مشكل رخصة البناء

[salihastar]

اين انت يا اخر ملكة جاوبيني

[salihastar]

§§§§§§§§§§§§§§???????????????????????????????????, ,

[رجائي فيك]

[QUOTE=salihastar;3993286255]أنا يا أختي المحترمة لم أفهم لماذا قال لنا المهندس"منقدرش نديرلكم رخصة بناء" كيقلنالو حبينا نبنيو , هل صحيح كان ميقدرش؟ ولا كان يتهرب ومن ماذا؟ وكين نحب نرفع قضية نروح عند المحامي؟ لأنو أنا عندي عامين ملي شريتها و تحصلت على شهادة الحيازة لكن لم يطرأ أي تغير؟ ويوجد هناك مشكل أخر وهو أن خيط عمود الكهرباء يمر على قطعة الارض نتاعي كيقلنالو عليه قاللنا هذا عليا أنا أنا اللي نحيه؟ ممكن تفسريلي نوايا هذا المهندس؟ المهم هو قاللنا متقدروش تبنيو حتى نبيع جميع القطع الأرضية ويجيبولي الناس اللي شراو كامل شهادة الحيازة نتاعهم باه نكمل الاجراءات؟ أرجوك يا أختي فهميني مليح واش بغا هذا المهندس ؟ هل هو كان يكسب في الوقت باه يتهرب من المصاريف؟ العقار صعيب واحد باه يفهملو يا أختي وين نروح نزيد نسقسي ونتـأكد؟ بماذا تنصحيني هل أذهب عند محامي أو ماذا؟وكيفاه يسميو هذا المشكل اللي راني فيه ( التسمية القانونية)؟
السلام عليكم سمحيلي كان عندي ظروف خاصة
اختي سؤال نطرح ليك و جاوبيني
المهندس نهار باع ليكم الحاجو الاولى شفتو العقد العام للارض لكبيرة و لالا؟؟؟؟؟؟؟؟؟؟؟
المهندس خطيه رخصة البناء كان يدير رخصة التزئة و من بعد تهيئة و من بعد عقد بيع ليكم لي بيه ديروا انتم رخصة بناء
حلك ترفعي قضية عندك شهادة الحيازة بالاضافة الى وصولات التسديد يعني لخلصتم بيهم (ما تقوليليش اعطيتوه دراهم في ايده)
سمحيلي انا في العمل انتاعي فاتوا على قضايا احتيال يعني ايجي مرقي يقول للناس عندي ارض و لي حب يشري و من بعد يدي الداهم و يطير و الارض تطلع ماهيش ليه
لازمك تحركي درك الاهم فالمهم الاهم عندك تاخذي عقد ارضك من بعد حوسي تبني و لا اضعف الايمان ترجعي دراهمك
اذا حبيتي تسولي على ملكية الارض لكبيرة ( اذا راجعة للمهندس و لالا) شوفي مديرية املاك الدولة و لا المحافظة العقارية تابعة ليها
كي تروحي المحامي هو لي راح يعرف واش من اطار يحط قصيتك فيه

[salihastar]

ماشفناش العقد العام للارض

[salihastar]

لالا عندنا وصولات التسديد و عندنا شهادة الحيازة

[salihastar]

انا مافهمتش علاه يكذب علينا هذا المهندس و علاه محبش يديرلنا العقود بسرعة؟ هل هذا لانه يتهرب من المصاريف تاع التهيئة؟؟؟؟ وماهو الفرق بين شهادة الحيازة و العقد؟؟

[رجائي فيك]

شوفي ما حبش يدير العقد اما:
1- الارض ماشي نتاعو
2- الارض نتاعو ما حبش يدير رخصة التجزئة و التهيئة خوفا من مصاريف
3-الارض نتاعو و راه يبيعليكم و للغير زوج بيعات احتيال يعني
العقد واحد ما يقدر يهدر معاك يعني عنده قيمة و قوة بيه تبني تبيعي ترهني الخ........................و يعطيك ما يسمى عند مسح الاراضي ترقيم نهائي يعني العقار ملكك
شهادة الحيازة لو كان يجي واحد عنده عقد و لا عنده شهادة حيازة اخرى يعترض عليك و يدخلك متاهه كبيرة و نهار يفوت المسح راح تعطيك ترقيم مؤقت يعني راك تحوز العقار فقط و كي تمر مدة الترقيم مؤقت يرجع ترقيم نهائي

[salihastar]

المشاركة الأصلية كتبت بواسطة اخر ملكة

شوفي ما حبش يدير العقد اما:
1- الارض ماشي نتاعو
2- الارض نتاعو ما حبش يدير رخصة التجزئة و التهيئة خوفا من مصاريف
3-الارض نتاعو و راه يبيعليكم و للغير زوج بيعات احتيال يعني
العقد واحد ما يقدر يهدر معاك يعني عنده قيمة و قوة بيه تبني تبيعي ترهني الخ........................و يعطيك ما يسمى عند مسح الاراضي ترقيم نهائي يعني العقار ملكك
شهادة الحيازة لو كان يجي واحد عنده عقد و لا عنده شهادة حيازة اخرى يعترض عليك و يدخلك متاهه كبيرة و نهار يفوت المسح راح تعطيك ترقيم مؤقت يعني راك تحوز العقار فقط و كي تمر مدة الترقيم مؤقت يرجع ترقيم نهائي

و الله يا أختي العقار اللي يفهملو صعيب, أنا سمعت باللي الارض ماهيش تاعو راني متأكدة نتاع شخص أخر وهو يبيعلو فيها بصح في شهادة الحيازة كاتبين باللي تاعو هو اللي باعلنا مافهمتش كيفاه دار

[salihastar]

??????????????????

[رجائي فيك]

شهادة الحيازة هي عقد تصريحي فقط معندهش قوة الملكية لي في العقد
مادام سمعت بهذ الشيء الواجب عليك تتحركي

[salihastar]

ياأختي العزيزة ما رأيك محامي آخر قالي ندير طلب استخراج دفتر عقاري؟؟ و الله ياأختي كل واحد كيفاه يقولي

[salihastar]

§§§§§§§§§§????????????????????????,

[salihastar]

ياأختي هل أستطيع البناء و الحصول على رخصة البناء لانه واحد جاري شرا معايا بدا يبني ؟؟؟ وهل هذا يخلق مشاكل؟؟؟؟

[salihastar]

??????????????????

[salihastar]

ya okhti habit nabni mala roht lelbaladiya saksit ala lmati9a li chrit fiha 9aloli beli maymadolich rokhsat albina li ano hadi manti9a filahiya mahic dakhla fi pdau. arjoukom hal honak hal bah nabni