ارهقتني واتعبتني وجعلتني اسهر الليالي واعد النجوم

*سندوسة* · 2015-05-04, 00:38

والله موضوع تعبني بزاف وطير النوم من عينيا ماشي الموضوع هي والله تعبتني
وتخليني سهرانة حتى لساعات متأخرة من الليل ومرات نفرح ونرقد ولكن يافرحة ماتمت

بمجرد ما ترتفع درجات الحرارة تتوحشني وتجيني تجري بصح هي ضيفة غير مرغوب فيها الله غالب هي تبغيني وانا نكرها بزاف

والله تعبت كل يوم وانا نفكرفيها ودايرتلها الف حساب خصوصا كي يجي ليل

من كتر لي تبغيني بزاف وليت نستناها ونستنى وقتاش نسمع صوتها بصح هي كترت عليا وقلت هاد المرة والله مانستسلم

وقررت نرتكب جريمة وقلت والله نقتلها ولبارح بدات اول مهمة كنت غافلة وطفيت ضو الغرفة وفرحت زعما نعست وراني جاية نرقد حتى نسمعها جاية وتزغرت بغيت نبكي ووليت نكفن روحي بالغطاء من بعد قلت بلاك راحت غير استسلمت للنوم حتى نسمعها عاودت ولات ايا نضت شعلت الضو وبقيت ندير في عملية تمشيط للغرفة جربت شحال من مرة ونعاود نرجع للفراش حتى للمحاولة الاخيرة صيدتها فرحت بزاف وكان سلاح الجريمة عبارة عن

وضرك عرفتوها شكون هي ولالا وضرك راني في مهمة كيما نتاع لبارح والله انا نكتب وهي دور بيا ماقدرتش نصيدها ضرك نتلها بيها

هي الناموسة

chouchou w · 2015-05-04, 07:21

ربي كون معاك ختي الحمد لله هنا نكانش عندنا مي كينهبط لبلاد حالتي هي حالتك خاصة باه نحمي الاولاد معليك غير على لفليت ومتكثريش لتعشي انت الدايخة وهي مزالت الدور هههههههه

*سندوسة* · 2015-05-04, 08:20

اقتباس:

المشاركة الأصلية كتبت بواسطة chouchou w

ربي كون معاك ختي الحمد لله هنا نكانش عندنا مي كينهبط لبلاد حالتي هي حالتك خاصة باه نحمي الاولاد معليك غير على لفليت ومتكثريش لتعشي انت الدايخة وهي مزالت الدور هههههههه

ان شاء الله حبيبتي
انا غير وحدة ولا زوج يديرو فيا لعجب ههه
حنا مع جيرانا كامل دايرين les plantes تعرفي والله لبارح غلقت نافذة قاع مع صباح غير باش مايدخلوش بصح والله ماعلابالي منين جات هههه
فليطوكس كي نكون فدار قاع مانحملهش حتى بارفيمي ضرك نشريلهم

ام رضوان · 2015-05-04, 08:55

ربي يكون في عونك راهو هم كبيييييييير خاصة مع السخانة
تعرفي سندوسة قلك بلي الناموسة تخير الشخص اللي تقرصو على حساب الدم تاعو ايمالا دمك عسل كي كلامك عليها راكي في حالة منهم
انا عندي وليدي والله مسكين كي يفيق الصباح نلقاه كامل مطبب بالقريص وندير كامل الاسلحة بصح. والو
وذرك كاين اللى نصحنى وقال ادهنيه بالخل راهو الناموس يهرب منو جربيها سندوسة بالاك تقدري ترقدي
سلامات

canopus · 2015-05-04, 09:04

الله يفرحك عايشة ضحكتيني مع الصباح
نحنا حاليا مزال ما بداش هاد الايامات عندنا زوابع ترابية و سخانة تقتل
الناموسات مساكين ما يقدروش يستحملوها

*سندوسة* · 2015-05-04, 09:07

اقتباس:

المشاركة الأصلية كتبت بواسطة ام رضوان

ربي يكون في عونك راهو هم كبيييييييير خاصة مع السخانة
تعرفي سندوسة قلك بلي الناموسة تخير الشخص اللي تقرصو على حساب الدم تاعو ايمالا دمك عسل كي كلامك عليها راكي في حالة منهم
انا عندي وليدي والله مسكين كي يفيق الصباح نلقاه كامل مطبب بالقريص وندير كامل الاسلحة بصح. والو
وذرك كاين اللى نصحنى وقال ادهنيه بالخل راهو الناموس يهرب منو جربيها سندوسة بالاك تقدري ترقدي
سلامات

صباح لخير حبيبتي
مشكورة على كلامك الزوين الله يزين ويحلي ايامك
انا كنت مرات نفتح القرعة نتاع الخل ونحطها فنافذة بصح لبارح مادرتهاش كنت متلاهيا عند الصبايا هنا فالمنتدى لتحت هههه
والله تعرفي كي يكون ضو طافي دير فيا حالة غير نشعل ضو والله مانلقاها
ربي يحفظلك ولدك حبيبتي

