☚ للمجربين |||

[بـــيِسَة]

سلآم

خاوتي قولولي واش من الوقت المناسب باش تبداو تقراو للباك
كاين الي يقول من العطلة الصيفية تع 2 تانوي صح هههههههه

ربي يفرحكم في الباك

[اكرام براءة]

كي تبداو الدروس في القسم ابداي انت في الدار ...
استمتعي بالعطلة و ارتاحي و استغليها في حاجة اخرى
اتعلمي لغة و لا كاش حرفة ههه

[*آمنة*]

سلام عليكم بيسة
انا كنت من هذوك الناس لي كانت تخمم في الباك من الصيف
بصح نتاع صح ندمت ندم شديد
ندمت لاني لم استغل العطلة في هواياتي ...الغيت مجموعة كبيرة من الانمي
كنت لعبيتها دنبدا نتعلم الانجليزية والفرنسية في الصيف بصح والله م ستفدت حاجة
كنت بديت قريت الوحدة1 فيزيا ..واقسم بالله ما ستفدت خاجة
كنت بديت دروس خصوصية نتاع مات...وندم ياااسر عليها و لقيت روحي في الاخير ماني مستفادة والوا مين ذيك الاستاذة
كنت نروح ليها وعلبالي مانيش نفهملها مليح . كي شقل حجة باش نخرج ندور هذا مكان / لانو الاستاذة وين تقري هناك كاين غير الكوانيت نتاع لبسة ..راكي فاهمة //
مني نقلك بلي تقراي ولا متقرايش ...هذي حريتك الخاصة
بصح راني نعطيك في رأي برك
ندمت ياااااااااااااسر
والله ندمت ...عرفت بلي صح انا لازم نقرا عند استاذ مقابلني مباشرة
وندمت لاني بديت نقرا في الانجلي والفرونسي على اساس لغة ..وكان غير قريتهم على شكل مواد نتاع باك برك
انا واش ننصحك
اخطيك اخطيك من تخمام دوك
روحي العبي ديري هواياتك
صدقيني العام يكفيك وكان تعرفي كيفاه تستغلي الوقت برك
كي يدخل العام ابداي نظمي روحك ..وفي بداية العام متضغطيش على روحك
اقراي فير بشوية
دوكـــــــــــ
انساي حاجة اسمها باك 2021
انســــــــــــــــــــــــاي

وفي الاخير
ربي يوفقك اختي ...ودعواتك لـــي

[اسماء تيارت]

ننصحك ياختي تعلمي اللغات العطلة للراحة فقط.
انا في الصيف لي فات طورت من الإنجليزية و التركية.

[مِيمْ]

سلام جميل
بالنسبة ليا كانت قراية الصيف احسن قرار ديتو
بدينا ليكوغ مات من 15 جوان
و الفيزياء و العلوم بديناها في جويلية
و قريت و مارست هواياتي و تفرجت الافلام و المسلسلات و الماتش و لعبت و حوست و تعلمت تركية و انجليزية و مورية و يابانية و يكفيك الوقت ديري كلش و الله
كي تبداي توجدي في روحك في الصيف تكتشفي نقائص ياسر و تقدري تداركيهم لانك تكوني عندك وقت كافي و ما تكونيش مضغوطة
و مام كي تدخلو تقراو في ليكول تحسي روحك تقراي هانية و مريحة كي شغل 50% في جيبك
اذا قريتي في الصيف اقراي بصح ما تضغطيش على روحك
كي شلغ ما تقرايش قراية هادوك اللي حابين يطلعوا صواريخ
لذلك ننصحك بقراية الصيف و بشدة
و اذا راكي تسقسي على الراحة الراحة فيها فيها سيرتو مع لفيد تاع الصيف
اصلا ماكاش راحة كيما الراحة تاع تجيبي الباك بمعدل مليح و تفرحي داركم
من بعد راح تعيشي في راحة ابدية مع التخصص اللي خيرتيه و تحبيه
ربي يوفقك

[اللهم ارزقني عفةمريم]

انا صراحة مقرتيش في الصيف ونشوف من الاحسن نسناو حتى دخول المدرسي احسن ندخلوو صح في جو لقراية
ممكن اذا كنت ناقصة في اللغات تتعلميهم كيما قالت اسماء طوري روحك
واذا حيبت كي يبقا شهر على دخول ابدي حضري روحك مثلا اشري المرجع ابعثلي على الاساتذة لملاح ندير جدول وبرنامج تمشي عليه حضري قاع لملفات لتسحقيهم ....

