هـــنــــا تــــقــــاريــــو يا les jeunes filles

[ورود الشتاء]

السلآم عليكم ورحمة الله تعالى وبركاته

واش راك حبابي وحباباتي آنتيك؟
عندي بزاف ماكتبش موضوع سيريو
راح نحكيلكم باختصار شديد مانحبش ندخل ونخرج في الكلام


قالك هادي وحدة تزوجت 15 سنة دارت الفيونصاي وكلات الباتيسري هههه ونهار العرس فرحت كي جاوها وبكات كي داوها دارو طيط طيط ههه وزغرتو ...وتوسو ليمات العريس
وخلاص العرس وكل واحد راح في حالو

قالك فات وقت وجا وقت وولات تتوحم الهانم (نسيت باش نقولكم قبل ماتتزوج كانت تمشي مع واحد وبقات علاقتها ماشية بعد العرس معاه)
خطرة سمعها تحكي في البورطابل دخل للاشومبر السيد ماولاش يشوووف دخل عليها على غفلة الطفلة جمدت ونصدمت حكم البورطابل لقاها تحكي مع راجل جبدلها لسانها شكون هادا ووين عرفتيه قالت كنت نمشي معاه عشات مطلقة وهي تتوحم + مرمية في دار بابا للتميزير بعد ماكانت في العز والدلال كيما تقول يماها ههه انا هنا مخي يحبس واش من عز وواش من دلال؟؟؟ واش داك تزوجيها مولات 15 سنة داخلة في سن المراهقة السوفاجة ههه على فكرة الطفلة هادي خلاطة ماتحكمش بلاصة الماكياج والتبياش...الخ
تعرف بنتها ماشي مليحة ماتزوجهاش حتى ترتب شوية وتفرح بيها
دوك عندها 17 سنة وراهي بطفل يسمى راهي قدي يا ديني انا نتمهبل وحاطة روحي كلي 5 سنين وهي مطلقة و تربي؟
شكون يقبل بيها دوك؟

المهم حبيت نقول علاش يزوجو بناتهم ويطبعوهم وهوما 15 16 17 سنة مراهقين مهنا حالة
واش يتوقعو منهم رجالهم كل شي بيسك العقل مازال مارتبش

يا لبنات الله يستركم نحو فكرة الزواج من بالكم ونتوما صغال لي تفوت 21 سنة تفتح الباب للخطابة وتخطط على روحها للزواج اوموان تكون قد المسؤولية وتعرف كيفاش تتصرف

حتى نتوما يا ليجان

ديرو في بالكم لي كل واحد في هاد الدنيا عندو مكتوبو ومهما طول ولا قصر يصرالو غير واش كتبلو ربي وهو مايقدر يبدل حتى شي في حياتو

آلور عيشو حياتكم على كيفكم ولي يجيه ولا يجيها مكتوبها كلشي مبروك و مزيان السعد

ونشالله ببنات و ولاد لحلال يرزقكم ربي
قولو آمين

كاينة حاجة قبل مانخرج لازم لي يقرى الموضوع يرد عليه مانحبش تشوفو وتسكيvو لازم كامل تردو باش نعرف آسكو تحبوني ولا غير خرطي ههه

اتهلاو في رواحكم
و

[ورود الشتاء]

وينكم اصدقائى

[فتـ حييةـاة]

راكي غالطة اختي كاين اللي عندها 15 عام وعقلها تاع مرا وكاين الللي عندها 40 عام لوكان تجمعي معاها تقولي لوكان غير رحت تفرجت tom end jerry خير

[kaderkader1541]

يا اختي هاته الفتاة ليست مراهقة هي امراة لا تخاااااف الله هي امراة خااائنة و تستاهل واش صرى فيها و اكثر ,,,,,,,,, و انا عن نفسي ان شاء الله نديها صغيرة و بنت عائلة محترمة و تعرفها عيني مليييييييييييح قبل خطبتها و نزيد نقولك حاجة تاخير الزواج للفتاة يسبب العنوسة و يسبب الكثير من المساوئ و تبدأ الفتاة في البحث عن العلاقات غير الشرعية و الا كيف تفسرين الامهات العازبات

[dotZero]

المشاركة الأصلية كتبت بواسطة kaderkader1541

يا اختي هاته الفتاة ليست مراهقة هي امراة لا تخاااااف الله هي امراة خااائنة و تستاهل واش صرى فيها و اكثر ,,,,,,,,, و انا عن نفسي ان شاء الله نديها صغيرة و بنت عائلة محترمة و تعرفها عيني مليييييييييييح قبل خطبتها و نزيد نقولك حاجة تاخير الزواج للفتاة يسبب العنوسة و يسبب الكثير من المساوئ و تبدأ الفتاة في البحث عن العلاقات غير الشرعية و الا كيف تفسرين الامهات العازبات

أوافقك في كل شيء إلا في العمر
كتب ربي و تخلف المكتوب mais منديهاش صغيرة، نديها قريبة ليا في العمر
و بزواج ولا وبلازواج، الخاينة تبقى خاينة، صغيرة ولا كبيرة، مزوجة ولا عانس، كيف كيف

[- بصمة خير -]

ربي يستر

الخاينة خاينة صغبرة و الا كبيرة

و الخاين خاين

ربي يوفق و صلو عليه

[ليلى الجزائرية1]

والله أختي يعطيك الصحة على الموضوع،،وكان من الاحسن لو حطيتيه في المنتدى نتاع المواضيع العامة باه كل الناس ....والقصة هاذي تشبه ياسر لقصة صرات في جهتنا مؤخرا،،لكن الطلاق تم بدون حمل والحمد لله.
الله يسترنا ويستر بنات الجزائر الكل.

