۞ ʚïɞرمضان الفراشات ، يزهو بألوان الطاعات و البركاتʚïɞ ۞ - الصفحة 2

منال100 · 2015-06-16, 20:34

و ان شاء الله رمضان كريم للجميع وكل عام وانتن بالف خير

حبيييبة · 2015-06-16, 21:40

مساء الخير حبيبات قلبي
اهلا و الف مرحبا بكن في هته اللمة المباركة
الله يديمها علينا ياا رب

أهلا بكل الفراشات اللي شرفونا بانضمامهم لينا
ان شاء الله رايحين نعيشوا اجمل ايام عيد خلال شهر رمضان المبارك
و نتعاون فيه على الخير و البر و نستمتع به بكل تفاصيله

أم أمين2007 · 2015-06-16, 21:50

يشرفني الانضمام الى سرب الفراشات
ان شاء الله رمضان 1436 غير كل الاعوام الماضية
احتاج صحبة صالحة
هل من مكان بينكن

hadjer17000 · 2015-06-17, 12:22

جزاكي الله كل خير و ان شاء الله
رمضان مبارك

ام مؤمن · 2015-06-17, 14:10

مسائكم سعيد

هيا حركونا الحالة شوية و ديرونا جو

انا جبتلكم شوية مشتريات باش نكسر الروتين رمضان راه غذوة ان شاء الله سبقت الفرح بليلة

انا تسوقت كذا مرة و اشتريت اغراض للمطبخ كنت كاتبتلها قائمة لشهر رمضان

رمضان اللي فات شريت اواني الطبخ و هذا السنة شريت حوايج متفرقات انا نموت عليهم

صورتلكم شوية قولوا ماشاء الله

بسم الله

واش رايكم فيهم

انا عندي نقطة ضعف نموت على المواعين و الله ماعادش عندي بلاصة وين نخبي و هبلونا كل عام تخرج حاجة جديدة

هيا شكون تتطوع و تحطنا صور ماشي شرط مشتريات ممكن تحضيرات رمضان هيااااااااااااااااااااا

ام مؤمن · 2015-06-17, 14:49

و هذه بعض تحضيراتي للشهر الكريم

شوطت الفلفل و الطماطم و الثوم و بيدنجان و درتهم حميص و جمدته

ايضا البصل و الطماطم و الثوم و الجلبانة و شوية قرنون و جففت شوية ثوم

جمدت ايضا عصير الليمون و مركز الليمون

و الكسرة المطلوع خبزت كمية و كونجليتها

جربت المثلجاث نديرها في رمضان ان شاء الله

و هذه شباح الصفرة درتها و كونجليتها

و هذا مركز الليمون درت 2 كيلو و جمدته باش ندير الشاربات

و هذه تارتولات جربتهم ايضا

و وجدت الفريك و التوابل و كونجليت كمية كبيرة من الدجاج مقسم حصص و مازال اللحم ان شاء الله هذا واش تفكرت

و درت تنظيف عميييييييييييييييييييق للبيت كله

و اشتريت المواد اللازمة لتحليات و مقبلات رمضان و رتبتهم في الثلاجة ماصورتهمش

ربي بلغنا رمضان و متعنا بالصحة و العافية و لله الحمد و الشكر له ربي يوصلنا ليه بالخير و نتفرغوا للطاعات و العبادات

راني زدت تطوعت هيا شكون تتطوع بعدي

saranor · 2015-06-17, 16:00

ماشاء الله عليك ام مؤمن الله يبارك وبصحتك واش شريتي
ولادمان تاع الماعين كامل عندنا هههههههههه
كل عام وانتم بخير

وفاء الياسمين · 2015-06-17, 16:11

مشاء الله عليك أم مؤمن ربي يباركلك في مالك و وقتك و حياتك وكل الحبوبات الفراشات و المؤمنين أجمعين

أستاذة حبيبة و الله توحشتك و توحششت اللون الزهري و كلماتك الجميلة رغم أن الفراشات عندهم مدة وهوما غايبات عن اللمة لكن لايفوت الاوان على الاحسان
سنلتقي دائما و نير للأمام
أعتذ لأني لم أضع برامجي من قبل لأن أصلا ماكنت نقدر نخدم و كنت كي السلحفات و حشمت مالقيت واش نكتب المهم بإذن الله راني معاكم في رمضان ربي يوفقنا و يبلغنا رمضان و صيامه و قيامه

