البسبوسة من مطبخ أم كوثر مع سر صغير

[*أم كوثر*]

السلام عليكم
البسبوسة حلوة معروفة ونحبوها كامل
الا انه عندها عدة طرق للتحضير والتقديم
حبيت نفيدكم بطريقتي لي جامي نبدلها
المقادير هدي لسينية الفور العادية
2بيضات
كاس زيت
كاس حليب
كاس سكر
الكثير من زاست القارص
فاني تع الميزان
نخلط الكل بشوكة او باتور شوية برك ونبدى اضافة الدقيق بشوية و2 خميرة كيميائية
نحرك حتى الحصول على قوام ماهو جاري بزاف ماهو ثقيل ونطيبها عادي ونحمروها من فوق
السر في الشربات لي تعطيها طعم مميز
باطة عسل
كاس ماء زهر
عصير حبة ليمون
نخلطهم ملييييح ونسقيها فور خروجها من الفرن
نرجعها للفرن وهو طافي
تبرد وتقدم
انا هنا عملتها في اكواب فردية وزينتها بالشونتيي
في كل كوب سقيت ب3 مغارف كبار شربات













ان شاء الله نكون افدتكم

[جيجلية]

بسبوسة بالشانتي فكرة مليحة

شكرا ام كوثر دائما تتحفينا بالجديد

[*سماح 94*]

امممممممم تشهي ام كوثر يعطيك الصحة
وينا كاس نستعملو متوسط ولاصغير

[feuilleblanche17]

شكرااااااااااااااااا راهي تشهي
يعطيك الصحة على الوصفة و السر و فكرة الاكواب الفردية
ربي يجازيك كل خير

[بشرى2008]

مشكوووووووووووووووووووووووووووووووووورة

[zeyyan]

[*أم كوثر*]

العفو اخواتي منورين
الكاس هو الكاس العادي l ordinaire

تع ليموناد نسيت ماصورتوش

[natacabell]

hayla yatik esaa fikra mlih taa la creme mel fouk ou surtout ta3 el akwab el fardiya yatik esaha oum kawtar

[MERIEM SETIF-2-]

جاتك تشهي ، ما شاء الله عليك يا ام كوثر كل حاجة من يدك 444444444444444444444444444444
شكرا جزيلا و بارك الله فيك و جزاك كل خير .

[ام عماد الدين]

فكرة مليحة تاع الاكواب الفردية يعطيك الصحة اختي

[كوزينة هديل]

ممممم باينة بنينة يعطيك الصحة

[*ام رامي*]

شكرا لك
تسلم الايادي

[oum anas 69]

mmmmmmmmmmm hayla ana nmout 3liha ya3tik asaha

[سماح أم أنس]

نملها بنفس طريقتك لكن نزيد نص كاس خبز مرحي بت نجي خفيفة ..والله شهيتيني بيها..يعطيك اللصحة

[eystur]

تبدو جيدة.........