الصيف على الابواب ***بلوزة وفستان خفاف***للاحباب

[ام حمزة22]

[




السلام عليكم ورحمة الله تعالى وبركاته
باسم الله الرحمان الرحيم
اخواتي اليكم تفصيل وخياطت بلوزة وفستان بالتفصيل الممل من ا الى الياء
اليوم نقدملكم القياسات وغدا ان شاء الله لنا عودة

كيما وعدتكم نكمل الشرح وطريقة التفصيل
لهاد البلوزة عندنا 150 من قماش يسمى لولان روايال
وقماش الفستان 250 فيبران

نطوي القاش على 2 بحيث يكون الوجه للوجه بهاد الطريقة










في هاد المرحلة نفصل الظهر تكون عندنا 2 قطع ،الصدر عندنا 3 قطع وهما الصدر جانب الصدر وواجهة الصدر. ،وهاد 3قطع كل وحدة تحتوي على 2 قطع. ،و القطعة الاخيرة هي الرقبة نفصلها على 4




نخيط الاكمام والرقبة ثم نحددهم ونحطهم بجيه

والمرحلة التالية
نخيط جانب الصدر مع الصدر ونخيط البانس نتاع الظهر
ثم نخيط الضهر و الصدر من الجانبين والكتفين اي كتف الظهر مع كتف الصدر وجانب الصدر مع جانب الظهر
















[










حبيباتي هاد المراحل لي فاتو كلهم يبينو طريقة وضع الكول فوق الظهر والصدر يليها وضع واجهة الصدر فوق الكول


وهاد بعد ما خيطنا الكول و واجهة الامام وقلبناها









نعاود نقلب البلوزة ونشوف مع بعض طريقة تركيب الكم














. نورلكم طريقت وضع بونجة الكتف اي les epaulettes بالتفصيل ان شاء الله






بهاد الطريقة نغلف البونجات ويكون عندنا هاد التحفة من les epaulettes
فوق خياطة الكتف نحط les epaulettes بهاد الطريقة





هنا كي نحط البولات نحكمهم بالمساسك

فوق الكم نخيط بالبرا والخيط غرزة متبعدة فوق الخيتطة لي خيطناها بالمكنة

وباش ما يهربوناش من بلاستهم نحكموهم بالخيط والبرا بهاد الطريقة



وهاد المراحل كلها تبينلكم كيفاش نديرو لوغلي
وسمحولي ما نقدرش نشرح بزاف بالكتابة راني نخدم بالتابلات
وان شاء الله تفهموني بهاد الصور





والشريط لي ستعملناه باش ننخدمو لوغلي هو شريط الفيزلين نحط فتحت لوغلي ونجوز عليه بالمكوات يلسق بسهولة








بهاد المراحل كيفيت خياطة عين القفلة بالمكينة وكيفيت فتحها وان شاء الله نفيدكم بهاد المعلومة





[

باختصار وبدون تعليق هاده طريقة فصالت الفستان وخياطته ان شاء الله قدرت نوصل الفكرة












هاد الصورة تبينلكم طريقة وضع la fermeture invisible نبدا نخيط مالفوق ما نكملش الخياطة حتى اخر الخط


نخيط الجيهة الثانية ومانكملش لآخر الخط




وهنا في آخر الخطين نخرج la fermeture ونكمل الخياطة


وهنا كي نفينوها ونغلقوها
هاد المراحل نديروها كي نكملو خياطة la fermeture وهي البيي لي يجينا في الرقبة و دائرة اليدين نخيط البيي ندير شقات صغار في دائرة الرقبة ودائرة اليدين ونقلب البيي ونشدو بغرزة متباعدة






وهاد المراحل تبين الفينيسو نتاع البيي لي درناه في الرقبة واليدين ولوغلي نحدد او نكوي الخياطة







ان شاء الله نكون قدرت نوصللكم افكاري
والسلام عليكم ورحمة الله تعالى وبركاته