دورة خطواتي الواثقة لأصبح ربّة بيت متألّقة

[جهينة اليقين]

لالا يا اسيل ماذا بيك تحطي الوصفات هنا كاين الي رصيدهم ما يكفيش واي تفاصيل زيادة نقولوها فالدردشة

[جهينة اليقين]

حبيبتي ام هارون بالعقل عليك الشغل ما يخلاصش اليوم نضت درت الواجب الديني طيبت القهوة ودرت الماشينة تدور بدلت غطاء السرير والمخايد وغسلتهم وسيقت الكوزينة نظفت الحمام نتظيف عميق وسيقت الدروج ثم خرجت درت الفاكسا تاع لا قريب ورجعت طيبت الفطور حتى العشرة والنصف كملت خياطة جبة ثم فطرنا وصليت واتكيت وراني معاكم شوي ثم الى الخياطة حتى للعصر

[ام صفصف]

[B][COLOR="DarkOrchid"][FONT="Comic Sans MS"][SIZE="4"]جبتلكم باش تتقهواو، استغليت الفرصة لاني مع بنتي وقلت نطل عليكم

[omelbanin]

السلام عليكم، يا أم صفصف جبتيلي القهوة في وقتها راسي راح يترتق، وزيد قلت نراجع شوية مع الأولاد، هارون عطيتلو يحفظ سورة الليل، صرعني ما قدرش يحفظها
وعلى أقتراحك والله غير ما ذابيا كون غير توافق أم تغاريد، سورتو الجانب الاسري، رانا كامل محتاجين لي يوجهنا.

[ام صفصف]

ام هارون ديري السورة فالتابلات من اليوتوب، ومديلو يعاود معاه
راي تعاون بزاف
blob:https://www.youtube.com/e3c88cf...9-eeb41fca5dbf

[الوردة الندى]

:dj_17[SIZE="7"قد عدت والعود احمد فهل من مرحبة[/SIZE]

[أم فاطيمة]

مساء الخير نساوين كل ما ندير بروقرام ما نمشيش عليه صباح قلت نغسل ثلاجة خملت جيهة نتاع لبوتاجي و لقجورة
مسحتهم وفرزت لي ما نستحقهش ولي عندي دوبل طلعته فوق وحد ديبارة ما نستحقهاش و درت
كرانتيكة للفطور جاو لولاد فطرنا وغسلت لماعين و بنتي سيقت
و عمرنا لبوات نتاع المكسرات لي قلتلكم عليهم لعرس خويا راه كلش يسطر ليا و بلاك عشية نغسل الثلاجة على خاطرش
عندنا ليوم نجيبو لخضرة و الفواكه من سوق اذا كتب ربي

[أم فاطيمة]

ام صفصف شكرا على القهوة و لبراج شهيتيني
اسيل شكرا على الوصفة اول مرة نشوفها
امل ربي يخليك انا جربت اريال و نفس النتيجة وضرك راني نغسل تاست بالمعطر ريحته تهبل
كي تغسلي بصح غي تنشري تروح

[ام مريم الجزائرية]

نضت على 6ونص دالتي تنظيف البيت
خملت الصالون مليييييييييح وسيقتو وغلقتو
وخملت الشمبرة تاع القعاد وسيقتها وغلقتها وسيقت الكولوار والهول لاجا ضيف على غفلة تكون نظيفة
طلعت لغرفة البنات طويت الفراش ولميت الملابس على جهة مازال ماطويتهاش وسيقتها وغرفة الوالدين نظفتها امي رحت للحمام والمرحاض اكرمكم الله نظفتهم لحقت 12 وانا دخت لاني سهرت مع اخي امس حتى 1تاع الصباح ما حبش يرقد وامي تعبت منه قيلت بلا غدا ههه هذا وين نضت ستقهويت وجيت نطل عليكم
نسيت نقولكم اختي اللي بعدي قررت تنظم ليكم الى ترحبوا بها؟

[حياتي كلها امل]

السلام عليكم اهلا ورد الندى واهلا بك مريم واختك

[أريج13]

السلام عليكن يا فراشات يا نشيطات .......
اليوم استيقظت على 06:00 الجانب الديني العذر الشرعي
نظفت الحمام ثم اهتميت بنفسي قليلا من غير ماكياج ،،،،،و بعدها وجدت الفطور و نوظت اولادي عاونت الاوسط في لبسو ثم لبست ابني الاصغر يمشي عند المراة اللي تشدو
ولما افطرنا خرج كل واحد الى وجهته
اليوم ماخدمتش في المساء ،بعد الغذاء غسلت الاواني و نظفت البلاكارات اللي تحت البوطاجي و غسلت كل ماكان فيهم .....و حكيت النافذة و نظفت الزجاج.ثم طيبت مبسسة تقهوينا بيها درت العشاء يطيب .......الان راح نراجع مع اولادي و يبقالي فقط ماعن العشاء و تنظيف الحوض

[أريج13]

المشاركة الأصلية كتبت بواسطة ~اسيل ريحانتي~

وصفة الكريات الفوارة للاستحمام

المقادير نحتاج

كاس بكربونات الصوديوم

نصف كاس ملح الليمون

نصف كاس نشاء

ورد مجفف يباع عند العشاب

زيت عطري قد ملعقة كبيرة مثلا زيت الورد او زيت خزامى او زيت ليمون او زيت جوز الهند

قوالب سيليكون

ماء لجمع المكونات

شكرا لك اسيل ،،، هذه اول مرة نسمع بهذه الكرات و راح نجربها باذن الله

[~اسيل ريحانتي~]

مساء الخيرات فراشات ان شاء الله تكون عجبتكم الوصفة تاع الاستحمام ههههوجهينة وام صفصف طلباتكم اوامر باه ماتزعفوش مني قررت نحط وصفات هنا ونتناقشو عليهم في قسم الدردشة باذن الله ولا حبيتو تزيدو تستفسرو على الكريات الفوارة روحو لgoogle كتبو طريقة صنعها كل واحد وكيف يخدمها

الله يبارك فراشات راكم شاطرات يعطيكم الصحة بدون استثناء

[غزالة1]

السلام عليكم
شكرا اسيل على الوصفة في الحقيقة سمعت بها من قبل في الانترنت لكن لما لقيت البيكاربونات كمية كبيرة عجزت عليها
عندي سؤال هل يباع البيكاربونات بالميزان لانو الكمية لازملها 20علبة من من التي تباع عند دكاكين المواد الغذائية

[غزالة1]

اليوم قمت بالاعمال اليومية و زدت عليها شيء صغييييير من المطبخ قلت المهم انو لا اترك التنظيف العميق يعني حاجة صغيرة خير من والو
احس بالتعب لذا راح نقولكم ليلة سعيدة و غدا بداية جديدة ملؤها الامل سلام