دورة خطواتي الواثقة لأصبح ربّة بيت متألّقة

[جهينة اليقين]

ا لسلام عليكم اليوم نضت شربت الماء صليت قريت سورة الكهف طيبت القهوة غسلت لماعن وبنتي سيقت رحت زيارة وصلة رحم وجيت الفطور عندي بواقي من البارح وبنتي زادت فلفل حلو مقلي

[جهينة اليقين]

ام اسيل برافو عليك شاطرة الله يبارك ام هاجر كنت رايحة ندير هذا العشية المسمن تاع ام وليد وراكم تقولو ما جاش مليح والله ما على بالي نسييه ولا لالا

[أم فاطيمة]

صباح الخير فراشات ربي يقويك بسم الله ما شاء اللهراكم عرايس
ات تغريد ترحب بيك الجنة ايه انا عندي بنت عندها 3 اشهر
اسيل او ام زاكووووووو يعطيك الصحة فحلة ونص ربي يبارك فيك
ولادك نتاج ولادي ري ينجحهم وتشوفيهم في اعلى المراتب
ليوم نظت على 8 راني نعيا مع بنتي نرضعها صدري كل مرة تنوض
ان شاء الله نلتزم بصلاة الفجر غسلت ومشطت و رطبت وفوت
شوية غوج ووجدت لفطور فطرت اناوليدي خليته فوق الطابلة
حتى ينوض البقية ما نحبش نقلقهم
خملت الهول و لكوزينة خفيف لان في ليل ما نخلش خالوطة
و نصب للفطور درت شوفلار مقلي وحمص بالحم
نضو البقية خملت لبيوت وبنتي الصغيرة فوتت نشاف
لاني دايرالهم الدور وقت ما يقروش باش يتعلمو شوية
وانا نقيت بنتي صغيرة و غيرتلها ملابسها و رضعتها
رقدت. غسلتلها قشها وطفيت على لفطور
عندي الويكاند اشغالي عادية راحة ودوش للاولادد
تحضير بعض الحلوى للاسبوع
ان شاء الله الاسبوع القادم راح نبدى مع الطبخ
كما قالت امل حتى ل نبقى معاه اسبوع
نخليكم روح نقلي شوفلار

[حياتي كلها امل]

جهينة المسمن كي يكون سخون يجي مليح لكن كي يبرد شوية لكن جربيه وشوفي باه منخسرلكش النيية وكولوه ثمثم ههههه بصحتم مسلقا
ام فاطمة ربي يعينك مع تربية امور بزاف تتبدل

[~اسيل ريحانتي~]

اخواتي شكرا ليكم الحمد لله لي عجبوكم ربي يخليكم
جهينة اليقين شكرا حبيبتي المسمن مليح ينتكل مي لي يجي بالسميد احسن منو في البنة
جربيه ماتكتريش ولا عجبك عاوديه المرة الجاية

[~اسيل ريحانتي~]

ام فاطيمة واش راكي مازلتي متفكرة اسمي القديم هههههههه
شكرا حبيبتي وربي يعاونك

[خوخة02]

سلام
راني تغذيت نروح نغسل الماعين وندوش ومن بعد نصلي ونقرا سورة الكهف
لي عودة

[تاج الهناء]

المشاركة الأصلية كتبت بواسطة omelbanin

السلام عليكم، انا كملت شغلي، ولغدا راهو يطيب، قلت نضرب طلة.
حبيت نسقسيكم ،واش رأيكم في الاستحمام ايام الدورة الشهرية، كلما نبحث في هذا الموضوع، نلقى لي يقول لاااازم الاستحمام، وكايين لي يقولك لا هو السبب في السرطان.

لا يا اختي الاستحمام وقت الدورة يخلي الجسم يبرد و ما يخليش السموم تخرج من الجسم لازم تدفي روحك و تلبسي الجوارب و ما تمشيش بالحفى و اشربي غير التيزانات الدافية مثل البابوح و حبة الحلاوة و تجنبي المشروبات الغازية و الباردة هك الدم الفاسد كلو يخرج من الرحم
اما هذا كلو ما يمنعش انك لازم تبقاي نظيفة كل وحدة و طريقتها

[تاج الهناء]

