مطبخك مملكتك الصغيرة

[omomnia15]

انا من عندي خليلهم الدنيا هكذاك كي ياكلهم الدود من العينين متخمليش سورتو صؤالحهم ومدام لقاوك هوما يخربو وانت تخملي سينورمال يكملوا بذيك العقلية تبعي هذي الطريقة وشوفي وعلاش حتى غير انت الي تخملي اسكو بسيف عليك ولا انت قلبك ياكلك اذا الاولى ربي يعاونك واذا الثانية ديري قلبك في الما بارد وعامليهم بالمثل وشوفي وان شاء الله ربي يهديهم خطرش النظافة قلب

[عطرالذهب]

المشاركة الأصلية كتبت بواسطة fifi123

مشكورة على ما تقدميه حبيبتي و انا عندي مشكلة فيما يخص التنظيف و التنظيم في البيت
ارجوكم ساعدوني كرهت البيت لي راني عايشا فيه
احنا في بيتنا متكونين من 5 اشخاص انا و امي و ابي و اخي الصغير و اختي الكبيرة و المشكلة اننا نعاني من الاهمال الشديد وانا عييت وحدي امي ما علمتنا والو حتى ليكبرنا وانا كل ما نحاول اني انظف البيت اصاب بنوبة من الغضب ولا واحد على بالو او كي نهدر تقولي امي راني في داري كي نكون في دارك اهدري
كل ما نطلب منها رمي الاشياء الي ما نستحقوهاش تقولي ما نقيسش صوالحي بالاضافة انها اطيب في صوالح كبار بزف يصعب التنظيبف فيما بعد فمثلا كي يكونو الطاوات مسخين طيب الحليب في قدر بالرغم من امتلكنا لغسالة الصحون الا اننا نعياو ما نغسلو فيها و الماعين كامل ما يكملوش بالاضافة لاخي الصغير لي راه في عمرو 13 سنة ما يعرفش ياكل فبعد ما انظف الصالون يجي يرمي المحفظة و ينحي صباطو فوق الفراش و الويل لي اذا هدرت معاه فبعض المرات كي نهدر معاه يبغي يدربني امام امي و ابي بسح ماكاش لي يهدر معاه س اوو كي ياكل يوسخ الفراش و يصبح كل شيء كارثة وبرغم من هذا الاانا امي و ابي ما يهدروش معاه
و اختي تلبس و تقيس ما راحلهاش كي نهدر معاها على بال التنظيف ما تديهاش فيا انا كرهت و ما صبت مندير حتى واحد ما بغا ينعل بليس في هاد الدار ودائما كي يجونا دياف نحشم كل يوم البيت مكركب و حتى صحاباتي منقدرش نعردهم كيفاش ندير مع هاد العائلة المهملة اعطوني الحل و اجركم على الله

اختي بصراحة من المفروض راكم 3 نساء يعني كون عطا ربي راهي الدار قمة النظافة 24/24 ماتستسلميش واهدري مع ماماك واختك ديريلهم القلب كيفاش هذا الاهمال كامل وامك زعمى القدوة تاعكم راها مهملة مع احترامي طبعا
اذا غلبوك شوفي مع وحدة من خالاتك تجي وتديرلهم نهاااااااااارتحل فيهم العين الحمرا سيغتو لوكان تعود اكبر من امك وحتى خوك مش صغير وانت تقدري حتى تعنفيه
والله راني غير قريت كلامك وتنارفيت فمابالك انت ربي يعينك

[الأمنيات]

السلام عليكم
الاخت فيفي
كلكم راعي وكلكم مسؤول عن رعيته ،،،،، هادا واش نعرف انا وامك هي الملومه بالدرجه الاولى هي الرعيه وهي مسؤوله على البيت والي فيه
درك هي ماقامتش بواجبها وتقول بيتي يعني راها كي مول السفينه خربها وكي تكلموا معاه قالهم تاعي يعني يغرق عباد الله ويسكتوا له هههه
غير معقول دارها ما ننكروش بصح راكم عايشين معاها لازم تتغير وتنظف وتبع الي يفهم احسن منها
انتي دوك واحبك تنبهيها لكن بطريقه ما تحسيهاش راكي فاهمه عليها راه تقول لك القط يعلب لبوه النط ههههه جيبي لها امثله ديار الناس كي
راهم وناس راها تطور وتنظف وكاين طاوات للحليب وصوالح لحاجه اخرى بالشوي يا بنتي وربي يعينك
صراحة اول مره نصادف مشكل هاك. ربي يعدي بعد ما عدنا نحوسوا كي ربوا بناتنا لقينا احنا ناقصين ربي يصاح الحال
ماسف وحزن جداااااا

[wahibaazel]

اختي العزيزة كان الله في عونك ،اولا اكثري الاستغفار والدعاء وباذن الله تتغير الأمور الى الاحسن لكن عليك بالصبر ،اما عن والدتك لا تعنفيها وكلميها بأسلوب حسن حتى ترتاح لك مهما كان فهي أمك وباذن الله تبعك لكن ما تياسيش .وحاولي تتفهمي مع اختك لكن بالرفق داءما ،ما كان الرفق في شيء الا زانه وما كان العنف في شيء الا شانه .اما عن اخيك فاغلقي العين الحمرا وباذن الله يتنظم .ديري في بالك بلي حاجة ما جي بالساهل ومدام عندك اصرار للتغيير فعليك بالصبر .اعانك الله وحاولي ان تداري والدتك .

