صابلي رائع شكلا ومذاقا....وزيد اقتصادي بلا زبدة

أم المعتصم بالله · 2013-10-28, 11:56

السلام عليكم ورحمة الله تعالى وبركاته

اللهم صلي على نبينا وحبيبنا محمد وعلى آله وصحبه اجمعين

قاطو ساهل ماهل موجود في كل بلاد ههههههههههههه

كاس زيت
كاس نشاء
3ارباع سكر قلاصي او نصف كاس لميحبوش الحلاوة
2 خمارة القاطو
ولافاني

4 بيضات كاملين و2 صفار

طريقة التحضير

نخلط البيض والزيت نضيفلهم السكر ثم النشاء والفرينة والخمارة تتعجن العجينة نحلها بالحلال على سطح مرشوش بالفرينة تعود غليظة شوي و نطبعها بطابع مربع وفي الوسط ندير علامة بالموس أي شغل نقسم الحبة ل2 غير فوقاني
وندخاها تطيب مع تخرج نغطس النص في السكر قلاصي او كاين طريقة خرا ليدرتها انا بصح مش زينة تيبس مع الوقت نخليه نيبرد ونغطسو في الماء لزهر ثم نمرمده في السكر قلاصي على شق والشق الاخر نغطس البانسو في عسيلة بيضاء ونمرمدوا في كوكاو ملون بالاخضر كنت لونتوا ودرتوا انشف في الفور ليلة من قبل هذي الفكرة كانت عدي وزدت لقيت اخت هنا اكدتها
ومبعد غطي الجيهة لغطستي فيها الكوكاو بطرشونة تاع الورق وديري في الصفاية سكر قلاصي وذريه على الجهة لغطستيها في البداية ومن فوق ملمع الاحرش

ودريه في كيسات يذوووووووووب في الفم

ملاحظة

لي عندها معجون تديرو في ماكان لعسيلة نظن هو يلصق الكوكاو خير
والي راح تدي هذوا اللاغوسات تاع صابلي حبة لاصقة في حبة بالمعجون ترققوا وتدير كاس سكر قلاصي مش كما كتبت الفوق ....

زينوبة 45 · 2013-10-28, 12:02

يعطييييييييييييييييييييييك الصحة

sidali 2007 · 2013-10-28, 12:04

يعطيك الصحة

heba alhariri · 2013-10-28, 12:05

باينتو كثير طيب و كثير سهل
يعطيك لعافية
و يسلمو ايديكي

أم عابد · 2013-10-28, 12:07

يعطيك الصحة شكلو روعة و اقتصادي ، تقبلي مروري

أم محمد تاج · 2013-10-28, 12:07

مممممممممممممم رووووعة حنونة ونموت على لي صابلي لي بالزيت اقتصادييين وبنااان فوووووووووووووووووووووور

أم إناس · 2013-10-28, 13:57

ماشاء الله صابلي روووووووعه يعطيك الصحه

ام فريدة72 · 2013-10-28, 14:09

السلام عليكم ورحمة الله وبركاته
اختي بعطيك الصحة
خدي هده التجربة في الكأس تاع الزيت ضعي روح اللوز او بندق حتى تختفي رائحة الزيت
جربيها انشاءالله

ام محمد78 · 2013-10-28, 14:12

يعطيك الصحة

كريمة كوكة · 2013-10-28, 14:17

اقتصادي و يحمر الوجه ما شاء الله

أم ريمة* · 2013-10-28, 14:19

ما شاء الله روعة خاصة كى عاد بالزيت

souma.sousou · 2013-10-28, 14:44

يعطيك الصحة يبان بنين ...........نجربو نشاله .لكن قوليلي من فظللك شحال تقطع هاد المقادير من حبة

أم المعتصم بالله · 2013-10-28, 15:12

اقتباس:

المشاركة الأصلية كتبت بواسطة souma.sousou

يعطيك الصحة يبان بنين ...........نجربو نشاله .لكن قوليلي من فظللك شحال تقطع هاد المقادير من حبة

انا هنا كيلت بكاس شوي كبير قظعتلي53 حبة ونتي كفاه كاسك كاسي مش لهنا كان صورتولك

عفاف حمامة · 2013-10-28, 15:23

يعطيك الصحة باين مليح وفي نفس الوقت ساهل

fari gimo · 2013-10-28, 15:36

يعطيك الصحة يبان خفيف و بنين لما شفت السكر فوقو تخيلت ذوقو بالليمون خاطر نحب بزاف الحلويات بالليمون
انشاء الله نجربو خاطر ساهل في المقادير و التحضير لكنسامحيني خاطر رايحة نزيدلو الليمون