجودنا لما وصلوا الى الوظائف التي هم فيها.شكرا لكم وأعلم ان هذه المشكلة غريبة نوعا ما لكنها تقلقني فماحلها وجزاكم الله خيرا

[منى6019]

السلام
الادارة الجزائرية يجب ان نخصص لها منتدى ...
ما بين سوء الاسثقبال ...عدم القيام بالمهام...ترك مصالح الناس ..الاستهزاء..
هذا الذي يعمل في الادارة ..و يذهب الى المستشفى ...يجب ان لا يشثكي
ما يفعله هو في الادارة ...يفعله الطبب و الممرض ...و هكذا اينما ذهبت
ثم كلنا نسب بعضنا

[صمت الرجوله]

راك شايف خويا ....تقريبا كل عمال الادارة كيما هاك خاصة النساء
نقولك حاجة صاحبي انا و الله مانراطي واحد خلي دمك سخون و اعطيهم واش يستحقو...الدنيا صاحبي راها معاك كي تكون خشين حاشية مع الحيوانات

[visa uk]

هكدا الجزائر في جميع الوضائف او المؤسسات والشركات الوطنية او الادارات الوطنية والعمومية عقلية عقلية اشتراكية سوسيالية بحثة يعني عقل الجزائري هكدا راح تبدلو نتا مخو وتفكيرو هاك يحكمو مناصب يولو غوال كامل كف كف ابسط حاجة يدرهالك تقول دار فيك خير كبير او يتصدق عليك حاجة حقك حقك مايمدهالكش كل شيء بالمعرفة يستغلون مناصبهم جميعا للقيام باغراض شخصية يعني مثلا انا مرة رحت للكناس سالت علي تاميني ان مستمر او لا قال لي روح للوكالة اخري يعني لو قضيتلو مصلحة صغيرة جدا راح يجاوبني في الحين يعني حقك ومن حقو يجاوبك لكنو لا عقلية الجويف في الدماغ اينما تروح في الكناس كاسنوس بنك شركات تامين اي ادارة بلدية دائرة محكمة هكدا حبيت ولا كرهت يعني لازم عرف باش تقضي حاجتك في ابسط الاشاء وهم كل شيء باطل هادو لي يخدمو عند دولة موضف شابع راحة الراتب كل شهر يدخل المنح امتيازات كثيرة مجانا وتخفيضات وعطل وامور كثيرة وهاك مايحمدوش ربي لي نعرفهم كامل يشكو ويبكو كي نساء واش راح درلهم رانا في يدهم عقلية الدولة راسهم خشين بزاف يحبو مصالحهم فقط ادا عندو مصلحة معاك يقضيلك صلاح وادا حاجة خفيفة اي سيرفيس يقضيهولك ولكن تاكد انو استفاد منك وووووووووووووووووووووووووووووووووووووووووووووووووو ووووووووووووووووووو لو نحكلك نحكلك كتاب علي عقليتهم هادو الموضفين التابعين للقطاع العام والوضيف العمومي
ادا كنت انسان فاهم وتعرف العقلية فوت عليك
انا هادو نكرهم في الدم تاع الدولة تقول راك داخل في مؤسسة يهودية تالمون عندهم واحد العقلية من المسؤولين تاعهم لابسط موضف يموتو علي السوسيال جيعانين يموتو علي الباطل

[123boutheina]

وعليكم السلام

اغلبهم يعفسوا على لي يحترم ويقدر لي قدامه , لواحد كي يقلب وجهه سعات افضل يا اخي

مرة وانا في سبيطار (..) كنت نحوس على جناح (..)

فسقسيت وحدة لقيتها تقصر مع صاحبتها تحت واجهه مكتوب فيها موظف الاستقبال

المهم قاتلي ايا حوسي حاسبة روحك في مصطفى باشا , حسيت مُخي كامل تحرق

[kacimo.samy]

السلام
اخي رد و ما تخليهاش في قبلك
و رد وانت متأكد انك على حق هكذا تكون عندك ثقة ..حتى انهم هم يخجلوا
وفي بعض احيان نتغاضى ولسبب انك لست بمزاج

جيب حقك