ساعدوني في الادخار

maiar · 2013-06-03, 14:33

السلام عليكم و رحمة الله و بركاته

حبيت تعاونوني فطريقة مليحة للادخار لانو كل مرة نجبد من الكونت تاعي و الصوارد تاعي باقيين في نفس المستوى سما ما زادوش خلاص لانو يدي شوية مطلوقة على اهلي و على عائلة زوجي و عليا انا و زوجي و حبيت ندير سيارة بالتقسيط باه تتحتم عليا نسلكها كل شهر في حاجة باينة بصح مكانش ظاهرتلي

ان شاء الله تساعدوني في كيفية الادخار

moooooda147 · 2013-06-03, 15:02

اشري حصااااااااااالة تاع باربي ضرك تخبيلك هههه

راني نتمسخر برك

انتي زيري شوي يدك على الدراهم
ماتبذريش
وما تبعيش طريقة الصرف الجنوووووووني
شوي بشوي ضرك تلمي الدراهم يلي حبيتيهم
وشكرا

مريم الصابرة · 2013-06-03, 15:14

السلام عليكم اختي
إنت كا ما تحتاجيش الدراهم أبلوكيهم مي تخافي تحتاجي ما يمدلوهملكش حتى تخلاص المدة اللي تبلوكي فيها وهكذا ميم تروحي تجبدي ما يمدولكش كان عندك مصدر للرزق وهذوك ما تحتاجيهمش ضرك من رأي أبلوكيهم خير

maiar · 2013-06-03, 18:33

اقتباس:

المشاركة الأصلية كتبت بواسطة moooooda147

اشري حصااااااااااالة تاع باربي ضرك تخبيلك هههه

راني نتمسخر برك

انتي زيري شوي يدك على الدراهم
ماتبذريش
وما تبعيش طريقة الصرف الجنوووووووني
شوي بشوي ضرك تلمي الدراهم يلي حبيتيهم
وشكرا

والله يا اختي مش حكاية تبذير بصح كي نشوف لباس لاخواتاتي نشريلهم كي يسخفو على حاجة تع ماكلة نشريهالهم اكي تعرفي الاطفال و تاني اهل زوي كي يوصيوني نشريلهم و منحكمش الصواردعليهم نحشم و راني خممت فالسقاطة بصح ما تصلحش بارك الله فيك

maiar · 2013-06-03, 18:40

اقتباس:

المشاركة الأصلية كتبت بواسطة مريم الصابرة

السلام عليكم اختي
إنت كا ما تحتاجيش الدراهم أبلوكيهم مي تخافي تحتاجي ما يمدلوهملكش حتى تخلاص المدة اللي تبلوكي فيها وهكذا ميم تروحي تجبدي ما يمدولكش كان عندك مصدر للرزق وهذوك ما تحتاجيهمش ضرك من رأي أبلوكيهم خير

و عليكم السلام و رحمة الله و بركاته واش راكي اختي مريم ان شاء الله احوالك تتحسن ربي يشفيك ان شاء الله عاجلا غير اجل
والله عفسة هذه تع البلوكاج جامي سمعت بيها نزيد نسقسي عليها الوالد تاعي بصح كيما قلتي نخاف تصرالي ضائقة مالة و نكون محتاجتهم صح و مانلقاش كيفاه نجبدهم
راجلي اقترح عليا يخبيلي الكارني دشاك و لاكارث مانيتيك ؟ واش رايكم

maiar · 2013-06-03, 18:48

اقتباس:

المشاركة الأصلية كتبت بواسطة نورسين.داية

و السيارة التي تريدين شارئها .......بإسم من سوف تكون ...و من سوف يستعملها ؟؟

أنتبهي لهذا أولا

أنا رأي إذخري لتشتري قطعة أرض و ليس سيارة ............لأن السيارة ثمنها من يوم شراءها يقل ثمنها أما الأرض فالعكس طبعا ....

مسألة مساهمتك في المصروف المنزلي هل هو على أساس إتفاق أم ....بشكل جزافي فاقد للتاطير و التكييف ؟

وفقكي الله أختي

ياختي خممت كيما انت و خفت شوفي معايا السيارة قلت لراجلي اكيد نكتبها باسمي قالي حقك هذه بلا هدرة بصح منع عليا السياقة بالرغم اني امتلك رخصة سياقة و راجلي تاني عندو نورمال كي يسوقها هو بصح خايفة يوليو سلافي تاني يسوقوها و نعود عندي سيارة بصح ديما ماشية و نحشم باه نقوللهم يقولو عليا مشتاقة فهمتيني يعني نحتاج السيارة و خايفة
و قطعة الارض اختي ندي حياتي كاملة حتى للتقاعد بلاك ما نلحقهاش
و انا نسكن فالعمارة و حابة اذا ماشريتش السيارة نتعاونو انا و زوجي و نبنيو فوق اهله و خفت على المستقبل تاني راني نشوف فيها فالواقع الحكاية تع الورثة فهمتيني مانلقاش علمن تتكتب الدار
اختي مساهمتي ف المصروف المنزلي تطوع مني نعاون راجلي باه نعمرو دارنا اا من جهة اهلي و اهله راني ذكرت فالرد السابق كيفاه

amira19 · 2013-06-03, 19:15

ahla mirouuuuuuu wech raki hanounaa ana dkhallt ngoulek haja wssayet mama lqu'elle a travaillé toute sa vie comme une enseignante

belaki cherka m3a rajel w la habiti diri mawdou3 f lghorfa w nzidou netna9chou

maiar · 2013-06-03, 19:24

اقتباس:

