ادخلوا الكل ـ يحبس راسكم و مباعد اعيطوني نصيحة

Adnou Eclypse · 2014-08-31, 18:29

السلام عليكم

انا شاركت لغة فرنسية في ولاية الرخس و الظلم و المعريفة ( قالمة) ، المهم دزاير كاملة تعرفها هكا

شاركت في الاطوار الثلاثة ، في الثانوي جيت 70 احتياط ، في المتوسط 10 اختياط ، في الابتدائي 04 الاحتياط

الثانوي خلينا منها لاني بعيد ، المتوسط قريب جدا و الابتدائي المكان مضمون لانه كاين 6 من اصل 22 في الايتدائي فرنسية تنازلوا على المنصب ـ المهم كنت كل يوم نروح للكاديمي و هم كل مرة يقولولي اصبر درك نعيطولك بالهاتف ـ الى حد اليوم خرجولي خرجة تاع صهاينة يا لطيف

قالولي رانا اقصيناك من المتوسط و الابتدائي لاننا فقنا بلي عندك ماستر ـ و انا نهار حطيت الملف في الابتدائي و المتوسط حطيت ليسانس فقط لاني علابالي بلي التكوين الاعلى يقصي المترشح ، كي قلت هكا للمسؤول قالي لكنك شاركت في الثانوي ، قتلوا ايه صح لكني في الملف تاع الابتدائي ما حطيتش الماستر ـ قتلوا يا سيدي ناعتلي قانون كتابي تستند عليه قالي ماكانش

قالي نا عندي ما نديرلك

درك كي روحت للدار راجعت القوائم و لقيت كاين اسماء هم ناجحين في المتوسط و نفس اسماءهم في احتياط الثانوي و ما قصاوهم ما والو

دركا بارك الله فيكم ، انتم تعرفو الامور الادارية و الدخلات و الخرجات و لكان نقدر نوكل محامي و لا مخضر قضائي ، انصحوني واش ندير مع قوم لوط هادو ام خرجوني من حبال عقلي و قريب وليت نهدر بالانجليزية

insag folle · 2014-08-31, 18:35

rabi ywaf9ak..............

latifa founi · 2014-08-31, 18:37

matosktich khlah 3la hakek diri kolch ana osi jit léwla ihtiyat w kol mara yahdroli hadra

Adnou Eclypse · 2014-08-31, 18:58

اقتباس:

المشاركة الأصلية كتبت بواسطة latifa founi

matosktich khlah 3la hakek diri kolch ana osi jit léwla ihtiyat w kol mara yahdroli hadra

Ay bayena, lazem nokhrejlhom lel'3aib, hada ho el hal , w kech ykon jdid nkhaberkom

تهاليل · 2014-08-31, 20:16

حسبنا الله ونعم الوكيل هذا ظلم عيني عينك دخلو واحد بلاصتك أكيد لأنه نعرف واحدين ربحو متوسط وإبتدائي وهوما خريجي الماستر وبلا مايحطو ماستر في المتوسط وإبتدائي كيما درت وعادي عيطولهم ، يلا لقيت كيفاه تحكي معاهم ولا تهدر مع آخر غير هدر خويا وربي يوفقك مش حجة هذي للإقصاء

Adnou Eclypse · 2014-08-31, 20:28

اقتباس:

المشاركة الأصلية كتبت بواسطة تهاليل

حسبنا الله ونعم الوكيل هذا ظلم عيني عينك دخلو واحد بلاصتك أكيد لأنه نعرف واحدين ربحو متوسط وإبتدائي وهوما خريجي الماستر وبلا مايحطو ماستر في المتوسط وإبتدائي كيما درت وعادي عيطولهم ، يلا لقيت كيفاه تحكي معاهم ولا تهدر مع آخر غير هدر خويا وربي يوفقك مش حجة هذي للإقصاء

كيما قلتي كشما حطو واحد فيً بلاصتي و دارولي قالب ، المهم اني نحوس على اجراءات توكيل محامي و لا اللجوء للمحكمة الادارية

تهاليل · 2014-08-31, 20:42

أنصحك بالتريث أخي حتى تسال أهل الإختصاص وتتأكد مليح من الخطوة لي راح تقدم عليها

بيلسان91 · 2014-08-31, 20:43

دارولك كما قالولي انا بالاربعاء
كون تحب نلموا بعضانا ونديروا كش حل
انا نعرف وحدة نجحت فالابتدائي والمتوسط وماقصاوهااش

بيلسان91 · 2014-08-31, 20:51

زدت تفكرت حاجة دركا
نعرف وحدة تان تقرا بيولوجي
قرات من 2009 حتان 2013 فجامعة قالمة مي فالتنقيط اعطاوها واحد نقطة على المداس العليا للاساتدة مع انها جامي قرات فيها وولات ناجحة
تسما دات بلاصة وحدة

بيلسان91 · 2014-08-31, 20:53

وتحب حطا نعطيك الاسماء تاعهم
انا يضهرلي الناس العام هدا ام راقدين

kaout · 2014-08-31, 21:23

وكيلهم ربي اخي لازم تتاكد مليح
وربي يكون معاك

karimkarimceb · 2014-08-31, 21:31

حاول ان برئيس المصلحة المعنية اظن انها الدراسة والامتحانات واذا استحال عليك الامر .توجه الى المحكمة الادارية

Adnou Eclypse · 2014-08-31, 23:01

اقتباس:

المشاركة الأصلية كتبت بواسطة بيلسان91

وتحب حطا نعطيك الاسماء تاعهم
انا يضهرلي الناس العام هدا ام راقدين

سلام بيلسان
انا كي قالولي بلي اقصاوني ، جيتي طول في بالي و عرفت بلي صرالي كيفك لعبولنا الغولة و خرجونا على لاتوش
بصح لي غاضني اني انا 04 احتياطي و كاين 06 تنازلوا من الناجحين

كيما قتلك ، كاين لي ناجحين في المتوسط و كاين اسماؤهم في احتياط الثانوي ، لحد الآن لقيت 05 و مادابيا تزيدي تعاونيني و تعطيني اسماء اكثر ، لانو كل ما نزيدو نلقاو كل ما يكون عندنا الحق اكثر

و لكان ما جبتش حقي بالقانون ، كاين طرق اخرى ( لكان سمعتي في لاكاديمي بلي شفشوف ضربو واحد نحالو عينيه و لا ودنيه ، اعرفيني انا )

youcef ha · 2014-08-31, 23:12

اذهب الى مفتشية الوظيف العمومي و خذ جميع الادلة ؤ اذا لم يتغير أي شيء اذهب الى الوزارة

rachidsystem34 · 2014-08-31, 23:20

اخي الكريم نقولك شيء جيد وهو ان القائمة مزالت ما رحتش للوضيف العمومي
روح للوضيف العمومي اى دار المالية وقول للهم الوضع انتاعك وتاكد ان الوضيف العمومي لن يتساهل معهم ابدا
القانون يقول تقدر دير في اي طور واذا نجحت في الابتدائي والمتوسط والثانوي مع بعظاهم يقومون بتزيلك الى ادنا مستوى اى الابتدائي
هذا هو القانون اما ماقله هذا الحمار مكانش منوا خلاص
روح يوم الثلاثاء للوضيف العمومي وقوللهم حب نشوف المفتش العام
وحكلوا وش لي كاين
المهم ولى لمديرية نتاع التربية وزيد هبلهم حتا يكرهوا منك روح كل اثنين وقول هذك لحمار كفاش كى لقتوني عندي ناستر علاش ماقصيتونيش نهار لي حطيت فيه الدوسي