فرنيات petits fours ذوق وهشاشة

[om kamilia]

السلام عليكم ورحمة الله وبركاته

بسم الله الرحمن الرحيم


لعيونكم حبيباتي في الكوزينة وخاصة ام اسلام و حويتة و كل من طلب الوصفة



هي وصفة محرفة طبعا
عجتني الوصفة بالكيلة من عند ام وليد جزاها لله كل خير , بصح كي جربت الوصفة خرجو لي يابسين حوست على السبب وحرفت فيها
انا نحضر بكمية قليلة لاسرتي الصغيرة طبعا انتم ضاعفوا المقادير طبعا كي تجربو الوصفة و تعجبكم , ان شاء الله تنال رضاكم كما عجبتني حتى حسيت نفسها تاع المخابز
المقادير
انا كيلت بفنجان قهوةصغير:
كيلة مارغارين على حرارة المطبخ تكون كيلة معمرة
كيلة فرينة
كيلة ما يزينة
كيلة ما بين الفرينة و المايزينة نشرح في تحضير

كيلة سكر بودرة( قلاصي)
بالنسبة للسكر تقدرو تنقصو 2 مغارف انا في الحقيقة ما نحبوش حلو بزاف

ملعقة صغيرة خميرة كميائية
فانيليا
3 ملاعق كبار زيت
بيضة متوسطة
ملعقة تحلية حليب مجفف
وطبعا مربى لاصاق الحلوى و شكولا او اي حاجة تزينو بها

طريقة التحضير
نضرب الزبدة ب المضرب الكهربائي وحدها حتى نتحصل على شكل مرهم نضيف الزيت و فانيلا وسكر بودرة و نزيد نضربو حليب و بيضة , نبدى نضيف كيلة الاولى تع فرينة مخلطة بالخميرة الكميائية و نضيف الما يزينة و الكيلة الثالثة الفرينة اكثر من المايزينة يعني و لآ فيها 6 ملاعق ندير 4 فرينة و 2 نشاء حتى نتحصلوا على خليط مش عاقد مش سائل نقدرو نخرجوه من الكيس الحلواني

و على الكيلة ممكن نزيد و لا ننقص حسب نوعية الفرينة وحجم البيضة

نشكل العجينة على صينة مفروشة بورق الطهي ونسخن 5 دقائق قبل و نطيبها في حرارة 150 غير تبدى تحمر م تحت نشعلو من الفوق نحمروه عسوها راهي تطيب بالخف
نخلوها تبرد شوية
نلصقو الحبات ونزينوهم بخطوط الشكولا او نغمسها في جوز الهند او شكولا او مكسرات
كي تبرد خلاص نخبوها في علبة ننثرو شوية فانيلا







































ان شاء الله يعجبكم و ينال رضاكم , هو خفيف لقهوة الصباح قد ما تقعد تزيد طراوة

دعوة فقط بشفاء اخي


تعديل طفيف في الوصفة وو اضافة صفار بيضة يجعلها اكثر هشاشة و لا في الاحلام



















و لآ اي استفسار راني هنا باذن الله




ملاحظة

حبيباتي العديد لقيت تساؤلاتكم على كيل الفرينة هي كالتالي
3 كيلات
الاولى فرينة
الثانية نشاء
الثالثة خليط بين الفرينة و النشاء ( على ان تكون الفرينة اكثر من النشاء)

وبالنسبة للشكل باه ما يهبطش ممكن استعملتو الخميرة بزيادة
وكذلك بالنسبة لكيل الفرينة ممكن نضيفو بملعقة كبيرة بشوية حتى نتحصلوا على قوام العجين عاقد شوية نقدرو نخرجوه من الكيس الحلواني وخاصة اذا اضفنا صفار البيض
وصفار البيض مش ضروري فقط لاكثر هشاشة