من يساعدني في كراء شقة في تونس من فضلكم

[extravaganza]

المشاركة الأصلية كتبت بواسطة ام الهضاب

ربي يحفظك اخي و في ميزان حسناتك ان شاء الله

بلا مزية أختي,

[kazilo]

شكرا لكم وان شاء الله تعم الفائدة وانا ايضا افكر في كراء شقة في تونس

[الفراشة الرومانسية]

المشاركة الأصلية كتبت بواسطة حسين2011

مساء الخير اختي شوفي انا العام الي فات اول مرة نروح وصراتلي كيما انتي بحث في الانترنيت نسقسي الناس وكل واحد واش بقول وماحجزجتش قبل مانروح وكي توصلي لاي منطقة سياحية في تونس في الطريق طوابيييييييييير طويييييييييييييييللة من الشباب في كل شوكة في كل بلاصة في كل دارحتى في الاعمدة الكهربائية كلها تبحث عن السائح الي يكري وانت تقدري تروحي لاي واحد تختاريه وهو يوصلك لمول الدار وانت تتفاهمي معاه يعني من ناحية الكراء متوفر ماتتقلقيش وادا حبيتي نعطيك الرقم الهاتف نتاع المرا الي كريت عندها العام الي فات لاني العام هدا ان شاء الله ناوي نزيد نروح نكري عندها لانو كيما سبقت وقلتلك الحي اللي تسكن فيه راقي ومؤمن وعندها كاراج وين نحط السيارة ولعلمك هي في سوسة وقريب ليها كلش الاسواق البحر بالسيارة مدة عشر دقائق في السيارة ماتتقلقيش خلاص لما توصلي تما يجيك كلش ساهل نتمنا نكون افدتك ولو بالقليل وادا مافهمتيش اي حاجة انا في الخدمة

من.فصلك.اريد.المساعدة.ادا.يمكنك.تمدلي.الفايس.او.كي فاش.نتصل.بيك
شكرااااااااااااا

[mrmilano1984]

المشاركة الأصلية كتبت بواسطة الفراشة الرومانسية

من.فصلك.اريد.المساعدة.ادا.يمكنك.تمدلي.الفايس.او.كي فاش.نتصل.بيك
شكرااااااااااااا

صحيح مقاله لك الاخ تمام دري كما قالك بالتفصيل معمرة السماسرة هادوك ناس جيعانين سمحولي علي الكلمة هادي يتصيدو السواح خصوصا الجزائريين والليبيين وتلقايهم هو لي يجي ليك ويجري ليك تفاديهم ولاتتكلمي معهم ابدا وروحي مباشرة اقصدي صاحب الشقة او الاستوديو وطبعا راح يبانلك من عدة امور كما قالك روحي لحي راق ومتطور تلقاي غر الناس الشبعانة وهادي لي قالك عليها مادام عندها مراب اي قاراج ون تضع سيارتها اكيد هي صاحبة الشقة وتكري مهنية عندها ومغمضة العينين لانو مهم جدا تكري عند صاحب الشقة لتفادي بعدها مشاكل حتي لو كريتي وعطتي مالك لسمسار راح يقولك اعطلي فلوس حق ماشفتلك كراي او كراية او ممكن هو يكريلك ويقبض مال في الاول من بعد يعطيهم لصاحب الشقة وتصوري شعال يدو معاكم 3 او 4 اضعاف مبلغ اصلي
صراتلي مرة مع صديقي حاب واحد يربح علي ضهرنا لكن لم نتكلم معه حتي اتي صاحب الشقة وهو ايضا عندو محل في الاسفل وباين بلي صاحب الشقة
كاين ايضا ون مكتوب للكراء شقق تلقايها غر هيا كي تحوسو ولكن تاكدي جيدا من هوية اصحابها قبل ماتجاروها لانو يضعو ارقام هواتف وممكن يكونو مش اصحابها لي تتكلمي معاهم بل وسطاء وسماسرة همهم مال فقط والسمسرة اوك

[mrmilano1984]

اعطلها فقط رقم الهاتف تاع المراة ان مازال عندك انا للاسف كان عندي رقم هاتف تاع شخص ثقة صاحب شقة جيدة لكن راح نحوس عليه ونعطهولها بحول الله وجاي مكان ممتاز في سوسة كورنيش بالضبط

[ام جابر.]

بحاجة لمعلومات
عن مدينة سوسة السياحية
كم يبعد البحر عن شارع المنارة
وهل المنطقة عائلية ومحترم.

