طاجين الجلبانة بالقرنون والبطاطا المقلية رووووعة

[ايمان يمن]

اليلام عليكم حبيباتي .اليوم جبتلكم وصفة بنينة نتمني تجربوها.
المقادير وطريقة التحضير:
اول حاجة نوجد كريات اللحم انا استعملت صدر دجاج رحيتو وزدتلو ثوم مرحية+ملح+كركم+فلفل اسود+كمون+مغرفة كبيرة زيت+صفار بيضة+مبشور ليمون+دبشة..


نكوروهم


نقليوهم في شوي زيت في الكيكوطة حتان يحمارو.



نضيفلهم 2 شلوط+3سنات ثوم +دبشة والتوابل (ملح+كركم+فلفل اسود+كمون) ونخليوهم يتقلاو مليح حتان يذبال الشلوط نمرق ونضيف لللمرقة حبة زرودية مقطعة مربعات صغار الجلبانة وحبة بطاطا ونقفل الكيكوطة مدة 20 د.

في كسرونة اخري نحط القرنون(انا شريتو كونجلي ) اللي حشيتو باللحم المرحي ونسقيه بمرق الجلبانة ونخليه يطيب علي نار هادية مدة 30د.(قبل ماتقفلي الكيكوطة نقصي شوي مرق باه نطيبو فيه القرنون).

كيطيب القرنون نرجع المرق نتاعو للكيكوطة نتاع الجلبانة.
في الروبو نرحي البطاطا والشلوط لصفيتو ونرجعهم للمرق مع عصير نص حبة قارص.
نزين بالبطاطا المقلية قارص ودبشة.







قدمت معاه سلطة ماسيدوان حميس وخبز الفرينة نتاع ام اماني نسيت نصورو.











بالصحة والهنا