حبيباتي تحياتي و سلامي ليكم جميعا بدون استثناء

oum sabrin · 2015-06-17, 17:10

مساؤكم سعيد فراشاتي الغاليات
شكرا حبيبتنا حبيبة على الموضوع الجديدالخاص برمضان الفراشات فكرة رائعة لكي يبقى بستاننا دائما معطر باحلى الورود
اختي ام مؤمن ما شء الله عليك راكي كفيتي و وفيتي الله يباركلك في عائلتك و مالك و خاصة في صحيحتك و بصحتك ما شريتي راني لاحقتكم بالصور

oum sabrin · 2015-06-17, 17:24

بعدما درت حملة تنظيفية الاسبوع الماضي عاودت تنظيف سريع للبيت لانه كان نظيف مع دورة الفراشات السابقة
بسم الله ما شاء الله
هذا تنظيفي للكولوار و الهول

هنا كنت خدمت غطاء للمدفاة بالتزيين بالورود خاطيني فصالة و ماعنديش ماكنة خياطة بصح سلكلها هههه

كملت غسلت كوات كانو بقاولي من الفراش

الان نجو للمفرزنات
اشتريت هاد الاكياس المحكمة القفل
حضرت شليطة و وضعتها بكميات قليلة في هذه الأكياس لكي لا تاخذ مكان مثل العلب

من بعد نزيد نصور الاواني لي شريت و الملابس سلام

صنعت ايضا صلصة حمراء و قسمتها كذلك

حضرت العجينة المورقة للمملحات و قسمتها

خدمت عجينة الفيلو لحلوى السهرة

شمخت شويا حمص و طيبتها نصف طياب

وهاذا شكلهم بعدما وضعتهم في الفريزر

خدمت عجينة السابلي باش ندير les fond de tarte من بعد نكملهم

أم عبد الله ياسين2 · 2015-06-17, 17:53

ما شاء الله عليك أم صبرين نفس طريقتي في التًفريز حتى نفس الساشيات

حبيييبة · 2015-06-17, 18:18

مساء الخيرات فراشاتي الغاليات
ماشاء الله لا قوة الا بالله
راكم ناشطات و فحلات
اهلا و الف مرحبا بكل المشتركات الرائعات اللي انضموا الينا

جبتلكم حبيباتي جدول يومي للفراشات
لتقسيم وقتها على مدار اليوم
و حطيت فيه مختلف الاعمال الاساسية اللي ممكن تقوم بيهم المرأة المسلمة
خلال شهر رمضان كل يوم
و لكل فراشة أن تأخذ فكرة من هذا الجدول
و تصنع جدولها الخاص بها حسب ظروف بيتها ووقتها اليومي

سرور2 · 2015-06-17, 18:18

بصحتكم لبنات المشتريات وربي يحفضلكم اياديكم وصححتكم وربي يقدرنا على صيامه وقيامه يارب

ام مؤمن الله بارك مشاء الله شفتي لماعن كل عاذم يخرج جديد املا انت اشؤيه وانا اعطني لقديم ههههههههههههبصحتك غير نزعق معاك

ام صابرين مشاء الله ربي يعاونك اختي ويقدرنا على الصيام

سرور2 · 2015-06-17, 18:24

انا للاسف مصورتش بصح درت تنضيف عميق للمنزل وغسلت الملابس وخدمت فلفل وخبيتو حصص والحمص طيبتو وخبيتو حصص والدجاج ايضا واللحم الاحمر وطيبت طاجين حلو ايضا اما الاشاء الاخرى مثل البوراك والمطلوع فلازم يومياتتخدم يعني تكون جديدة

ربي يعنا على صيامه وقيامه

أم ريتاج زهرة · 2015-06-17, 18:43

السلام عليكن حبيباتي و الله ليكم وحشة أنا نظفت الدجاج و قطعته حصص و اللحم و اللحمة المفروم في الكونجيلاتور و درت فلفل حلو حصص أيضا و البفسبر و الكرافس نقيتهم و غسلتهم و في كيس بلاستيكي و إلى المجمد تظفت البيت و غسلت الملابس اللي بقاولي و غدوة رمضان يدخل علينا بالصحة و الهناء و عبادة الرحمان و ربي يخلينا في هذه اللمة و الله لا يحرمنا منها رمضان كريم للجميع