مجرد فضفضة-اتمنى التفاعل-

[الشاوية98]

السلام عليكم ورحمة الله تعالى و بركاته

واش راكم ان شاء الله تكونوا كامل بخير

هادي اول مشاركة لي في هاد القسم و حبيت نحكيلكم حكايتي و نفرغلكم قلبي لأنو قريت الكثير من قصص الناس و احوالهم مالا تشجعت انا تاني نحكي حكايتي

نبداو بعد بسم الله هههه انا بنت ننتمي لعائلة محترمة و والديا ناس معروفين و عندهم قيمتهم في مجتمعنا تربيت على الاخلاق و الدين كبرت و بعد ما وليت مراهقة كأي حالة من المراهقين تعرفت على العالم الفيس بوك و اصبحت احد المدمنين عليه في البداية كنت غير نستعملو من اجل انو نحكي مع افراد عايلتي ولا زملائي
مع الوقت تعرفت على صديقات في الثانوية و اللي ان شاء الله ربي يهديهم كانوا اصدقاء سوء شجعوني على التعرف على شباب و اولاد و تكوين علاقات معاهم في البداية انا عارضت و قلت هاد الشي منافي للدين نتاعنا و حرام و لكن كان في اعتقادي انهم راح يفهموا وجهة نظري لكن بالعكس و كيما راهو صاري في الايام هادو نعتوني ب(المعقدة) كيما يقولو لأني ما نحكيش مع الشباب و انا من خوفي اني نخسرهم و بالإضافة الى ذلك كانت شخصيتي ضعيفة و قدروا يستدرجوني معاهم في طريق الضلالة المهم انا درت كيما قالولي و بديت نتعرف على ولاد و من مختلف الولايات
في يوم من الايام تعرفت على شاب و يوم بعد يوم تطورت العلاقة بيناتنا و وليت نحكي معاه في التلفون و منا و كيما تعرفو يوعدني و يحكي معايا و كل هادوك الأكاذيب انا ربي يغفرلي صدقتو و سمعت لكلامو الى ان جا يوم عرفو والديا فيه بعلاقتي بيه هوما بالطبع زعفوا مني و حبوا يبينولي حقيقة هادا الشاب و بلي مكانش واحد يحبني و يحبلي الخير كيما ماما و بابا بعد الشي هادا عرفت بلي هادا الشاب كبير عليا بزاااااااااف و مخصص حياتو غير لهاد صوالح و تمسخير بالبنات
ان شاء الله ما تفهمونيش غالط و تاخذوا الامر على محمل الجد لأني تغيرت و تبت الى الله تعالى و بعدت على صحاب السوء كامل و بديت حياة جديدة

ايه و بغيت نقول يا البنات وحدا ما دير لمان في واحد اول حاجة هادا شي حرام و يغضب ربي و الوالدين
ثاني حاجة و الله غير تخسري حياتك و صحتك و وقتك و مالك و كل ماهو عزيز عليك
يعني توبي لربي قبل فوات الاوان و احكمي الطريق الصواب

و حاجة تاني انا كنت مدمنة على سماع الاغاني و كيما نعرفو هادا شي حرام وبغيت نبعد على الموسيقة و الاغاني
ونويت نحفظ كلام ربي خير و نختم بإذن الله
مالا لي باغي يعاوني يعطيني اي نصيحة باش نبعد على الاغاني و نحكم طريق ربي

و ان شاء الله توقفوا معايا و تكونوا من الناصحين ليا لأنو شفت كل اعضاء هاد المنتدى كيما الخاوة يعاونو بعضاهم و تمنيت ننضم لهاد الاسرة نتمنى تقبلوني كفرد منكم
بعد ما فتحتلكم قلبي و ارتحتلكم

في امان الله
مع السلامة

[تائبة لله تعالى]

السلام عليكم
اختى الكريمة والفاضلة

الحمد لله الذى هدانا وتاب علينا
وانا وجدت سعادتى الا بالقرب من رب
العالمين
انما الفيس بوك والاغانى وغيرها من الملهيات فهى طرق الشيطان وخطواته
ويجب علينا الحذر منها والتمسك بديننا الحنيف والقرب من ربنا العزيز
اذا اردت اختى ان تبتعدى عن الاغانى ابتعدى عن الموسيقى اولا لانها مزمار الشيطان
ثم ابداى بحفظ القران الكريم
ولا تنسى الدعاء لك ولنا اختى الكريمة .

[الشاوية98]

المشاركة الأصلية كتبت بواسطة تائبة لله تعالى

السلام عليكم
اختى الكريمة والفاضلة

الحمد لله الذى هدانا وتاب علينا
وانا وجدت سعادتى الا بالقرب من رب
العالمين
انما الفيس بوك والاغانى وغيرها من الملهيات فهى طرق الشيطان وخطواته
ويجب علينا الحذر منها والتمسك بديننا الحنيف والقرب من ربنا العزيز
اذا اردت اختى ان تبتعدى عن الاغانى ابتعدى عن الموسيقى اولا لانها مزمار الشيطان
ثم ابداى بحفظ القران الكريم
ولا تنسى الدعاء لك ولنا اختى الكريمة .

ان شاء الله اختي الكريمة و شكرا

[first first]

يااختي واش نقولك..............راكي فهمت دوكة ..................وربي يثبتك.
اختي ربي قالنا لاتقربو الفواحش .............ماشي ماديروش الفواحش .................يعني في الدنيا هادي اختي العزيزة ..............اهربي من اي حاجة تشكيها تقدر تغلطك ولاتمشيك طريق ماشي مليحة................اللاجتناب اسهل من انك تغرقي روحك وتاديها ومن بعد تولي تجبدي فيها وتداويها.

