جزاء الحب

[مشكلتي]

السلام عليكم
قصتي طويلة ولكن لخصتها بقدر المستطاع
المهم أنا شاب أبلغ من العمر 24 عام ..رجل أعمال الحمد لله لدي سكن و سيارة و أشتفل لدى أعمامي في بناء السكنات و التهيئة
المهم قبل عام كنت أشتغل عند عمي فالإجارة تاع الشركة تاعوا و كانت معانا وحدة تخدم أعجبت بيها بزاف فعقليتها و تصرفاتها ... المهم بعد مرور حوالي 6 أشهر منذ إلتحاقها بالعمل معنا أنا أظطررت لأن أعمل و أنشئ مؤؤسستي الخاصة ولكن بقيت معاها كونــتاكت عبر الهاتف و الفيسبوك و لكن بعلاقة صداقة و أخوة و مع مرور الوقت تعرفت على أخواتها و والديها أثناء تخرج أختها و نيلها الماسير لأني عاونتهم و وقفت معاهم
المهم منذ حوالي 20 يوم دخلت للمستشفى و لأنها فقدت السمع لا أدري بسبب ميكروب أو زعاف بزاف ماعلاباليش ..أنا شفتني بزاف و زدت تعلقت بيها في هاذ الاونة و بغيت نخطبها رسميا
ولكن المشكل في هذه القصة أني كنت كلما نروح نشوفها نصيب عندها وحد الشاب ديما معاها و في كل وقت ...حاولت نستفسر حتى إكتشفت عن طريق أختي كيراحت تزورها بأنه خطيبها من طرف أمها ..أنا فلليل هدرت معاها فالفيسبوك قلتلها واش راه خطيبك مليح قالتلي هاذاك ماشي خطيبي هاذاك جا هدر عليا و أنا محبيتوش لأنه صديقي من الصغر و صديق العائلة و كأخ لينا ..
أنا إكتشفت و لاحظت أنه يبغيها بزااااااااف و أنا ماعلاباليش واش ندير

[مراد سابقا10]

شوف يا خويا مادام السيد سبقك ليها اجبد روحك وخلاص

وكونك واعي

شوف رزقك في بلاصة اخرى

[جَمِيلَة]

السلام عليكم ورحمة الله وبركاته
مرحبا أخي
مشكلتك الحقيقية أنك تعلم ان هناك من تقدم لها
وهذا قد يوقعك في أمر ممنوع شرعا وهو: الخطبة على الخطبة
لو كنت لا تعلم بأن هذا الشخص قد تقدم لتلك الفتاة وتقدمت انت
لكان الامر عاديا، ويصبح الأمر بيد الفتاة
تختار من بينكما الذي تريده
وعلى ما يبدو أن هذا الشخص لم يتخل عنها بل إنه
موعود بها من قبل أسرتها فالامر سيصبح معقدا أكثر بتدخلك أنت
اترك الامور تسير بشكل طبيعي دون ان تؤثر أنت على القرار النهائي للفتاة
وسلم أمرك لله ثم صل صلاة الاستخارة عسى الله ان يرزقك عاقبة طيبة
بالتوفيق لك أخي

[sohaibdz]

* جزاء الحب في الحرام

[* الحلم سكر *]

لا اله الا الله هي قالت ماهوش خطيبي
ادخل من الباب حط نقاط على الحروف و اقطع الشك باليقين
فيها مكتوب بالحلال مرحبا ما فيهاش اقطع الموضوع من جذوره لكن دير محاولة و تبين الحقيقة نهار اخر تكون عملت لي عليك و بلاك صح هوما حابينهم لبعضاهم و هي ما عينهاش
تحرى و افصل الموضوع
و ربي يوفقك للي فيه الخير

[kacimo.samy]

السلام عليكم ورحمة الله وبركاته

كيفاه نهار سوتنونس ما تولهتش و كيفاه كل هذه مدة ما فقت بوالو؟
ماجاش في سوتنونس؟؟

وحتى هي كون قاتلك و صدقتك ؟

قصتك ناقصة
وثم ثم اكتشفت بلي يبغيها بزاف ولم تكتشف انها مخطوبة
انا نقلك روح اخطيك منها خبات عليك هذه الحاجة مع البداية

وربي يسهلك
و كلش يبدا بصدق
سلام

( ولكل بيت باب)

[misktyba]

تقدم وأدخل البيت من الباب .ابعث أهلك وهم يردولك الخبر اليقين اذا كان خطيبها و الا لا .ومن بعدها قرر.

[basyouni]

اخططيك منها شوف غيرها + مازالك صغير يا خويا وشبيك

الطفلة راي تتمعشق مع الاخر وانت باه ما تخسركش كعادة البنات تقولك ما نحبوش ووووو باه انت تبقى تطمع

على العموم شوف غيرها

[om_hadil]

انسحب،،، احسن لك و لها و له ،،،، و ربي يرزقك الزوجة الصالحة

[زايدي أمحمد]

اقطع اتصالك بها فورا

[visa uk]

ماتكونش غافل راك تعرف عقلية البنات خلاطات من رجل راجل هادي راها كما قالك تعشق في روح اخري ربما تعشق الله اعلم وانت راها تستفاد منك ومن مالك وتلعب بك وتدلك مالك كععادة الفتيات راك عارف

[محارب الحمق]

كان عليك تسمية موضوعك: جزاء الحب في الحرام

[sweet girl 07]

حاول تستفسر ادا السيد خاطبها صح سايي ياخويا واش بقا فيها لازم تنساها

[علي لقواطي]

علاه تشتو تحطو ارواحكم في مواقف كيما هذي أقلب عليك كاين امثالها فالسوق

[سَامِيَة]

أحيانا من الأحسن للبضاعة أن تبقى
مكدسة في السوق خير لها من
أن تقع في يد مستهلك ليس
له شيئ من الذوق
ولا يعرف قيمتها