لقيت واحد طريقة غادي نجربها

سميرة10 · 2015-05-04, 09:21

السلام عليكم
كان الله في عونك البارحة نحن قامت عندنا الحرب هجم علينا الناموس لا ادري من اين اتى
البيت كله مستنفر وكل واحد حامل سلاحه كانت ليلة سوداء
الحيطان كلها تعمرت بالدم نتاعهم
واليوم نهضت في صباح الباكر ونضفتهم
الناموس مشكلة عويصة ويقلقني هو والذباب

*سندوسة* · 2015-05-04, 09:38

اقتباس:

المشاركة الأصلية كتبت بواسطة canopus

الله يفرحك عايشة ضحكتيني مع الصباح
نحنا حاليا مزال ما بداش هاد الايامات عندنا زوابع ترابية و سخانة تقتل
الناموسات مساكين ما يقدروش يستحملوها

اللهم امين ونتي تاني
واش من مساكين والله لوكان تلقى الفرصة تاكلك ههه ديرك وجبة سريعة
ربي يبعدهم عليك

*سندوسة* · 2015-05-04, 09:43

اقتباس:

المشاركة الأصلية كتبت بواسطة سميرة10

السلام عليكم
كان الله في عونك البارحة نحن قامت عندنا الحرب هجم علينا الناموس لا ادري من اين اتى
البيت كله مستنفر وكل واحد حامل سلاحه كانت ليلة سوداء
الحيطان كلها تعمرت بالدم نتاعهم
واليوم نهضت في صباح الباكر ونضفتهم
الناموس مشكلة عويصة ويقلقني هو والذباب

وعليكم السلام ورحمة الله وبركاته

اللهم امين ونتي تاني شفتي تكوني مبلعة كلش حتى تسمعي فيها كيما الهيليكوبتر هههه
الحاجة لي تقلقك كي تسمعي حسها وكي تجي تصيديها ماتلقايهاش تلصق فالحيطان وقاع ماتبانش سوغتو كي تكوني نعسانة والله تعبنا
وكي تكون شاربة الدم بزاف تكون منتفخة هههه غير وجدي باش تغسلي الحيطان انا والله غير وحدة دارة فيا حالة لبارح والله ماخلاتني نرقد وسلكت ماقدرتش نصيدها رقدت حتى 2 وانا مكفنة روحي ههههه

الذباب باين ديري فليطوكس بارفيمي وتبلعي وترقدي بصح الناموس مايبانش حتى يقرصك هههه
ربي يبعده علينا جربي طريقة القارورة بلاك ننجحو

سميرة10 · 2015-05-04, 09:52

هذا شي وحنا دايرين لباراي بصح ما فاد فيه والو

*سندوسة* · 2015-05-04, 09:55

اقتباس:

المشاركة الأصلية كتبت بواسطة سميرة10

هذا شي وحنا دايرين لباراي بصح ما فاد فيه والو

ربي يكون معاكم
هدا باينا ناموس متوحش ههههه
ماعليش غير جربي صوالح وخدخرين على الاقل ينقصو شوية
وربي يهنيك منه

ahlem 05 · 2015-05-04, 11:01

ههههههه انا زرقتني الناموسة لمشكل من كثرر حبها تجيني مع القبيلة كامل ههه

مُحمد رازي · 2015-05-04, 11:57

:-):-):-):-)

ام رضوان · 2015-05-04, 13:49

اقتباس:

المشاركة الأصلية كتبت بواسطة سندوسة يسمين";3993348831][b][i][font="arial

صباح لخير حبيبتي
مشكورة على كلامك الزوين الله يزين ويحلي ايامك
انا كنت مرات نفتح القرعة نتاع الخل ونحطها فنافذة بصح لبارح مادرتهاش كنت متلاهيا عند الصبايا هنا فالمنتدى لتحت هههه
والله تعرفي كي يكون ضو طافي دير فيا حالة غير نشعل ضو والله مانلقاها
ربي يحفظلك ولدك حبيبتي

لقيت واحد طريقة غادي نجربها[/font][/i][/b]

واش سندوسة رجعتي ديري التجارب ثاني؟

يعني في رايك تمد نتيجة ؟ جربيها وردي لنا الخبر

شكرا.

وجدان الخواطر~ · 2015-05-04, 16:32

اقتباس:

المشاركة الأصلية كتبت بواسطة سندوسة يسمين";3993348633][B][I][FONT="Arial

ان شاء الله حبيبتي
انا غير وحدة ولا زوج يديرو فيا لعجب ههه

حنا مع جيرانا كامل دايرين les plantes تعرفي والله لبارح غلقت نافذة قاع مع صباح غير باش مايدخلوش بصح والله ماعلابالي منين جات هههه
فليطوكس كي نكون فدار قاع مانحملهش حتى بارفيمي ضرك نشريلهم

[/FONT][/I][/B]

أنا هاذو نمشي غير بيهم في ليل Si non ما يجينيش النوم قاع والله ضربة بضربة