[الفراشة الرومانسية]

المشاركة الأصلية كتبت بواسطة mrmilano1984

اعطلها فقط رقم الهاتف تاع المراة ان مازال عندك انا للاسف كان عندي رقم هاتف تاع شخص ثقة صاحب شقة جيدة لكن راح نحوس عليه ونعطهولها بحول الله وجاي مكان ممتاز في سوسة كورنيش بالضبط

ن.فصلكم.اريد.رقم.هاتف.شقة

[mrmilano1984]

اني قتلك اختي راح نمدلك الا لقيتو مش مشكل نعطهولك ماعندي مانبخلك لكن كما قتلك البارحة كي نلقاه اني نحطو اوك والله مكان رائع بجانب كورنيش سوسة مقابل واحد الفندق اسمو ياربي اسمو بوجعفر كان في اصلاحات وهو لااعلم الان ان كملوه ام لا هي بناية فيها 3 شقق وسطح المهم كرينا عند واحد عندو محل للمواد الغدائية هو ابن مالكتها يعني تاع امو ووالدتو من بعد هو لي قالنا وليس ملك للسمسار لي جا عندنا في الاول يجري ومفتاح في يده هداك فقط يجلب الكرايين وكما قالك الاخ راح تلقايهم في كل شوكة ويهبلوك من اجل بضع دنانير نتي كما فهمناك تجاهليهم اطلاقا لانو هاديك الشقة روعة وفي مكان اروع
حتي حي الخزامة كما قالولك حي راقي ونضيف ومحترم ويسكنوه ناس راقيين ايضا وهناك قلبي براحتك علي شقة لي تساعدك احسن مهم ماتروحيش فقط لاماكن معزولة في سوسة ون تلقاي ناس مش في المستوي هدا مانقولك

[الفراشة الرومانسية]

رانا.لقينا.بزاف.عروص.شقق.في.وحد.الموقع.يربطك.مع.اص حاب.الشقق.لكن.الاختيار.ليس.سهلا.لاننا.لا.نعرف.الام اكن
من.فصلك.شحال.حسبولك.هاد.الشقة.لليوم

[علي لقواطي]

المشاركة الأصلية كتبت بواسطة حسين2011

في تونس هناك عدة مناطق سياحية رائعة منها سوسة الحمامات وحمامات الياسمين مدينة ساحرة بالفعل وانصحك بان تكري شقة احسن مادامك مع العائلة تخرجلك احسن من الفندق انا العام الي فات كريت شقة متكونة من صالون وغرفتين ومطبخ وحمام ومجهزة من كل الضروريات انا والعائلة في سوسة في حي رائع ومؤمن وعندك وين تحطي السيارة بسعر 84دينار تونسي اي حوالي 550دينار جزائري كاين شقق اقل من ناحية الغرف والسعر ادا حبيتي اختي اي معلومات اخرى انا في الخدمة

84 دينار تونسي غلاها عليكم ياسر بالدنيار تاعنا اكثر من 6000 دج

[mrmilano1984]

صدقيني حسبهانا بسوة روعة تصوري 60 دينار طبعا في الاول قالنا 65 هبطها ل 60 دينار طبعا سعر هداك هو تلقاي اكثر منو نتي كما شفتي هداك الموقع نعرفو صح يربطك مباشرة مع اصحاب الشقق ومالكيها الاصليين حاولي شوفي احسن العروض في تلك الشقق ولااعرف هل تدفعي من هنا ام تحجزي ولما تصلين تدفعين اضن الثانية والله اعلم
المهم اختي هداك موقع موثوق جدا طبعا وخدي راحتك فيه تماما اما قتلك صاحب الشقة لي حكتلك عليها اسمو مجدي وقتلك جاي محلو مقابل فندق بوجعفر لي قريب لي قدامو كورنيش بوجعفر احسن واقوي شارع وكورنيش في سوسة معمر سواح كل صيف المهم فيه اماكن محترمة وعائلية طبعا وفيه اماكن غير محترمة كل واحد وواش يحوس

[أم الولدين]

بارك الله في الجميع و مكم استفدناااا

[om mita]

اعطيني اسم الموقع اختي من فضلك وقوليلي المكان الي رحتي ليه بالضبط ا
جازاك الله كل خير

[leghoc]

ارغب في قضاء 12 يوما في تونس مع زوجتي وبناتي( 10و8و5سنوات)وعندي سيارة..أريد شقة فيها مكان آمن لسيارتي وتتوسط مدن سياحية

[khalidou78]

سلام

هذا موقع رائع تقدر تكري فيه في جميع أنحاء العالم، فيه شقق و فيلات و حتي فيلات بالمسبح, كل واحد و مقدورو، بصفتي زرت تونس كاين فيه عروض مغرية

فيما يخص الموقع، عليك افتح حساب فقط، و يمكن كذالك قراءة تعليقات الزبائن الذين أجروا من قبل.

الموقع https://fr.airbnb.com/

سلام