بسبوسة بالكريمة روعةةةةةة

[اسمهان79]

السلام عليكم ورحمة الله وبركاته
احلى تحية لاحلى لمة في منتدى الجلفة
بسم الله وعلى بركة الله نبدى

***🌹بسبوسة بالكريمة روعةةةةةة🌹***






كتغير عن البسبوسة العادية
نحتاج 33 بيضات بحرارة الغرفة.. وكأس زيت ..كاس حليب ..تقريباً كاس سكر ..نصف كاس حليب الغبرة.. 1 خميرة ..1فاني ..1علبة ايورت طبيعي ...نخلط كلش مع بعض مليح




ثم نضيف الدقيق انا خذى مني 3 كؤوس ونصف ...وكل واحد والدقيق نتاعو ..خلطي مليح وخلي الخليط يرتاح مدة نصف ساعة ...لازم ترتاح لأنو راح جيك خفيفة ريشة ... ومن بعد فرغي في ليمول نتاعك اللي تكوني دهنتيهم بالزبدة ..ورشيتي عليهم الدقيق ...وطيبيهم حتى يحمارو من تحت ومن فوق





...بعد ما يطيبو نحيهم من ليمول واغطسيهم في الشربات ...تكون باردة ...واللي هي 2كيسان سكر و 3 كيسان ماء على النار حتى يغلي ثم أضيفي شوية ماء الزهر ولما يثقال طفي
وخليه تبرد ...من جيهة تكوني وجدتي لكريمة وهي نصف لتر حليب و2ونصف ملاعق كبار نشاء و نصف باطة نيسلي وملعقة صغيرة فاني و2 م ك حليب غبرة نخلط كلش على النار حتى يثقال نحي من على النار واستمري في الخلط ثم لوحي ملعقة صغيرة زبدة وحركي مليح حتى يرجع الخليط يبرق
...زيني بيه البسبوسة نتاعك... والله ...والله راااااائعة ...وبنتها هاااااااايلة
جربيها والله انا عن نفسي نحبها مووووووت لأنو بنتها خيااااااال الكريمة زادة فيها النصف

[حياة نور الدين]

بارك الله فيك وتحففففة وبما انه اول واحدة مرت خطفت الطبسي وهربت ههههه

[ام رضوان]

بارك الله فيك اختي اسمهان
ويعطيك الصحة
وصفاتك دائما في القمة
راح نجربها باذن الله لانو العايلة كامل يحبو البسبوسة
شكرا

[fleur de lili]

أحلي تقيم لأحلي شاف
صراحتا راكي وفيتي بوعدك في هذا رمضان وأفدتينا بوصفاتك
ربي خليك دائما منورة

[mumuh]

bonjour tout dabord je vous remercie pour la publication de la recette
,???svp quelle est la durée de l'ébullition du sirop

[ام فيفي]

مبدعة كعادتك .بارك الله فيك يا طيبة

[ام سرين]

يعطيك الصحة اختي جربت من وصفاتك شحال من وحدة والنتيجة روعة
بارك الله فيك

[Nadjla05589]

ماشاء الله يعطيك الف صحة

[feuilleblanche17]

روووعة بارك الله فيك

[السعادة قرار]

جميلة جدا يعطيك الصحة من فضلك اين اجد هاد المول العجيب الصغير و ما هوالثمن من فضلك مشكورة و صح رمضانك

[sabrina206]

يا عمري على فنانة النت و الله تفرحي الواحد بكل ما تقديمنه عزيزتي
ربي يفرحك و يجازيك و تستهلي كل خير

[الخامسية]

يا اسمهان ربي يخليك قوليلي واش هداك الشيء الي يشبه الدقيق ( ليس الحبات الفضية ( الموجود فوق الكريمة
الشكل جميل جدا و الفكرة اروع بوركت

[خادمة القران]

مبدعة كالعادة اسمهان مشكوووورة اذا عندك جديد قاطو لعيد حطينا فبل العيد وربي يجازيك

[liyo-manna]

mmmm ya3tik saha bayn yechahi

[moulmoul]

4444444444444444444444444444444444444444444