تونس هادي الايامات

[ملك 25]

السلام عليكم و رحمة الله و بركاته اخواني راني حابة انا و عايلتي نسافرو لتونس هاد الايامات و انا شوية متخوفة من الاوضاع الامنية هناك و كذلك عندي طفل رضيع مانيش عارفة اذا تصلح نقدر نحوس بيه او لا مع الجو و الله راني محتارة اشيرو علي بارك الله فيكم

[moonlight19]

اصبري اختي شوي يقولو بلي مازالت الحالة متوترة شوي

و بخصوص ابنك الرضيع اذا تقدري ادي معاك بوسات ديالو لاخاطر تتعبي كي تهويه في يديك

و تكون الرحلة تاعك احلى كي يكون معاك كبدتك وليدك الصغير

موفقة ان شاء الله

[mrmilano1984]

راها الدغوة صراحة مخلطة كانو مخططين يديرو عملية انتحارية في شارع بورقيبة وهداك قريب بزاف لمحطة تاع الكلوندستان فهمتي غر اخطكم الان نصيحة من متعود لتونس من 2007

[azizabdo17]

روحي للصحراء نتاعنا خير مليحة في الشتاء

[mounirder]

اختي العزيزة كنت بصدد الانتهاء من اجراءات السفر من تحويل عملة وحقائب ابنائي وكذلك من حجوزات مع وكالات السفر لكن بعد العملية الاخيرة تراجعت خاصة انو عندي اطفال و مع حضر التجول في الليل لا معنى للسياحة كذلك انا اسكن قريب من الحدود التونسية هاته الايام فقط ابطلو محاولتين لعمليات انتحارية خاصة في المنتجعات السياحية اظافة الى المسيرات السلمية اليومية في كل من قصرين سيدي بوزيد والكاف لذا قررت تغيير الوجهة الى مدن صحراوية تحوي حمامات معدنية افضل

[رحمةز]

والله يا اختي غير اخطاك من تونس هذ ليامات الحالة ماتعجبش خلاص وزيد راح تدي معاك الكبدة نتاعك ماتخافيش عليه؟؟؟ الاوضاع سيئة والتفجيرات متوقعة .
انا كنت مقررة ندي بنتي تكمل العلاج نتاعها ثمة ونظرا للظروف راني بطلت ونستنا حتى تتعدل الاوضاع ونشوف تراه

[ملك 25]

شكرا جزيلا بارك الله فيكم و الله خوفتوني خلاص

[mrmilano1984]

مش خوفناك احتي صدقيني الدعوة راها خطيرة وماتسمعيش لعروض الوكالات تاعهم همهم فقط المال ثن المال صدقيني لايابهون بارواح الناس انا نعرفهم مليح التوانسة نهار كي كنا في الارهاب واحد تونسي ماكان يجي ويخوفوهم منا بزاف الان راكي تشوفي الدنيا دوارة والبقرة عثارة راهم كما هنا ماتروحيش ماناش نخوغو فيك نقولولك الحقيقة وراهم عل العين العورة لحد اللحضة قريت في موقع تونسي انه راهم يخطو يفجرو منتجع الحمامات ياسمين في نهاية السنة ربي يستر تاع الصح تصوري تدي روحك للتهلكة والمكروه علي جال حاجة مش اجبارية صح تونس مليحة للتحواس لمن الان مش وقتو ابدا

[أيمن الاوراسي]

تجنبي العاصمة فقط

اما سوسة و الحمامات و نابل في هذا الوقت رائعة و الطقس رائع

انصح بنابل في هذا الوقت


رحلة ممتعة

[mrmilano1984]

اختي نصسحة تجنبي الحمامات ياسمين وسوسة والله انا من اشد المعجبين بسوسة والحمامات وحتي منستير اضن منستير اقل خطرا حسب خبرتي لانو مافيهاش سياح بقوة فهمتي هم اضنهم يستهدفو الاماكن جد حركية وعلي كل حال اتجنبي تونس حاليا وهني روحك ورضيعك