تعقيب على فهموني عباد الله

[مشكلتي]

طرح المشكلة يعني ان صاحبها ضاق ذرعا ويبحث عن حل يعني ليس مجرد تسلية او مجرد شكوك
ومن يتصدر لطرح حل او علاج لا يضع نفسه مصلح اجتماعي او انه فاااق غيره علما وحكمة وكلامو صواب
ويا ليت حل المشاكل دون اسقاطها على انفسكم يعني اللي عندها مشكل مع العيلة او زوجها لا انصح من منظورها الضيق
انا لما طرحت مشكلتي لها سوابق
وباترى شرعا وقانونا يجوزلها تعيط لاخو الزوج بهاتف ابيها لتوهم اهله ان المتصل رجل؟؟؟
الشيطان لم يمت ويزين للانسان وزوجي ليس يوسف ولاهي امراة العزيز
رغم اني 15زواج وعمري ماتصلت باخوة زوجي نحشم منهم مرة اتصلت نسقسي على زوجي تاخر قالتلي العجوزة ماتزيديش تعيطي لوليدي
كلامي للاخت زبدة ذايبة
ردودك استعراضية فحسب.

[muslim girll]

السلام عليكم
اللهم وفقنا للقول السديد والعمل الرشيد
مدام ...في حالة ما اذا كنت صادقة في الشك تاعك
ماعليك غير تخمي كيفاش تخرجي سالمة من هاد الحاجة
يعني ايدا هي ماشي مليحة وعينها في راجلك لازم ماتخليهاش توصل وين راهي حابة
وايدا هي ما راهيش حاطة العين على راجلك مالازمش تباني انت موسوسة ومعندكش ثقة بنفسك وبراجلك وبالناس اللي حولك واهم من هذا ما تتخاسريش مع راجلك على حاجة ماشي صح
امالا كيفلش ديري؟؟
من رايي انك فهاد الفترة بالتحديد تتقربي اكثر لزوجك ..كيشغل عرسان جدد ..وفشيه وتهلاي فيه فوق اللازم ..شفتي انت طفل صغير باش تضمني ماياكلش برا توكليه مليح فالدار حتى يتقهمytgham هكدا مام تحطيلو حاجة يحبها مايكلهاش وايدا كلا ياكل غير شوية
فانت اجبدي راجلك ليك (نهارا وليلا ..)
وبالاكي ثم بالاكي تتخاسري معاه على جال وحدة ! الله لا توصلها اللي ندارب مع راجلي على جالها ! .. خاصة ايدا كان هو من النوع اللي يدير وش كاين في راسو (باين هو هكدا)
وانت عليك وعلى الايحاءات ..اخدمي على العقل الباطن ..ساعة على ساعة قوليلو والله غير خوك ماصابك غير انت ومرتو راهي امانة ..راك داير خير كبير في خوك وفمرتو اصلا راك كي خوها ... وهكذا ..
وفي نفس الوقت اقعدي فالمجال يعني يكون علابالك بواش راهو يصرا وسقسيه كيفاش هدرت مع المحامي ولا ايدا كشما سحقت مرت خوك نعاونها ... بلاما تسمطي وبلاما تكوني قرعاجية ..ماتسيفيش عليه يحكيلك ايدا ما حبش
وهكدا ماتخسري والو مارح تظلمي هاديك لمرا ولا رح تخلي لما يمشي تحتك
وصراحة ماعلاباليش ايدا الاحسن انك تتقربي منها ..انا مننصحكش تصاحبيها بزاف ..والله اعلم... لانو الدسارة ماهيش مليحة ..
يعني الخلاصة ايلا هي ذكية انت كوني اذكى
•••••••••••••••
المراة مع الوقت تنسى بلي هي انثى ... والراجل يلاحظ هاد الشي (الانوثة ماشي معنتها الجمال برك حتى طريقة اللبس وحتى الكلام والدلال الى اخره )
شوفي للامور من زاوية ايجابية و بالاك هادي فرصة ليك باش تتهلاي فروحك وفراجلك وماتنسايش بلي راجل لازم انت تصونيه
ودايما بينيلو بلي دايرة فيه كونفيونس ( مالغري ماشي صح)
وبالاكي تقوليلو انت ماشي سيدنا يوسف عليه السلام !!!
بالعكس احييلو الضمير تاعو
وحافظي على اذكار الصباح والمساء والنوم .. لان الشيطان فارغ شغل ماتخليهش يرجع الحبة قبة ..والتوسويس ماهوش مليح لراحة البال وللصحة وحتى الشكل الخارجي يؤثر عليه سلبا ..ويكون في علمك انو اللي تهدر بصوت رقيق مع راجل ماشي معنتها راهو عاجبها ولا عينها فيه كاين اللي تحب تبين انوثتها برك...
ربي يصرف النساء على قلب زوجك
بالتوفيق 🌷

[زبدة ذايبة]

سيدتي الفاضلة

مانلزمكش تطبقي ردودي حرفيا.