[مريم سلمى الجزائرية]

السلام عليكم و رحمته تعالى و بركاته:

المشاركة الأصلية كتبت بواسطة ناهدوران

هوهادي طورشو بليه وحطيه فوق الكويزينيار كيما تيحي تقلي ايجي الطشطاش انتاع الزيت فيها باه ماتتوسخش الكويزينيار

بارك الله فيك على الفكرة لكن يجب الحذر من انتقال النار إلي المنديل، لكن بعد التجربة وجدت أن أحسن حل إذا لم نقتنع بالآلة الخاصة بالقلي" la friteuse" من حيث الجانب الصحي ،فإن استعمال آنية ذات عمق كبير نوعا ما تنقص من حجم مشكل تطاير الزيوت .
وفقنا الله جميعا إلى ما يرضى.

[chez biba]

اختي مريم سلمى الجزائرية شكرا على المشاركة في الموضوع وما عليش نذكرو بعضنا البعض أصلا هاذ الموضوع حطيتو باش نفيدو ونستفادو وحبيت نبهك فقط انو الاخت ناهدوران قالت نبلوه وهذا راح يمنع الاحتراق
بارك الله فيك حبيبتي

[wahibaazel]

بارك الله فيكم اخواتي أفكار روعة ومفيدة ،أنا مرة رحت عند جارتي وكانت تقلي في البطاطا وَمِمَّا لفت انتباهي انها فرشت كرتون كبير ووضعت فوقه الطابونة وقلات البطاطا عجبتني الفكرة وقاتلي دائماً نخبي الكراتن للقليان .

[ام هاديل وياسين]

السلام عليكم
موضوع هايل حابة نطرح على الاخوات سؤال كي نحطو مفرش للثلاجة
هل هي طريقة صحيحة ام لا لخاطرش ديما نلقى بعض الاخوات مختالفين في راي وهذي حاجة تهمنا
ممكن كل اخت تقول لينا طريقتها الصحيحة انا عن نفسي نحط المفرش لتفادي الاوساخ

[مريم سلمى الجزائرية]

السلام عليكم و رحمته تعالى و بركاته:

المشاركة الأصلية كتبت بواسطة chez biba

اختي مريم سلمى الجزائرية شكرا على المشاركة في الموضوع وما عليش نذكرو بعضنا البعض أصلا هاذ الموضوع حطيتو باش نفيدو ونستفادو وحبيت نبهك فقط انو الاخت ناهدوران قالت نبلوه وهذا راح يمنع الاحتراق
بارك الله فيك حبيبتي

موضوع رائع أختي و يستاهل نشاركو فيه ، أما بالنسبه لتنبيهك فشكرا أيضا لكن راني انتبهت لواش قالت الأخت ربي يجازيها و يجازيك بكل خير، لكن باش نوضح رأيي أكثر :المنديل قريب من النار و على حساب مدة الطهي رايح المنديل ينشف بالتالي نبقاو ديما نعسو 2 حوايج - واش رانا نطيبو و المنديل- و كيما ذكرت لقيت أنو أحسن حاجة نقليو في "مرميطة" غامقة شوي و رايح إنقص علينا بزاف تعب .
مرحبا بأي وجهة نظر تفيدنا و تنقص التعب علينا.
وفقنا الله و إياكم إلى صالح الأعمال.

[أم تيم الله]

موضوع مميز تسلمي

[chez biba]

ربي يخليكم أخواتي وشكرا على المشاركة في موضوعي
اختي ام ادومة ويوتا تعيشي هذا من ذوقك وشكرا على الزيارة، حبيت توضحي اكثر بالنسبة للمغارف ولماس اللي تستعمليهم ولا اللي تخبيهم الإضافيين ؟

[فتـ حييةـاة]

موضوع رااااااااااااااائع يعطيكم الصحة وربي يهنيكم في دياركم حقيقة استفدت كثيرا ............

[دائمة الحمد]

صباح الخيرات لكل الفحلات محبات الكوزينة والنظافة
شكرا لكل من ساهمت بفكرة او تدبيرة
نهود افكارك هايلة تعيشي با فحلة
الاخت فيفي عزيزتي فعلا راكي في معاناة لانو من شب على شئ شاب عليه اخوتك ما تلوميهمش لانهم تربو اوتعودو اعلى الفوضى والا مبالاة
نعطيك نصيحة صغيرة حاولي تجربيها
طبقي معاهم اسلوب المكافاة يعني لي يرتب حاجة وما يوسخهاش طيبيلو حاجة يحبها او اشريلو هدية بسيطة حسب مقدورك او حتى نحي من مصروفك واعطيه مبلغ رمزي ولو بسيط كمكافاة على حسن التصرف بالشوي حتى يعودوا يحبوا النظام ويتعودوا عليه
اما امك يا عزيزتي فهي الام ما تقدري تعمليلها والو الا الدعاء في كل صلاة
والاشياء الي راي مقلقاتك حاولي كل مرة تتخلصي من حاجة تكون ما تستعملهاش واذاكان قدرتي اتصدقي بيها اذا كانت صالحة طبعا دون ما تحس وعلى فترات متباعدة باش ما تفيقش وربي يهدينا

[om yasmine]

موضوع رائع عجبتني l port papier hadik la poupé khdamtiha wala chritiha

[om assem et loudjain]

جميل ، بارك الله فيك أختي