[رَمَادِيَاتْ]

جامي نعقل على روحي خممت مجرد تخمام اني نخمم نقرا ولا نفتح كراس تحضيرا للسنة المقبلة... والحمد لله نتائجي كانت مشرفة على الدوام

العطلة اندارت باه الواحد يخوي راسو ويرتاح.. اما انك تخدمي راسك وتعييه.. والعام طويل عريض قدامك اثناء الفصول الدراسية فأظن أنه مجرد عبث وتضييع للطاقة.

[عاشقة الكواكب]

بديت مع لقراية عادي

[lina loulita]

هههههه انا راني كارهة البروgرام تاع الباك
تالمون قريتو 2 خطرات و هادي 3

[~ هبة الله ~]

شوفي هذي نصيحتي لكي و انت حرة
اليوم رانا 13 ماي يعني تحبي الصراحة الصيف حتى 21 جوان ، نوضحلك أكثر مزالت العطلة تاع الصيف
الظروف برك حتمت علينا هذا الوضع و ربي يرفع عنا البلاء
نصيحتي أنه هذا الأيام لي في الوضع العادي كون راكي في الثانوية
تستغليها في الدراسة لكن ماشي الباك
كاين دروس في الباك عندها علاقة بالسنوات السابقة كالدوال و المرجح و الدائرة المثلثية و الناقلية ...الخ
اذا حاولي تستغلي هاذ الفترة لازم هاذ الدروس تهضميهم لازم تتمكني من الأساس باه الزاد تاعك في الباك يطلع صحيح
و من بعد في الصيف ارتاحي مارسي هواياتك اشبعي من العطلة تاعك ، لا أنصحك بدراسة منهاج الثالثة الثانوي
و كي يبقى أسبوعين على الدخول المدرسي ابدي تحضري نفسك شوفي الأساتذة لي تقري عندهم ، المراجعة ...الخ ماشي حتى تبدي تقري و تتخلطي

[اصرار بلا عنان]

اختي بيسة ارواحي نوضحلك شوية

نتوما تدخلو في اكتوبر ان شاء الله
و من مارس و نتوما فالدار لا قراية لا شغلة لا عملة
من مارس للماي راكي ديتي العطلة تع الصيف

علابالك بلي رح ينقصولكم من العطل الفصلية
معناها في بلاسة 15 يوم تولوا كاش 10 ايام ولا سمانة
الاجيال السابقة كانوا بالعطلة تع 15 يوم و شوية اضرابات ( راكي فاهمة ) و يقولوا مكفاناش الوقت ووووو
7 شهور راحة مراحش يكونوا باطل بالتاكيد يعني
و مالفين يبداو في سبتمبر و الاساتذة يسلفوا السوايع و يزيدوا يقروا فلعطلة تع 15 يوم و هكاك الروطار داير حالة
بلا منهدرو على تشقلالة بداية السنة و تشقلالة التلامذ و الدواس مع الاساتذة لي قادر يضيع سوااااايع

خمي مليح

[فاطمة فاطمة 123]

نصيحةةةة لا تدرسي في عطلة الصيف ارتاحي و تقرجي على روحك ههه
لانو باااااااااااكك احسن وقت له اشهر اخيرة لكن تكون دارسة قبل طبعاا لكن 3 اشهر اخيررةة لازمممم تزيدي من وتيرة دراسةة

[ياسين]

كون جات في الأيام العادية كنت نقولك كي تبداو تقراو عام جديد في الثانوية ابداي توجدي للباك
لكن في الوضع الحالي و الدخول في اخر اكتوبر و لا في نوفمبر ممكن راح تتحصري شوي في الاخير انثحك تبداي في سبتمبر
في الاخير الحاجة المهمة هي هي وضع برنامج جيد للدراسة للباك و محاولة تطبيقه
كي تكوني منظمة وقتك و دروسك مم تبداي في جانفي يكفيك الوقت
هذا رايي المتواضع بحكم اني اجتزت 2 باك 2016 و 2017
ارجو اني قد افدتكي و لو بالقليل