محاجب في الفرن و محاجب بصلصة الجبنة من مطبخي

[أم ضياء عبد الرحيم]

مساء الخير على كل حراير المنتدى

المنتدى ما شاء الله فيه وصفات روعة للمحاجب لكن اليوم حبيت نشارككم تشكيلة من المحاجب من مطبخي
ان شاء الله يعجبوكم

ثلاث كيلات سميد ناعم
زوج كيلات فرينة
ملح و ماء رشة خميرة الخبز
زيت و زبدة
الحشو
صلصة الجبن
30 غ زبدة حوالي 2م ك + 1م ك فرينة + 20 سل حليب + 6 قطع جبنة + جبن مبشور
نقوم بتحضير صلصة البشاميل عادية و في الاخير نزيد الجبن قطع و نصف كمية الجبن المبشور
الصلصة
صلصة المحاجب العادية +تونة+معدنوس+جبن+زيتون

نخلط السميد و الفرينةو الخميرة و الملح نبلل بشوية ماء و نعجن مليح و نزيد نبل بالماء حتى نتحصل على عجينة طرية نشكلها كريات و نتركها ترتاح
و كي نحل نحل بالزبدة و الزيت تجي كانها مورقة و في النص نخليها شوية سميكة باه كي نحط الحشو ما تتقطعش



هنا درت محاجب بالصلصة و التونة و المعدنوس او كسبر و جبن و زيتون و طيبتهم عادي







و هنا درتهم بصلصة الجبنة



و هنادرتهم في الفرن درت على مرتين العجينة باه نا تتقطعش في الفرن و رققتهم مليح







و هذه المجموعة كامل الصحن الرابع درتهم بدون حشو


إن شاء الله يعجبوكم

[zahra rose24]

هايلييييييييييييييييييين

[fado19]

هايلييييييييييييييييييين chahitini h'ram a3illlllllllllik

[مرام 1987]

واااو وااااو وااااو ما لقيت ما نقول صراحة كل طبق تحطيه ينسي في خوه

[charolize]

يعطيك الصحة اختي ما شاء الله روووعة ان شاء الله ينجحولي هاد المرة + تقييم ممتاز

[بسمة الرمال]

اممممممم ~ ييشهو و ناقصين ايدام ~ روعة تسلم يدك
بارك الله فيك { للتجربة ان شاءاالله

[ام ياسمين10]

هايلين زائد التقييم ممتاز

[natacabell]

ممممم يعطيك الصحة

[ladymillion]

رووووووعة يسلمو اختي بوركتي
عجبوني ياااااااااسر وخاصة في الفرن مشكورة جزيل الشكر

[ام محمد78]

يعطيك الصحة اختي ما شاء الله

[lamis.imen]

روووووووعة بارك الله فيك

[raoufnina]

Thanks for another very nice contribution dear friend!

[الأمنيات]

أكيد يعجبونا تبارك الله
يعطيك الصحه

[بريق الدجى]

أفكار رائعة
يعطيك الصحة اختي

[fatimazahra09]

wow haylin ala hsab el wassfa ................... raki dertina el kalb bach ndirohom avant ramadan au moins
yatilk saha
bisous