هل أعطيه فرصة

[سَامِيَة]

رأيي من رأي إخوتي واخواتي

ما إن ترسلين له رقم هاتف والدك
سيرسل لك رسالة فيها :
معليش نسقسيك؟؟؟؟
هذا من أساسيات علم مكر الرجال

يبقى احتمال ضعفك أمامه موجود
مادام قد نال درجة في سلم التنقيط
كونه من مجرد لقاء واحد جعلك
تحكمين عليه بأنه شخص محترم

فماذا لو لعب على وتر الحلال! !!!

أضعف الإيمان يتبعك من بعيد حتى
يرى أين تسكنين والباقي متوقف
على شهامته ورجولته....فإن اعطيته
الهاتف لما لا تفاتحين والدك بموضوع
الزواج نيابة عنه.

ربي يثبتك على اخلاقك وسط زوبعة
الحب والزواج

بالتوفيق

[زهرة وهران]

اي شيء أتركه و أن عاد لك فهو ملكك و إن لم يعد فهو ليس لك من البداية
لا تراسليه ان قطع طريقك مرة أخرى قولي له أن يتقدم لك و التعرف يكون في وقت الخطبة

[bazzeftv]

تفكيرك جميل و يا ليت كل البنات يفكرون مثلك مازال الخير في بناتنا
من وجهة نظري كشاب أيضا قد يكون محترم كما تقولين و قد لا يكون فهذه ايضا طريقة لاستدراج الفتيات (بنات الفاميليا)
الحل ممكن تعطيه رقم هاتف أبيك أو أخوك عادي و فهمهم واش صرا وأكيد هوما ما يحبولك غير الخير و راح يكتشفو أي شيء
أو قوليلو يجي لداركم يشوف باباك وخوك
و قد يكون فيه نصيب من الحلال ان شاء الله
ومن كل قلبي أتمنى لك حياة هنيئة...تحياتي

[toulay]

السلام عليكم
رد بالك تمدلوا رقم باباك ولا رقمك خليك صعيبة المنال
اذا جاء حكى معاك مرة خلاف قولوا عندي دارنا point barre
والرجل اذا يحب طفلة وتعجبوا يدير المستحيل باش يديها ويحوس على دارهم ويجبدها يالوكان من تحت الارض
مالا متكونش متسرعة بعقلك خلاص
وانت صلي وادعي ربي قول اذا فيها الخير ياربي وفقنا وسهلنا واذا في الشر بعدو عليا كيما بعدت السماء عن الارض ولا المشرق عن المغرب
بالتوفيق

[muslim girll]

اللهم وفقنا للقول السديد والعمل الرشيد
ماشاء الله عليك
ربي يرزقك بالنفس المومنة
شوفي اختي
انت بديت وقلت وانا راجعة للدار
...
هنا السؤال هو ماكانش قادر يتبعك !
ممكن الواحد يكون مشغول وماقدرش كيفاه يتبعك

فنديرولو العذر كي جا يهدر معاك...
/مالغري هو ما خممش فيك لو كان يجوز من تم كاش واحد يعرفك ولا يجوز خوك ولا باباك وش رح يصرا /
نقولو ما قدرش يتبعك...اوكي ..
علاه يحوس على رقم تاعك !!! ؟
وعلاه ما يسقسيكش وين تسكني !! ؟

وما يغركش كي قالك مديلي رقم تع باباك بالاك كون مديتيهولو مايعيطش !

الله غالب الرجال في وقتنا راهم ناقصين
مايغركش بالسروال ولا بخشونة الصوت

وكي قلت احترمك..
يحترمك بلا مزيتو
انت ما تسنايهش يحترمك
انت احترمت روحك قبل من الناس
هادي ديريها مليح في بالك
خاصة اذا كنت محتجبة ...

ولو كان احترمك تع الصح لو كان جا تبعك حتى تسمعي فالدار بلي جا واحد

وراهو بان كي قالك ابعتيلي فالفايس هادا *** ولا راهو يتمهبل !!!!
وسائل التواصل دوك راهي اسهل من الهاتف ...
يعني انت ماحبيتيش تعطيلو الهاتف فاس ا فاس خاتش ماتحبيش
لالا ايمالا تعطيلو الفايس تاعك وزيد الرقم
عجاب،!،
ربي عالم بالنيات
واطلبي ربي يعوضك
وصدقيني اللي حابك تع الصح يسيي ويسيي وبشحال من طريقة
انا نقولك
ونعطيك قاعدة ان شاء الله تفيدك
(جامي
ما تخلقي الاعذار للراجل )
..
واستخيري دائما .
بالتوفيق .