المشاركة الأصلية كتبت بواسطة amira19

ahla mirouuuuuuu wech raki hanounaa ana dkhallt ngoulek haja wssayet mama lqu'elle a travaillé toute sa vie comme une enseignante

belaki cherka m3a rajel w la habiti diri mawdou3 f lghorfa w nzidou netna9chou

اهلين امورة ربي يخليلك الوالدة و ربي يهنيك ان شاء الله ذرك ندير نسخة عن الموضوع نشوف راي الاخوات بلاك يساعدوني

imene12 · 2013-06-03, 19:41

أنا فتحت كونت في البنك " دفتر توفير" .. و كي نهز الشهرية نروح نجري نحطهم في البنك و نتهنا هههههههههه .... و نزيد نقلك البنك هذا بعيد على الدار والخدمة نتاعي و زيد الغاشي تبقي تستني ... يعني كي نخمم نجبد الدراهم لازمني خدمة كبييييييييييييرة نولي نبطل نقول ماكان لاه.

maiar · 2013-06-03, 20:05

اقتباس:

المشاركة الأصلية كتبت بواسطة imene12

أنا فتحت كونت في البنك " دفتر توفير" .. و كي نهز الشهرية نروح نجري نحطهم في البنك و نتهنا هههههههههه .... و نزيد نقلك البنك هذا بعيد على الدار والخدمة نتاعي و زيد الغاشي تبقي تستني ... يعني كي نخمم نجبد الدراهم لازمني خدمة كبييييييييييييرة نولي نبطل نقول ماكان لاه.

اختي بارك الله فيك انا لي مفلستني لاكارث ماننيتيك كلما نسحق نروح للحيط نجبد توفر عليا لاشان و تعمار تع الشيك و اقتراحك اقتارحتو عليا وحدة تخدم معايا و كيفاه تعرفي الفايدة قداه باه نتخلص منها و كيفاه تتخلصي من الفوائد

ام نسمة · 2013-06-03, 20:21

يا ميار واش نقولك دسي دراهمك عند شخص ثقة امك او اختك ونبهي عليهم ما يعطوكش الا للضرورة القصوى بلاك هوما يقدو يساعدوك انا كنت كيفك حبيت نلم باش نعمر داري بصح كنت كل مرة نلم نسخف ونخسرهم ولا نسلفهم لزوجي وحد النهار درت القلب ورجعت نلم عند اختي حتى لميت مبلغ لاباس بيه سيرتو هوما بعاد عليا بزاف وكي نقوللها خاصني ابعثيلي في البريد تقولي لالا حتى نسمح وفي النهاية لقيت مبلغ ليح بصح تراجعت على فكرة تاثيث البيت واشتريت بيهم قطع من الدهب تاني الدهب مليح ينصاب للعقايب كما نقولو .

imene12 · 2013-06-03, 20:38

اقتباس:

المشاركة الأصلية كتبت بواسطة maiar

اختي بارك الله فيك انا لي مفلستني لاكارث ماننيتيك كلما نسحق نروح للحيط نجبد توفر عليا لاشان و تعمار تع الشيك و اقتراحك اقتارحتو عليا وحدة تخدم معايا و كيفاه تعرفي الفايدة قداه باه نتخلص منها و كيفاه تتخلصي من الفوائد

انا حسابي في BNA و ما يمدوش لاكارت مانيتيك للي داير دفتر توفير يمدوها للي عندو حساب بنكي جاري

...
و كي نروح نجبد نكون على بالي شحال خبيت فيه و شحال راح نجبد و زيد اللي يخدم في لاكيس يقلك شحال عندك من الفايدة .. أنا نقولو خليها ثمة و ندي غير دراهمي الحمد لله.
و الله بالطريقة هاذي لقيت روحي الحمد لله...

maiar · 2013-06-04, 13:02

اقتباس:

المشاركة الأصلية كتبت بواسطة زهورالفل

يا ميار واش نقولك دسي دراهمك عند شخص ثقة امك او اختك ونبهي عليهم ما يعطوكش الا للضرورة القصوى بلاك هوما يقدو يساعدوك انا كنت كيفك حبيت نلم باش نعمر داري بصح كنت كل مرة نلم نسخف ونخسرهم ولا نسلفهم لزوجي وحد النهار درت القلب ورجعت نلم عند اختي حتى لميت مبلغ لاباس بيه سيرتو هوما بعاد عليا بزاف وكي نقوللها خاصني ابعثيلي في البريد تقولي لالا حتى نسمح وفي النهاية لقيت مبلغ ليح بصح تراجعت على فكرة تاثيث البيت واشتريت بيهم قطع من الدهب تاني الدهب مليح ينصاب للعقايب كما نقولو .

اقتباس:

المشاركة الأصلية كتبت بواسطة imene12

انا حسابي في bna و ما يمدوش لاكارت مانيتيك للي داير دفتر توفير يمدوها للي عندو حساب بنكي جاري ...
و كي نروح نجبد نكون على بالي شحال خبيت فيه و شحال راح نجبد و زيد اللي يخدم في لاكيس يقلك شحال عندك من الفايدة .. أنا نقولو خليها ثمة و ندي غير دراهمي الحمد لله.
و الله بالطريقة هاذي لقيت روحي الحمد لله...

بارك الله فيكم و جزاكم الله الف خير

hidayasoun · 2013-06-05, 16:56

مساء الخير أختي ، أنا أيضا أعاني مشكلة المصاريف الزائدة و الكل يلومني في البيت ، لأنني كثيرة التبذير خاصة مصاريف ابنتي ، مع وجود مشكلة في حياتي هي أنني مطلقة لذا يجب أن أوفر قصد الحصول على منزل لي و لإبنتي . ربي يعين الجميع ، أنا قررت التوفير في البنك.

maiar · 2013-06-07, 17:02

بارك الله فيكم