[محمد جديدي التبسي]

بارك الله فيك أختي الفاضلة

العمر لا يحدد شيئا لكن يجب التأكد جيدا والبحث في عقلية الفتاة التي تنوي خطبتها ومن ثم تقدم على الزواج وإلا لا

شكرا على الموضوع

[أبو أنس المسيلي]

الاساس الظفر بذات الدين

[ويبقى الأمل]

السلام عليكم
شكرا على الموضوع أختي لكن استغربت انك تحكي في قصة أليمة وواقع مر بأسلوب فكاهة ومرح وكأنك تحكي في قصة لطفل يريد النوم؟؟؟؟؟؟؟؟؟؟؟؟؟؟؟؟؟؟
على العموم البنت في سن 15 أكيد في سن حرجة مراهقة والعاطفة تسيرها، بمعنى لم يكتمل نموها العقلي ولا حتى الجسدي فكيف لها بتحمل مسؤوليات الزواج ؟
ستقولون أجدادنا كانوا يتزوجون في سن جد مبكرة عن 15 سنة ؟ أجيبكم بأن أجدادنا رجال ونساء حقا، شربوا من كأس الجوع والفقر والحرمان فكانوا نعم الرجل ونعم المرأة ،صغيرهم يعول كبيرهم ويجلب قوت أهله وهو ابن 5 سنين وهو حافي لا يستره غير ثوب بال ، والكل راض على ماقسمه الله له ولأهله.
ليس كشباب اليوم من يتسابق لاقتناء آخر لباس موضة في السوق وآخر علامة لجوال نزل السوق ويأخذ ماله بالقوة من أبيه لأنه يريد أن يتبع الموضة ويكون شابا راقيا؟؟؟؟
بالله عليكم هذا تزوجو؟ أنا نقولك ربيه يكون مسؤول وخليه يزوج روحو بنفسو حين يكون قادرا على الزواج.
والبنات ايضا نفس الشيء ، على الأم والأب بالتربية الصالحة لبناتهم وانشائهم على الطاعة والأخلاق الكريمة حتى تكن قادرات على فتح بيت وطاعة الزوج وتربية الاولاد.
وليس تزوج البنت وفقط .

[younes8509]

الخيانة اصبحت عادية في زماننا هذا
الله يستر

[اللؤلؤة النادرة]

المشاركة الأصلية كتبت بواسطة kaderkader1541

يا اختي هاته الفتاة ليست مراهقة هي امراة لا تخاااااف الله هي امراة خااائنة و تستاهل واش صرى فيها و اكثر ,,,,,,,,, و انا عن نفسي ان شاء الله نديها صغيرة و بنت عائلة محترمة و تعرفها عيني مليييييييييييح قبل خطبتها و نزيد نقولك حاجة تاخير الزواج للفتاة يسبب العنوسة و يسبب الكثير من المساوئ و تبدأ الفتاة في البحث عن العلاقات غير الشرعية و الا كيف تفسرين الامهات العازبات

لا تقولوا على من حملت بطريقة غيرشرعية أنهم أمهات عازبات انهم زانيات .لقد تغيراللفظ فهان الجرم وقدأخبرنا صلى الله عليهم أنه يأتي زمن
تسمى الأشياء بغير مسمياتها و الحديث قياس
هم يسمون العراء وقلة الأدب و الزنا إغراء يسمون الرشوة ""قهوة""يسمون والمظاهر كثيرة ................المسلم المتدين أخي أصبح "معقد"
هذه كارثة ومن بين الأشياء التي جعلت العديدين يبتعدون عن دينهم وينسلخوا من قشرتهم ليبدلوها بأشياء ما أنزل الله بها من سلطان وليس لنا إلا أن نقول
لاحول ولا قوة إلا بالله وربي يرزقك ببنت الحلال سواء كانت صغيرة أوكبيرة فهم نادرات في هذاالزمن

[achwak.1993]

موضوع حساس فعلا
شخصيا نعرف بزاف اللي مخطوبين في هذا العمر
ربي يهديهم

[ورود الشتاء]

اطلبو ربى يهدى الولدين لى يزوجو بناتهم قبل الوقت خوفا من العنوسة و ماذا يكون مصير الفتاة ؟؟؟؟؟؟؟؟؟؟

[العائدة الى الله]

عزيزتي ارجوا ان تكبري الخط قليلا