اتهلاي في روحك قد ماتقدري.......................ماتنسيش الكلمة هادي وفرات.
راني حبيت نلخصلك المبادء كامل في 2كلمات .............وماتنسايش .............ربي حطيه ديما في قلبك وبين عينيك .............وربي يهدينا ويثبتنا اجمعين
بارك الله فيك

[mouadezzine]

وعليكم السلام ورحمة الله وبركاته
أحمدي ربّي أنّك سلكتي من هذي الورطة الكبيرة
والدوّامة الخطيرة اللي حطّيتي فيها روحك.
الآن مابقالكش تزيدي تغلطي نفس الغلطة بعد الغلطة الاولى

بالنسبة للأغاني تبانلي ماكاش نصيحة معينة نقدموهالك
الأمر بسيط
أنت تعرفي أن الأغاني حرام
إذا أعزمي وخوذي قرار نهائي تبطلي تسمعيهم بأي طريقة

ربي يكون في عونك ويجعل حكايتك عبرة لكل بنت
ربي يسترك ويحفظك من كل سوء
...........
الله يفارقنا بلا ذنوب

[samar alil]

rabi yahdik wa yba3ad 3lik wlad lahram ya okhti

[hamza18]

اهلا وسهلا بك اختنا معنا اولا الف مبروك لاجتيازك اول عقبة في طريقك وثانيا ادا اردت عدم سماع الاغاني هناك طريقة سهلة وهي ان تمسحيها من جهازك وباالتوفيق ان شاء الله

[ام وسامة]

الحمد لله يا أختي العزيزة لي فطنتي الله يهدي جميع أمة محمد

[ربيع زوامبية]

اللّهُـمَّ أَسْـلَمْتُ نَفْـسي إِلَـيْكَ، وَفَوَّضْـتُ أَمْـري إِلَـيْكَ، وَوَجَّـهْتُ وَجْـهي إِلَـيْكَ، وَأَلْـجَـاْتُ ظَهـري إِلَـيْكَ، رَغْبَـةً وَرَهْـبَةً إِلَـيْكَ، لا مَلْجَـأَ وَلا مَنْـجـا مِنْـكَ إِلاّ إِلَـيْكَ، آمَنْـتُ بِكِتـابِكَ الّـذي أَنْزَلْـتَ وَبِنَبِـيِّـكَ الّـذي أَرْسَلْـت .

[سماح 2]

_ شكرا على مشاركتك قصتك ,,=) الحمد لله كي جازت ع خيرْ ,,

_ أنــآ كذلك أريد التخلص من الغنـآء أسمعهُ يومياآ في العطلْ

[الشاوية98]

المشاركة الأصلية كتبت بواسطة first first

يااختي واش نقولك..............راكي فهمت دوكة ..................وربي يثبتك.
اختي ربي قالنا لاتقربو الفواحش .............ماشي ماديروش الفواحش .................يعني في الدنيا هادي اختي العزيزة ..............اهربي من اي حاجة تشكيها تقدر تغلطك ولاتمشيك طريق ماشي مليحة................اللاجتناب اسهل من انك تغرقي روحك وتاديها ومن بعد تولي تجبدي فيها وتداويها.

اتهلاي في روحك قد ماتقدري.......................ماتنسيش الكلمة هادي وفرات.
راني حبيت نلخصلك المبادء كامل في 2كلمات .............وماتنسايش .............ربي حطيه ديما في قلبك وبين عينيك .............وربي يهدينا ويثبتنا اجمعين
بارك الله فيك

امييييييين ان شاء الله

مشكور اخي الكريم على المرور الطيب

[الشاوية98]

المشاركة الأصلية كتبت بواسطة mouadezzine

وعليكم السلام ورحمة الله وبركاته
أحمدي ربّي أنّك سلكتي من هذي الورطة الكبيرة
والدوّامة الخطيرة اللي حطّيتي فيها روحك.
الآن مابقالكش تزيدي تغلطي نفس الغلطة بعد الغلطة الاولى

بالنسبة للأغاني تبانلي ماكاش نصيحة معينة نقدموهالك
الأمر بسيط
أنت تعرفي أن الأغاني حرام
إذا أعزمي وخوذي قرار نهائي تبطلي تسمعيهم بأي طريقة

ربي يكون في عونك ويجعل حكايتك عبرة لكل بنت
ربي يسترك ويحفظك من كل سوء
...........
الله يفارقنا بلا ذنوب

شكرا جزيلا اخي الكريم

ربي يهدي جميع المسلمين ان شاء الله و يغفرلنا

[الشاوية98]

المشاركة الأصلية كتبت بواسطة samar alil

rabi yahdik wa yba3ad 3lik wlad lahram ya okhti

آمين يا رب

شكرا اختي الفاضلة

[الشاوية98]

المشاركة الأصلية كتبت بواسطة hamza18

اهلا وسهلا بك اختنا معنا اولا الف مبروك لاجتيازك اول عقبة في طريقك وثانيا ادا اردت عدم سماع الاغاني هناك طريقة سهلة وهي ان تمسحيها من جهازك وباالتوفيق ان شاء الله

ان شاء الله

مشكور اخي

[الشاوية98]

المشاركة الأصلية كتبت بواسطة ام وسامة

الحمد لله يا أختي العزيزة لي فطنتي الله يهدي جميع أمة محمد

الحمد لله
آميييييييين
شكراااااااا