شخشوختي من الألف .....للياء......

آيات سرمدية · 2015-10-20, 16:26

السلام عليكم ورحمة الله وبركاته

اول مرة نعمل موضوع في هذا القسم.....كما اني نادرا ما ازور مواضيع الطبخ...لظروف ....المهم ليوم جبتلكم طريقتي في الشخشوخة.....مع اني اكيدة انو موضوعي لن يرقى الى مايقدم هنا.....ولكن المهم عندي المشاركة....والاجر على الله.....

نبداو بسم الله......كما تبين الصور...انا عجينة الشخشوخة عندي منعجنهاش....مجرد اني نخلط السميد والملح والماء....ونلمهم ولكن لازم تكون عندي لعجينة طرية ومطلوقة.....ومن بعد نغطيها بكيس....او غلاف الطبخ الشفاف....ونخليها ترتاح قدر نصف ساعة. ....على الاقل....هاد الوقت نروح نقضي فيه شغل اخر....

ومن بعد نرجعلها....و نقرصها كيما ظاهر في الصور....ونحطوها في بلاطو مدهون مليح بالزيت...راهي لعجينة باينة مهيش رطبة من الفوق....خاتش مهيش معجونة...ونزيدو نمسحوا فوقهم بالزيت.....ولكن النتيجة من بعد ماترتاح مبهرة....تعود تطوط وتتشكل كيما نحبو.....بشرط السميد يكون نوعية مليحة....تسما مانجيو نكوروا كل الكمية....تكون اول وحدة قرصناها ارتاحت.....بلا ماننسى انو نغطيهم كامل بغطاء بلاستيكي باه متقشلفش لعجينة......يعني ما تيبسش من فوق....

نأخذ اول وحدة قرصناها...ونحلوها شوي بعد مانكونو دخلنا يدنا في شوي زيت....ونعملوها كيما في الصور....بين كل تطبيقة مسحة تاع زيت...حتى نكملوا نطبقوا كل الكمية....

من بعد نحلها بمسحة تاع زيت ونطيبها فالمقلة فيها قطرات زيت مع كل مانحط وحدة...و فوق الكويزينيار.....انا عندي مقلة مخليتها خاصة بالمحجوبة والشخشوخة....واخواتهما..

كل ماتطيب وحدة...نحكم نشخشخها راح تجيكم شوي سخونة انا والفت...وفي هاذ الوقت نكون حطيت وحدة اخرى طيب...

][/url

مانكمل الطياب....نكون كملت التشخشيخ.....بصح صباعتي يطيبوا هوما تاني...
ونشخشخها كامل....نحي غير الاماكن الي تكون محروقة بزاف...اما الي تكون بنية اللون....نخليها هاديك هيا سر البنة في شخشوختنا...مع الخفة تاعها طبعا لانها راح تجي كي شغل مورقة من الداخل....متعييش في التشخشيخ.....

بعد ما نشخشخ كل الكمية....نحطها في كيس نظيف....ونخبيها فالثلاجة...تقعد حتى سمانة وماايصرالها والو....اما اذا حبيت نطيبها بعد شهر او شهرين مثلا....نخبيها فالمجمد....وقت مانحتاجها نجبدها....احيانا تقعدلي كمية قليلة منها بالعام وهي فالمجمد...ماتتبدلش كي نجبد نطيبها.....تقول راهي جديدة هادا وين طابت...بشرط اني نجبدها من ونحطها تفور فالكسكاس من...وحتى ولو قعدت نفس الشيء...

ولكن اغلب الوقت انا نحب نعملها نهار قبل مانطيبها مرقة.....

ودرك نروحوا للمرقة....خلطت طراف دجاج ولحم خروف.....وعصبانة جديدة كنت عملتها فالعيد.....(نقدرو نستغناو عن العصبانة)....كنت خبيتها فالمجمد.....جبدتها كملتلها باقي المكونات الخاصة بالعصبانة.....وعمرتها وخيطتها..... المرقة حطيت فيها....زيت ،بصل وتوم مرحي مع(تابل وكروية) كمية مليحة تكون قدر مغرف قهوة....ملح ،فلفل اكحل،فلفل احمر بودرة(حلو و حار)...حمص مرنخ(انا نرنخو قبل ونخبيه فالمجمد وقت مانحتاجو نجبدو) طماطم كعب اذا كانوو كبار نعمل زوج...ونرابيها في المكان الصغير تاع لا راب.....ونحطهم يتقلاو على نار ذليلة...مع التحريك مرة على مرة(العصبانة منقليهاش)نرميها كي نمرق.....بعد ماتقلاو مليح نمرق الكوكوت....ونقفل عليها حتى يطيب اللحم والعصبانة....نخرجهم من المرقة... ونضيف ليها زوج مغارف كبار طماطم مصبرة..ونصف مغرف قهوةاخرى تاع توم الي مخلط مع تابل وكروية..وزوج قرون فلفل حار....ونغطيها نص غطاء....ونخليها تغلي ربع ساعة ونطفي....

