ذوقوا طعامي و ذوقوني ملح طعامكم & متجدد &

ام مؤمن · 2015-06-30, 21:58

السلام عليكم و رحمة الله

رمضان كريم ينعاد علينا و عليكم

اليوم حبيت نشارككم ببعض اطباقي المتواضعة اللي نطيبها في هذا الشهر الكريم و في الايام العادية و الفكرة خطرت ببالي بطلب من الاخت الكريمة لوصفة طبق حطيتو في الكوزينة في موضوع واش طيبتي اليوم الجزء 135

تحت شعار ذوقو طعامي و ذوقوني ملح طعامكم

اقتباس:

المشاركة الأصلية كتبت بواسطة *توبــــة*

وش تسخفني ماكلتك يا الحبيبة
يهبلو يهبلو ربي يبارك ولونهم ياكد بلي بناااان وخفاااااااااااف
يعطيك الصحة

ويلا تقدري قوليلي كيفاش تعملو طاجين الشواء سشفتك حطيتيه
ف الكوزينة....... مزالو في قلبي

و نفتح الموضوع لكل الاخوات الكريمات اللي يحبو الطبخ و تعلم الجديد و الاستفادة من طبخ الاخرين و مد يد المساعدة بكل روح رياضية و نتعلمو من بعضنا البعض و نفيد و نستفيد

انا تعلمت اصول الطبخ التقليدي على يد الوالدة ربي يحفظهالي و لانني كنت ادرس و كل وقتي في الجامعة علمتني الاساسيات و الضروريات فقط يعني مثلا المسمنات و الغرايف و الفطير و كيفية اعداد مرق ابيض او مرق احمر و مادخلتش المطبخ بزاف و تزوجت و لما صرت مسؤولة عن عائلة و اولاد حبيت نتعلم كل جديد في الطبخ و نتعلم فنون التقديم و الطبخ العصري

البداية كانت مع كتب الطبخ التي تملا الاسواق الى ان تعرفت على منتدى الجلفة و افتخر اني عضوة بهذا المنتدى العظيم بكل اقسامه و اعضائه و تعلمت اشياء كثيرة على يد مبدعات قسم الطبخ و مازالني نتعلم لليوم من المبدعات و حتى من العضوات المبتدئات امثالي احيانا نجد في النهر ما لا نجد في البحر

تكلمت بزاف مختصر الموضوع نحطو اطباقنا و طبخاتنا و هكذا نذوقوا ملح بعضنا و تصير عشرة و ملح كيما يقولو المصريين اذا امكن بالصور و الا فبالكتابة و هكذا نتبادلو الافكار و نتبادلو الوصفات و النصائح و اللي تحب وصفة تطلبها و اللي تحب نصيحة تلقاها و هكذا نشوفو اطباق متنوعة و تقديم مختلف و نهزو افكار من بعضنا

واش رايكم في الموضوع

نتمنى مايكونش عندو اي تشابه مع موضوع واش طيبتي اليوم لانو هذاك موضوع دائم لكل الفصول و الشهور و جامي نستغناو عن موضوع الكوزينة المتجدد اللي انا وحدة استفدت بزاف من مشاركتي فيه

و الهدف الاول و الاخير منه هو اني نشارككم طيابي و اطباقي و نذوقكم ملح طعامي و نذوق ماكلتكم و ملحكم و نتعرف على اطبقانا التقليدية لمختلف ولايات الوطن الحبيبب

ام مؤمن · 2015-06-30, 21:59

و هذه وصفة طاجين الشواء لعيونك اختي توبة

حبيبتي هذا طبق تقليدي قسنطيني نديروه في الاعراس و الطهور و المناسبات

يلزمك طرف لحم غنمي او بقري هبرة يكون مليح و معاه فخد او صدر دجاجة اذا كان اللحم مشحم حطيه في مقلة من دون اية اضافات و قليه على نار دليلة او بمعنى اشويه لهذا نسموه طاجين الشواء فقط حمريه قليلا باش ياخد طعم الشواء

