لا لليأس.....بعد فشلي في التطبيق...... قريوش أم أماني ..خلف صبيان و بنات هههههههه

أنا أمهم · 2013-02-21, 09:07

السلام عليكم و رحمة الله و بركاته
بسم الله

ملاحظة : كتبت هذا الموضوع ليس نقدا لوصفة أم أماني بالعكس أشجعكم على تطبيقها!!!!!!!! فقط هنا أردت أن أريكم تصرفي في فشلي (الذي أتحمل مسؤوليته!!!!!)

نحب نشكر أم أماني على الوصفة الهايلة شكلا و مذاقا , و ننصحكم تجربوها , هذا الرابط :
https://www.djelfa.info/vb/showthread.php?t=1210378

بصراحة العجينة كانت هايلة و سهلة التشكيل و ريحتها تهبل , لكن العيب كان مني : عينيا حوالت (إحولت) و انا نقص في الخطوط هههههههههههه و أصبت بإحباط و كان لازم نخرج لظرف طارئ , حطيت حبات القريوش اللي نجحوا و العجينة اللي بقات في الثلاجة

و بعد يوم من إحساس الإحباط من الفشل (الله لا يوريهولكم ) قررت إني نلتجا لشكل آخر أسهل حتى لا أخسر العجينة (نعمة ربي) : الشكل كان لوصفة السبولة (كنت شفته سابقا في منتدى مغربي)

هذه حبات القريوش هههههههه تشبه لشكل الأصلي : (كيما قلتلكم كانت في الثلاجة لذلك عندها نقص تغذية هههههه):

و هنا العايلة كاملة : جد و جدة و الأب و الأم هههههههههه و الصغيرات :

الصبيان

:

و البنات

:

أؤكد لكم أن الطعم كان رووووووووووووووووووووووعة, و حتى الشكل برغم الفشل و التغييرات الإضطرارية

أعجب الجميع

.

جازاك الله كل خير يا أم أماني

فقط سؤالي ليك أم أماني : المكينة اللي عندي كانت مرقمة من 1 إلى 9 و أنا حليت العجينة برقم 8, كانت رقييييييييقة هل هذا السبب يأثر في صعوبة التشكيل ؟؟؟

و يظهرلي كان عندي خطأ في قص الخطوط, كان لازم نخلي 1 صم من الجانبين, لكني خليت مسافات صغيرة, لذلك كانت تتقطع من الجوانب في التشكيل. لذلك إنتبهوا !!!!!

zhor1970 · 2013-02-21, 09:18

مبروووووووووووووك حبيبتي انا امهم للي زاد عندكم والي الامام

والقريووووووووووووووووووووش راه ايهبل حتي لوليدات ما شاء الله

مرام 1987 · 2013-02-21, 09:20

Khrajlak raw3a bsahtak w najah f bana machi f chakl
Baraka laho fiki

OU SS AMA · 2013-02-21, 09:23

الله يبارك يعطيك الصحة علاه والله عجبوني ههههههههه

ryma la cool · 2013-02-21, 09:35

والله راه يبان هايللل يعطيك الصحه

لمسة حنية · 2013-02-21, 09:59

روووووووووعة انا امهم المهم ابدعتي
انا درته ونجحلي في دار قالو زيدي اعمليه ههههههههههه
راني غير نعمل هبلوني راهو راايع حتى تاعك ماشاء الله عليك فحله

أم محمد تاج · 2013-02-21, 10:20

الله يبارك حبيبتي أنا أمهم خرجلك روعة المهم ماطيشتيش العجينة وأبدعتي فيها ورانا نستناو في الزرييييير على المزيودين الجدد عندكم هههههههههه

ماريا205 · 2013-02-21, 10:42

يترباو في عزكم انا امهم ههههههههه
يعطيك الصحة

fafi05 · 2013-02-21, 10:55

ما شاء الله تطبيق موفق يعطيك الصحة

إلهام07 · 2013-02-21, 11:00

هههههه ، هاذي عايلة هايلة ، هههه ، المهم كي جا بنين و ما رميتيهش و يعطيك الصحة على الشجاعة ، أنا كون حاجة تفسدلي ما نصورها ما نوريها للناس و 2 يومين وأنا هكذا

ام امين 39 · 2013-02-21, 11:12

لاباس عليه ما يخصه وااااااااااااااااااااالو

ام ساجد · 2013-02-21, 11:55

اسلوبك رووووعة في الاداء ههههه نقصد في الكتابة
والقراوش ملاح يعطيك الصحة

Oum Aness Bba · 2013-02-21, 12:51

يهبببببل و رائع بروعة روح صاحبتة اللي بلا ما تشوفيها تحبيها تدخل للقلب على طووووووول .. يعطيك الصحة و رب يبارك فيك و في أم اماني 77 على إبداعاتها

feuilleblanche17 · 2013-02-21, 13:11

لا للياس يا حبيبتي على الاقل انت عندك الشجاعة حطيتي تطبيقك
انا ثاني طبقتو و فشلت و كيما قلتي العجينة كانت تهبل .على ما اظن الخلل كان في ترقيق العجينة كانت رقيقة بزاف لدرجة انك كي تولي طبقي فيها يولو الطبقات يتناثرو ههههههههههه

الأمنيات · 2013-02-21, 13:29

تبارك الله عليك اختي انا امهم راكي حطيتي كل العايلة وعلاش ما تصورتيش معاهم ههههههههههههههههههه
امزح حبيبتي المهم خرج لك وجربتيه
انا جربته وخرج لي مازال ما حطيته