هذي عصبانتي الاولية(عصبان مع دبشة وكرافس مقطعين) ونخبيهم الى وقت الحاجة

المرقة ولوازمها

وقت التقديم......نحط كمية في الصحن...من الشخشوخة الي كنت فورتها مرة وحدة..ونزين بالعصبانة واللحم والفلفل..... والمرقة نسقيها من فوق فقط... يعني منجمروهاش ....حتى نغطي كامل الشخشوخة.....يعني مانكثر مريق....مانقص....عيني ميزاني....وتلذذوا باابن شخشوخة خاصة بعائلتنا بشهاااااادة كل من ذاقها من عندنا ..حتى انها صارت مطلوبة في اعراسنا ومناسباتنا....والي يسمع انو راح نعملو شخشوخة.....يعرض روحوا ويجينا.......

هنا كنت صورت صحني...فالصورة الاخيرة ناقصها تزوااااااق....ولكن الي تقدم للضيوف اكيد ستكوووون احسن..

تم بحمد الله....والصلاة والسلام على رسول الله...

ام احمدي · 2015-10-20, 16:32

صلى الله عليه وسلم
رووووووووووووووووووعة حنونة يسلمووووووووووووو اول مرة نشوفها وعجبتني باسكو مفيهاش العجين هههه وتبان امممممممممممم
حنونة بليز قوليلي نوعية الدقيق الي استعملتيه وهل هو رقيق
وكي تحليها باش تطيبيها يخي مهيش رقيقة
وتاني يخي ماشي شرط نطيبوها بالعصبانة واسكو نقدرو نديرو الخضر
والله هااااااااااااااااااااايلة

حبيبة امها · 2015-10-20, 16:38

روعة ما شاء الله بارك الله فيك اختي

Aya69 · 2015-10-20, 16:44

يعطيك الصحة صراحة وليت ريق تشهي. خاصة في هذا البرد
جزاك الله كل خير وبصحتكم. ومتحرميناش من اطباقك بارك الله فيك

ندى العيون · 2015-10-20, 16:47

عليه افضل الصلاة والسلاااااااااام

مشاااء الله تبارك الرحماااان
شخشوخة تشهي
يعطيييييييييك الصحة وتسلم الايااادي حبيبتي

ام سارة18 · 2015-10-20, 16:49

واخيرا شفنا طريقتك في السخشوخة صراحة راهي ساهلة بلا عجين شكرا على الموضوع

hab12456 · 2015-10-20, 16:54

عليه افضل الصلاة والسلاااااااااام

مشاااء الله تبارك الرحماااان

اسمهان79 · 2015-10-20, 16:54

اممممممممم الله يبارك وما شاء الله
خرجتلك روعةةةةةةة وتشهييييييييييي
يعطيك الصحة
ويبارك في صحتك
احلى تقيييييييممممممممم

ام شرفو · 2015-10-20, 16:58

waaaaaaaaaaaaaaaaaaaaaaaaaaaaaaaaaaaaaaaaaaaaaaaaa aaaw

fatisousou · 2015-10-20, 17:09

وعليكم السلام
والله شهتيني بارك الله فيك تبان العجينة ساهلة شكرا لك
مع تحياتي

lyzzabel · 2015-10-20, 17:33

عليه الصلااة و السلااااام ،، ماشااء الله فعلاااا تشهيييي ،، تسلم إيدييييك حبييبتيي آياااات و في انتظااار المزيييد من أطبااقك اللذييييذة ،، باارك الله فييك غااليتيي

ام خيرو · 2015-10-20, 17:44

باارك الله فييك

ارزاق · 2015-10-20, 17:48

شخشوخة وعليها لكلام خاصة في ايام البرد بارك الله فيك

أم ماجد · 2015-10-20, 17:51

ماشاء الله ايات والله عجبتني بزاف
احلى تقييم لعيونك
يارب يثبتولك موضوعك يارب

سرور2 · 2015-10-20, 17:58

بارك الله فيك اختي يعطيك الصحة