في قدرة حطي اللحم و الدجاج تضيفي عليهم حبة بصل متوسطة الحجم مفرومة 2 سنينات ثوم شوية سمن او زبدة و شوية برك ملح و فلفل اسود و قطيرات ماء و قليهم مليح على نار هادئة حتى يدبال البصل مرقي ب 2 كيسان ماء و خليهم يطيبوا في عقلهم اللي تحب توابل اخرى تقدر تضيفها انا نحبو تغلب عليه رائحة اللحم و بنتو مانكثرش التوابل
و جهزي لحم مفروم دوزنيه مليح شوية بصل و ثوم و ملح و فلفل اسود و معدنوس و بيضة و شوية شابلير او غبرة تاع الفريك و ديريه بولات كبار و ارميهم يطيبو مع اللحم

كي يطيب اللحم نتاعك مليح نحي الجاج اذهنيه بشوية زبدة و ملح و حمريه في شوية زيت في مقلى او حمريه في بلاطو تحت شواية الفرن

و كي تعقد المرقة طفي النار و اعصري حبة قارص و غطي القدر

عند التقديم ستفي اللحم و الدجاج و بولات الكفتة و اسقيهم بشوية مرقة و زينيه بمعدنوس و قارص و شهية طيبة

ام مؤمن · 2015-06-30, 22:14

و هذه بعض طبخاتي و كل مرة ندير تعديل و نزيد وصفات جديدة و ايضا نحط وصفات الاخوات اللي يشاركوا معي بالموضوع

شربة فريك

شربة فارميسال

طاجين حلو

طاجين الشواء

طاجين الرخام

طاجين الزيتون

لفائف السكالوب

غراتان لفائف البيدنجان

و هذه دوبارة سخف عليها زوجي شراها من المحل

افخاد الدجاج في اكياس الشواء

مادلان السلق

ميني طارط الخضار

رولي الدجاج و البيض درتو قبل رمضان

كاب كيك بالدجاج و السق

قوارب البطاطا

مقرون

كفتة بيضاء

بطاطا بيضاء بالقارص

شطيطحة عضام باللحم

غراتان البدنجان بالدجاج

السفيرية

رولي باللحم المفروم و الزيتون

اصابع الكفتة بالسمك

اظرفة الدجاج

رولي مالح

اصابع المرقاز

طاجين المرقاز

طاجين الفرماج

غراتان جلبانة باللحم المفروم

اطباق تقليدية قسنطينية

الفطير

نديروه في النفقة تاع 15 رمضان او 27 رمضان مع السخانة مانعرف اذا نديرو او لا

و نديرو معاه شوية مسمنات للسحور مع الحليب امممممممم

الرفيس

ام مؤمن · 2015-07-01, 14:23

المقبلات المالحة

كيش بالسلق اممممممممم طورطة بالعجينة المورقة محشية بالسلق و اللحم المفروم

لي كورني

كيش مالح

كروكي مالح

سوفلي

ميني بيتزا

شوارما

البريك

البوراك

ام مؤمن · 2015-07-01, 14:24

السلطات

اوردفر السلطات

سلطات متنوعة

اصابع التونة مع سلطة الخضار مفورة

سلطة التونة

سلاطة

حميص

ام مؤمن · 2015-07-01, 14:25

التحليات و العصائر

سلطة الفواكه

قلب اللوز

تارتولات بقاولي حبات عيانين تاع المرة اللي فاتت عمرتهم برك

الشاربات وجدتلها مركز الليمون قبل رمضان اممممم

التحلية

التحلية

و هذه سلطة فواكه و تحلية و عصير الموز

العصائر هذا النوع رائع يبرد العطش

بسبوسة

التشاراك درتو للعيد

تحلية الكابريس

حلا المرايا الصراحة الذوق تاع الطبقة الثانية ماعجبنيش طعم لحضة باين بزاف

معجون المشماش

فلان الطبقات

ام مؤمن · 2015-07-01, 14:29

المخبوزات

المطلوع

ام مؤمن · 2015-07-01, 14:43

فهرسة الوصفات

الصفحة 1 وصفة طاجين الشواء

ام مؤمن · 2015-07-01, 15:49

السلام عليكم

اللهم لك الحمد و الشكر حمدا كثيرا طيبا مباركا فيه

اللهم ادمها نعمة و احفظها من الزوال و بارك لنا فيها

حبيباتي لقد قمت بوضع الوصفات كما سبق الذكر و شاركتكم طبخي المتواضع من مطبخي و نتمنى نلقى تجاوب مع الموضوع و نشوف اطباقكم و وصفاتكم و نتبادلوا الافكار و القوائم نتاع الاكل

