. قلب اللوز طبقي و ناجح على ضمانتي 100/100 ..

lyllia30 · 2013-07-19, 11:22

السلام عليكم و رحمة الله تعالى و بركااته اخواتي عزيزاتي عضوات منتدى الجلفة اليوم جبتلكم وصفة ولا بالأحلام لقلب اللوز
صدقوووووووني انبهروا فيه الدار و الجيران و تحولت من أول نجاح لبائعة قلب اللوز في رمضان هههههههه

انا قصتي مع قلب اللوز بدأت من اعوام و هو انو ماما دائما فااشلة فيه عمرو ما نجحلها جربت كل الطرق مرة جيت نجربوا وجدت كلش صدمتني قاتلي مكلاه مينجحلكش أنا عمرو ما نجحلي ( قتلها في قلبي انا شيف انتي فشلك مش معناها يفشلي ) المهم صح هاذيك المرة فشلي لانو حطمت الوصفة قبل دخولها الفرن ههههههههههههه

بعد هذا بقا في قلبي رحت لدار خالتي و رحنا انا و بنت خالتي لجارتهم اعطاتنا الوصفة و طبقتها بنت خالتي و طبقتها انا شحااال من مرة و عطيتها لصحاباتي جربوهاا قد ما نحكييلكم مش كيما تجربوا و تدعولي والله احسن من تاع براا 100 مرة

المهم نخلييكم مع الصور و المقاادير و اللي ما فهمتش تسألني راني فالخدمة

نسيت نقولكم والله اللي علمتهالي قاتلي دعوة الشر تمدي المقادير مفهمتش علالاش انا منقدرش نخبي حاجة نعرفها و كيما تفيدوني نفيدكم المهم ادعولي و اعطوني دعوة الخير باش تمحولي دعوة الشر )

نبداو على بركة الله

ملاحضة لكثرة السؤال عليه ليس حليب و انما لبن

هنا خرج من الفور و شربتوا الشربة الأولى

الشربة الثانية

هنا درتوا فالكيساات و راح رااايح للجيران هههههههه

و هنا لأول وحدة ترد ماعليش صاايمة تخبيه

هاهو السميد المستعمل

و هاهو اللبن بالنسبة للبن مش شرط اي نوع

الحمد لله كملت نسيت نقولكم قبل ما تبداي تخلطي فيه وجدي الشربات و خليها تطيب 15 دقيقة لانو لازم غير يخرج و هو سخون تشربيه و تشربي على 3 مرات و تخليه على الأقل 6 ساعات يرتاح ممبعد بااش تقدميه بالصحة و الهنااء
هاذ المقادير تديرلك بلاطو صغيير
يالا ورونا تطبيقاتكم و دعوااتكم

بيان 5 · 2013-07-19, 11:25

السلام عليكم
ماشاء الله باين هايل تاع الصح
انا اول وحدة ترد راني خبيتوا نفطر بيه

fani09 · 2013-07-19, 11:27

غلبتيني بيان5 وجاوبتي انت الاولي وديتيه بصحتك
يعطيك الصحة علي الوصفة

lyllia30 · 2013-07-19, 11:50

اقتباس:

المشاركة الأصلية كتبت بواسطة بيان 5

السلام عليكم
ماشاء الله باين هايل تاع الصح
انا اول وحدة ترد راني خبيتوا نفطر بيه

هههههه بصحتك بيان نتمنى تجربيه و تدعيلي

lyllia30 · 2013-07-19, 11:53

اقتباس:

المشاركة الأصلية كتبت بواسطة fani09

غلبتيني بيان5 وجاوبتي انت الاولي وديتيه بصحتك
يعطيك الصحة علي الوصفة

متخمميش اختي فاني نبعتلك حبة من تاع الجيران

Golden Princess · 2013-07-19, 11:59

شكرا جزيلا لك على المجهود ,,,,,,وو راكي شاطرة الله يبارك

ان شاء الله الخير الي درتيه و مديتيلنا لاروسات تمحيلك دعوة الشر ههههههههههههه

جزاك و جزاها الله الفردوس الاعلى ,,,,,,,و ايا هكا كي تعرف بلي هي تاني رانا ندعولها ما تعطيكش دعوة شر

mama kika · 2013-07-19, 12:01

merccccccccccccccccccccccccccccccccccccccccccccccc ccccci beaucoup

lyllia30 · 2013-07-19, 12:03

اقتباس:

المشاركة الأصلية كتبت بواسطة Golden Princess

شكرا جزيلا لك على المجهود ,,,,,,وو راكي شاطرة الله يبارك

ان شاء الله الخير الي درتيه و مديتيلنا لاروسات تمحيلك دعوة الشر ههههههههههههه

جزاك و جزاها الله الفردوس الاعلى ,,,,,,,و ايا هكا كي تعرف بلي هي تاني رانا ندعولها ما تعطيكش دعوة شر

ههههههههههههه ان شااء الله princess شكرا على الردوود