ولست الوحيدة في القسم للرد على مشكلات الأعضاء.

وبما أنك متأكدة أنني أتصدر الردود

لوكان درتي مزية وحطيتي ملاحظة

أرجو من فلانة ألا ترد على مشكلتي

وبما أنك متأكدة من شكوكك تجاه

زوجك وزوجة أخيه. الله يسهل عليك في أي طريقة تحلي بيها

مشكلتك.

أنا نعطي رأيي فقط

يتوقف دوري هنا.

انت أدرى بمصلحتك. وأدرى بالشي اللي يخرج عليك.

ردودي استعراضية بالنسبة لك.

الحمد لله أغناني الله عزوجل عن هذا. فاللهم لك الحمد ولك الشكر.

لا أحتاج لمشاكل الناس حتى أستعرض نفسي

الحمد لله تصلني رسائل كثيرة من

الأعضاء تشكرني وهذا اللي يشجعني على المواصلة.

وليس لي في هذا لاناقة ولا جمل

الله أسأل ألا أحرم الأجر من الله

بالنسبة لمشكلتك الله يسهل عليك

أي رد من ردود الأعضاء يساعدك طبقيه

[nihal159]

قلتي أنها تتصل من هاتف أبيها؟ علاه مافسرتيش الأمر على أنو :تتصل بعلم أهلها و أمامهم و بموافقتهم؛ تجنبا لأي شبهة أو تفسير خاطئ للأمر؟
لماذا فسّرتي الأمر على أساس أنها حابة تغلّطكم؟؟؟؟
نضن و الله أعلم أنو تفسيرك للأمور هو الخاطئ؛ أي موقف في الحياة ممكن نقراوه بنية طيبة و يمر مرور الكرام و ممكن نقراوه بنية سيئة و نعملو من الحبة قبة و نستسلمو لوساوس الشيطان.

[dede2000]

شوفي أخت الكريمة اي شخص يدخل هنا ويحط المشكلة نتاعو لزم يقبل كل الاراء نتاع الاعضاء وحتي في بعض الاحيان النقد،لكن الخلاف لا يجب أن يفسد للود قضية
وانت المشكلة نتاعك الان مهيش مع أختنا زبدة ذايبة راها مع زوج ربما خانك ؟؟؟؟؟
فلا تذهبي لمعارك جانبية وتنساي المعركة المصيرية
علبالك كل زوج (امراة ورجل ) عندهم اسرارهم الخاصة يعني العلبة السوداء نتاع الزواج وانت تعرفي زوجك جيدا هل يديرها او لا ؟؟؟
وننصحك لا تهدمي بيتك بسبب ربما وساوس او ضنون فالبينة علي من إدعي واليميين علي من انكر
المهم ان شاء الله ندعولك بالهناء والستر
وسلفك ندعولو ربي يطلق سراحو

[قدور بن عاشور]

راجلك طاحت عليه مصيبة خوه دخل للحبس،
و أنت عمبالك راه فرحان يباصي خوه باش يخلى له الجو يتمعشق مع زوجة أخيه.
إذا لم تقفي مع زوجك في المحن فمتى؟
أرفعي المستوى شوية.

[قدور بن عاشور]

المشاركة الأصلية كتبت بواسطة قدور بن عاشور

راجلك طاحت عليه مصيبة خوه دخل للحبس،
و أنت عمبالك راه فرحان يباصي خوه باش يخلى له الجو يتمعشق مع زوجة أخيه.
إذا لم تقفي مع زوجك في المحن فمتى؟
أرفعي المستوى شوية.

أنت أعلم بحال زوجك، فهل تظنينه بهذه السفالة و الحقارة؟

إجابتك عن هذا السؤال مفتاح لحل مشكلتك.