و ان شاء الله نوافي الموضوع بطبخات الايام القادمة ان شاء الله

واش رايكم في طيابي بالاكو تمنشرو والا تضحكو ههههههه امزح فقط

ارجوكم لاتبخلو عليا بمشاركاتكم و انا في انتظار ابداعاتكم

ام مؤمن · 2015-07-01, 15:50

اول وحدة شاركتنا طيابها و ذوقتنا ملحها

الاخت الكريمة امنية غفران

مقبلة مالحة بالعجينة السحرية

قريصات مالحين بالعجينة السحرية

اجنحة الدجاج

و حبيبتي ام صابرين ذوقتم الحلو الله يحلي ايامها و ايامكم

و هذه روائع و ابداعات طبخها

شربة فريك

مثوم

لحم لحلو

غراتان البطاطا بالحم

طاجين الزيتون المحشي بللحم

شليطة

لحم محمر بالأرز

طاجين الفرماج

كباب باللحم

شطيطحة كروفات بالبطاط المقلية

شربة بيضا

شطيطحة لحم بالبطاطا
[/font]

كيش بالدجاج و الفطر

اسكالوب باني مع بطاطا سوتي

عش العصفور

فيليه السمك في الفرن بصلصة المايونيز

دولمة بالبطاطا و القرعة

أمنية غفران · 2015-07-01, 16:51

تبارك الرحمان عليك أختي ماشاء الله عليك عجبني طيابك بزاف هايل
دمتي متألقة أختي

تفضلي

أختي ادا تقدري تعطيني طريقتك في طياب المخ نتاع بقري راني حاصلة جامي جربت نطيبه صحيتي

ام مؤمن · 2015-07-01, 21:35

ربي يحفظك اختي امنية راكي طلعتيلي المورال الموضوع حابس ملي حطيتو و انت اول وحدة تشاركينا طيابك في رمضان راكي شهيتيني

ماشاء الله عليك هذاك خبز محشي يتبع قائمة الموالح لا

حبيبتى مخ البقري الصراحة عمري ماطيبتو و ان شاء الله يشوفو طلبك الاخوات و يعطيوك وصفة مليحة

لكن اظن انك تقدري تطيبيه بنفس طريقة مخ غنمي انا نديرو شكشوكة

شوفي انا ندير ملعقة زبدة في مقلى تذوب و نحط عليها المخ و نذرر شوية ملح و فلفل اسود و نزيد سنينة ثوم و نقليه مليح و نضيف عليه 2 حبيبات طماطم رابي او شوية صوص طوماط جاهزة و كي يعقد نكسر عليه البيض و نزينو بشوية معدنوس و راه مايديش وقت بزاف في الطياب يطيب بالخف

نتمنى نكون فدتك و لو بقليل و ان شاء الله يفيدوك الاخوات

و بارك الله فيك على مشاركتك بموضوعي المتواضع و نتمنى ماتكونش اخر مشاركة و صحى سحورك حبيبتي

ام احمدي · 2015-07-01, 23:08

يسلمووووووووووووووووحنونة اطباقك هااااااااااااااااااايلة وانا نموت في الطبخ القسنطيني اممممممممممممم
ممكن لا غوسات تاع ميني تارت الخضار وكاب كيك الدجاج والسلق

عازفة الناي · 2015-07-01, 23:27

الله يبارك كل شيء من يديك رائع وهايل
بصحتكم

ام مؤمن · 2015-07-01, 23:40

اقتباس:

المشاركة الأصلية كتبت بواسطة ام احمدي

يسلمووووووووووووووووحنونة اطباقك هااااااااااااااااااايلة وانا نموت في الطبخ القسنطيني اممممممممممممم
ممكن لا غوسات تاع ميني تارت الخضار وكاب كيك الدجاج والسلق

الله يسلمك حبيتي ربي يخليك

الوصفات الاثنين من المنتدى نحوسلك على الروابط و نحطهملك غدا ان شاء الله

و المرة الجاية ذوقينا ملحك حبيبتي