اهلا حبيباتي انا اسبوع كامل فوتو في الخدمة ما لقيتش روحي كفاه نبدا انظم وقتي مع العلم اني عازبة و عندي اهداف كثيرة
اول هدف ليا ورقم واحد بدون منافس هو حفظ سورة البقرة و مع الخدمة كل يوم خصصت وقت الفجر للحفظ و الاذكار بعد صلاة الصبح طبعا
اما روتين كل يوم عروس انا ما نديرش الماكياج لاني نحشم من خاوتي و ننصح كل الاخوات ما يكثروش من المساحيق و خاصة للوجه لانها ادير التجاعيد مع الوقت
انا ندير كل ليلة زيت الارغان الاصلي شريتو من المغرب 100مل ب 50الف و اذا شريتوه من الجزائر راهو يدير 150الف
و في الصباح نمسح وجهي بمكعبات الخيار اليكم الوصفة
خيارة مبشورة+1مص غليسرين نشريها من عند الصيدلية قرعة صغيرة ب 12الف +ماء الورد نميكسيهم كامل و نحطهم في قوالب الثلج الخاصة و نديموليهم و نحطهم في كيس بلاستيكي كل صباح نمسح بمكعب وجهي يرطب و يبيض و ينظف و ما تنساوش حساسية البشرة كل وحدة وبشرتها
و الغسول ديب كلين من الاحسن تستعملوه مرة في الاسبوع

[omelbanin]

السلام عليكم، شكراً حبيبتي تاج الهنا على إجابتك، والله غير قريت هنا في المنتدى وحدة قالتلنا لازم الدوش يالوكان ماتغسليش شعرك، وانا للاسف شحال من مرة ندوش وأنا بيها.
حتى زدت قريت موضوع أخر ايضا في المنتدى في قسم الصحة، يحذر من الاستحمام.
وزدت قلت نسقسيكم هنا. شكرا لك.

[omelbanin]

انابعد ما تغدينا، درت كسكس بالمرقة. غسلت الاواني ،دوشت للاولاد وراحو مع ابيهم للمسجد.
دوشت انا وصليت الظهر وقريت سورة الكهف.
ضرك نرقد وليدي ونتكا شوية، مبعد نشوف كاشما نلبز للقهوة.

[ام متين]

مساءكم طيب انا اليوم مادرتش اشغال بزاف المهم الجانب الديني تم و يارب منا القيام ومنك التيسير والقبول اللهم امين اجمعين
مشطت شعري ورطبت وجهي (ناوية نشري اشياء لما نخرج ان شاء الله)
البيت على العموم مرتب لان امسية امس فرزتو المهم حتى الفطور تم تحضيرو البارح واليوم غير طاب فقط الاولاد الكبار عندهم دروس خصوصية والصغار بقاوفي البيت خرجتلهم تمارين لكن عندي مشكل مع البنت التلفاز مسيطرعليها حتى لما تنوض تقر بدون تركيز رغم انها من الاوائل الاانني مقلقة بالنسبةليها
المهم بعد الفطور اخذت قيلولة 2 او3دقائق لان صوت بسيط وانا راقدة نفيق وما نقدرش نرجع نرقد ربي يلطف بينا

[تاج الهناء]

غدا ان شاء الله ندير تنظيف عميق للبيت ونبدا ه على 7صباحا
يوم الجمعة خصصتو نقري فيه خاوتي و نديرلهم مراجعة اسبوعية

[تاج الهناء]

حبيت نمد نصيحة لكل الفحلات الي يحبو بزاف ماء الجافيل
عندما تستعملو ماء الجافيل و في يديكم جروح مهما كانت صغيرة لبس القفازات واجب حتى ولو كان مخفف لانو الجافيل دورو تخريب الخلايا الحية و في حالة ما اذا كان الجرح في اليد راح يخربو و يرسل المخ رسالة باعادة تجدديد الخلية و هكذا في كل مرة تستعملو فيها ماء الجافيل راح تخربو خلايا و المخ يجددها بطريقة عشوائية وبصفة دائمة حتى و لو ما استعملتوش الجافيل و طريقة التكاثر العشواي للخلايا هي بداية سرطان عفانا الله و اياكم
ارجوكم ما تتهاونوش بنصيحتي و البسو القفازات في كل استعمال و حافظو على صحتكم قبل نظافة بيوتكم

[غزالة1]

السلام عليكم
لم استطع ان لا اقرا رغم اني قلت انو نخصص وقت قصير صباحا و اخر ليلا لكتابة التقرير
المهم بارك الله فيكم على كل كلمة او نصيحة
لكن عندي ملاحظة هناك وصفات تضعونها رائعة او ملاحظات قيمة لكن مع تسارع الصفحات تضيع منا فما الحل يا فراشات