|
منتدى البرمجة كل ما يتعلق بلغات البرمجة، فيجوال بيسيك , سي ++ , دلفي , أكسيس , جافا , هتمل... |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
|
أدوات الموضوع | انواع عرض الموضوع |
2022-03-09, 14:47 | رقم المشاركة : 1 | ||||
|
شرح فلاتر flutter
هم جدا ⚠️ #ultrasdzcoder
تجمعية تتبيث فلاتر flutter ✅ كيما موالف نقول انو فلاتر من بين اصعب الامور لي فيه هي تتبيثو في الجهاز 💔 ✅ قبل هذي واش هو اطار العمل فلاتر FLUTTER 🤨 هو قبل كل شيء SDK من شركة جوجل تقدر بيه تعمل بكود واحد كروس بلات فورم😍 (اي تطبيق اند رويد وايواس ، تطبيق ويب ، برنامج دسكتوب على الويندوز و الماك ولينكس ، أنظمة مضمنة ...الخ) 😻. ✅واش هي لغة الخاص بيه لغة البرمجة دارت dart ، وهي لغة كائنية التوجه / لغة برمجة غير تزامنية 😲 asynchronous وشبيها جدا ب جافا سكريبت / جافا / سي بلاس بلاس وهي اول خطة لتعلم فلاتر . ✅واش يميزو ؟ 1.سهل التعلم ✅ 2.الكتابة الشجرية ✅ 3.دوكومنتيشن غزير جدا ✅ 4.مصادر كثير جدا لتعلمها ✅ 5.امكانية عمل Ui او واجهة جميلة جدا✅ 6.يتناسب مع محركات الألعاب ✅ 7.يتناسب مع قواعد البينات سرتو فايربيز ✅ 8. امكانية عمل تطبيقات سريعة وتقريبا اصلية (ناتيف) ✅ 9.ماكيفيش نستعرض مميزاتو في هذا المنشور حوس على الباقي ✅ ❌خرافات وامور ماتحوسش عليهوم ❌ ⭕️.شكون الافضل فلاتر او رياكت ناتيف او زامارين او ايونيك ماكاش الافضل راك ضيع في وقتك😓 ، شوف حاجة واتعلمها خير ⭕️فلاتر ماشي ناتيف 🥱 كيما جافا/كوتلن / سويفت ...الخ تسما ماننصحش بيها اه تبا ، ديما كاين عيباد كيما هكا 😑، انتقاد ماعندوش محل من الصواب ، جووجل مخسرة ملايين دولارات 🤑 والمجهودات وغيرها ويجي مبرمج ماعندوش 3 سنين 👨🦲 يقول عليها وعلى اي تقنية بلي فاشلة 👎 ، هذي فقط تقنية كيما اي تقنية كانت الامر يعتمد فقط على المبرمج نفسو ماشي عليها ، لذا فلتكن مهني احترافي ⭕️تسحق تتعلم قبل ناتيف باش تتعمل فلاتر؟ 🤒 وللاسف هذي اجوبة البعض ، يعني اقعد كاش 3 سنين مع جافا/كوتلن وزيد اتعلم سويفت او ابجت سي ومباعد روح لدارت مع فلاتر ، تسما تخلاص عليك مطور فلاتر في سنة 2100 ههه 👴 ⭕️لازم تعلم Ui/UX قبل ماتعلم فلاتر ؟🙆♂️ ماشي لازم انت مفروض عليك تحول ui/ux الى تكويد ماشي لازم تتدخل مجال اخر ، بصح مليح تكون اساسايتهم باش تفهم امكانية تحويل من ديزاين الى كود💪 ، وللعلم حتى ui/ux ديزاينر لازم يكون فاهم تاني في امور البرمجة باش مايخدمش ديزاين مستحيل ⭕️ماكاش محتوى في فلاتر او كي راهو جديد ماراحش تلقا الدعم ؟ 😵 ار يو كرايزي ،نمرض كي نسمع هذا الشي 🤢 ، يا صاحبي عندك مشكل في عينيك ، ابسط شيئ متواجد ف فلاتر هو قناة يويتيوب رسمية 💻 تشرحلك الادوات بشكل ماتتخيلوش في حياتك ، خلينا من المحتويات الغربية والعربية لي كل يوم راهي تتطور اكثر فاكثر💣 ، فري كود كامب دارتلك كورس في يوم و 13 ساعة من فيديو واحد روح عاود حساباتك ⏱ ✅واش يلزملها ؟ ✅يكون عندك بيسي يفضل يكون رام 8 جيغا (اندرويد ستوديو مايرحمش ههه) ✅ وبروسيسور مايهعمش مادامو من عائلة i من جيل 3 وطلع او مايعادله في AMD ✅ الديسك دور تخدم عادي ب HDD بصح للتجربة الفضلى مليح يكون SSD مايهمش السعة مادام راح يفوت 100 جيغا ✅ كارت جرافيك من 2 جيغا وطلع سرتو مع محاكي وتظل هذي امور تقنية ✅ بالنسبة للأجهزة الضعيفة كاين موقع خاص بفلاتر يسموه ⭐flutterlab⭐ فيه امكانية تع تخدم بفلاتر اون لاين تسحق فقط انترنت والكثير من الصبر ✅ ✅بالنسبة للهواتف : للاسف حاجة صعيبة😥 وماشي ملائم تقدر تخدم بفلاتر لاب بصح حسب راي تاعي انو مايلائمش ✅ افضل شيئ هو حاسوب بنظام ماك خطاش تقدر تنتج بيه تطبيقات اندرويد وايواس بشكل عادي⚙ ، الويندوز ينتج فقط اندرويد ماعندوش السلطة باش يخدم تطبيقات IOS ✅في المحاكات واش نستخدمو : ✅ تطوير التطبيقات : اميلاتور مدمج مع ide كيما اندرويد ستوديو او غير مدمج كيما نوكس بلايير ، لدي بلايير ، بوكس ماعلاباليش اسمو ههه ، او تستعمل هاتف ديالك كي تربطو مع حاسوب ✅ تطوير الويب : تستعمل متصفح كروم او ايدج ✅ تطوير تطبيقات سطح المكتب : تحتاج في ويندوز فيجوال ستوديو باش طلع ويندوز اس دي كي ، وماك ماعلاباليش ✅واش من برامج نقدر نستعملها في استعمال فلاتر عندك vs code هو الاسهل والافضل للاجهزة الضعيفة والمتوسطة بصح الافضل ديما هو اندرويد ستوديو ، اكس كود ، انتليج ايديا هذو كا مل مخصصين لفلاتر ✅ واش تستعمل مع فلاتر فلاتر لعمل الواجهات تليق في الفرونت اند اما الباك اند تقدر تستعمل لوكال ستوريج او سيكوال لايت او فاير بيز او Rest Api مع اي قاعدة بينات او لغة برمجة كانت ✅ تتبيث فلاتر على جهازك (يرحم باباكم ماتسقسونيش على مشاكل التتيث انا نتبرا منها كامل ) توثيق فلاتر : https://docs.flutter.dev/get-started/install تتبيث بالعربية https://www.youtube.com/watch?v=9Oblo1ZLY1I https://www.youtube.com/watch?v=-hu87KQJA-Q https://www.youtube.com/watch?v=tun0HUHaDuE... https://www.youtube.com/watch?v=9xfRTp6tN5E... https://www.youtube.com/watch?v=JIwx-u_okyQ https://www.youtube.com/watch?v=61nNzWcf5Cc https://www.youtube.com/watch?v=mV-wnuqDT7M بالانجليزي https://www.youtube.com/watch?v=fDnqXmLSqtg&t=207s https://www.youtube.com/watch?v=tun0HUHaDuE https://www.youtube.com/watch?v=ly0hAtV7EBg https://www.youtube.com/watch?v=lkUj76YSMhQ ✅ انتظرو دورتنا في فلاتر باذن الله 🔥🧡🥰
|
||||
الكلمات الدلالية (Tags) |
البرمجة في الجزائر |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc