◄☺عاجل بخصوص القوات الجوية 19 سيبتمبر ☺►

[nori madrid]

السلا عليكم و صحا عيدكم

تحصلت هذا العام على بكالوريا بمعدل 14.60 شعبة علوم تجريبية وقمت بالتسجيل في الجيش الوطني تخخص طيران

إتصلوا بي المرة الثانية لكي أجتاز الفحص و أدخل مباشرة

و الله خوتي راني محتار لنروح و لا لا هذي سيمانة و انا لي نلقاه نسقسيه معظمهم قالولي متروحش و صعيبة بزاف و تخصصتها جد صعبة

كانت عندي رغبة كبيرة في الإنخراط لكن بعد سماعي لكلامهم شعرت قليلا انهم على حق خاصة بخصوص أن حياتي ستقيد و لن تكون حرا

ربي يحفظكم نصوحني واش ندير إلا نروح و لا لا فهموني غايا و إن شاء الله ربي يفرحكم كيما تعاونوني

راكم آخر واحد نستشيره قبل الموعد 19 سيبتمبر

سلام

[nori madrid]

لي عنده معلومات و لا فكرة ميبخلش عليا الله يستركم

[kenane hamza]

ro7 ... khatar ddaya3 wa9tak fel jami3a w f la fin matal9ach khadma w tandam ..donc ro7 w rabi m3"k

[javier nathaniel]

روح اخويا غير روح رانا تخرجنا من لجامعات بالماستر و نحوسوا على خدمة وتخطيك المعريفة لا تخدم روح تقيد حياتك و السلام
مدامك عايش في دزاير حياتك مقيدة مقيدة سوا سيفيل او نظام واحد مايكذب عليك روح تسترزق على روحك تتعب وتقرى و في الاخير راح تستفاد

[kheirou 23]

Ana kifek a khouya dit bac b 14,59 mai wahad mansa7ni bl3askr.roht krit fl jami3a ,3andi master architecture
Sada9ni ghir g3adet 3mois kraht hyati khassatan lwade3 al7ali ta3 lbled aw anssa kan tekhdem fecivil apar khedma tayachi b 2 mlayan wch 7adirlk
Wkitkml jami3a kifi tes3ab grave l3askr psq yotlbo chwyaaaa brk mch kif bl bac
Wkank 3almiziria wt3ab ay par tout makanch haja tji bessahal
Hata tkhdem fi charika mechek hor wm9ayed mai l3askr au moi dir mosta9bl wswared w pouvoir
Wrabi ywaf9ak khouya
Ana hkitlk 3la tajtouba ti3i wnya chof lisa3dek
Wness lieftiw 3lik lbara am bkhdmthom magashomch lf9ar wla7tyaj...

[nori madrid]

شكرا خوتي على النصائح الله يفرحكم
في إنتظار نصائح أخرى

[nori madrid]

هل من نضائح أخرى ؟

[naim1200]

yarooo7 awlidi wmatkhamemech ana rah 3andi master genie lectrique roooooooo7

[عمر الفاروق 27]

و عليكم السلام و رحمة الله و بركاته
عيدكم مبروك و كل عام و انتم بخير

شوف أخي ما غاديش نقولك روح و لا ما تروحش، القرار الأول و الأخير يبقى ليك و ليك وحدك هاذي حياتك و انت الوحيد اللي يعرف شا يوالمك، لكن من جانب آخر "ما خاب من استشار" و راك درت مليح مين راك تشاور في الناس،
محدثك و لله الحمد اجتاز الخدمة الوطنية و أتمها، يعني عندي اطلاع بسيط على الحياة العسكرية و كذا تجارب مع زملائي الضباط و ضباط الصف اللي تعاملت معاهم و سمعت منهم و شوفت تخمامهم.
باش تكون على بال انت راك رايح تدخل طالب ضابط عامل لمدة 5 أو 6 سنوات مدة التربص (مانيش متأكد من فترة التربص لسلاح الطيران) التربص عبارة عن تدريبات بدنية و ميدانية في الأيام الأولى و من بعد يبدا برنامج دراسي نظري و تطبيقي خاص بالتخصص تاعكم، أثناء التربص راح تكره حياتك في أوقات و تستمتع في أوقات، المهم بعد انتهاء التربص غادي تكون ضابط في الجيش الوطني الشعبي مع ما يترتب على ذلك من مسؤولية و قيود و كذلك امتيازات من راتب مجزي يمنحك القدرة على عيش حياة ميسورة و ضمان اجتماعي و احترام لدى الغير، أما المسؤولية فهي عن الأشخاص اللذين هم تحت قيادتك و كذا العتاد الموضوع تحت تصرفك، و قيود من ناحية أنك ملزم بإطاعة الأوامر الصادرة من القيادة و العمل في كل الظروف و الأماكن التي توجه إليها سهل جبل تل صحراء، و كذا عدم الخروج خارج البلاد إلا بتصريح صادر من القيادة، و قد تغيب عن الحضور عن المناسبات العائلية و الأعياد إذا تزامن ذلك مع أدائك العمل، و لك الحق في عطلة سنوية لمدة 21 يوم + 2 أو 3 أيام إذا كان مقر سكنك بعيدا عن مكان العمل إضافة لبضع إجازات كل شهرين أو 3 أشهر تختلف مدتها و عددها حسب الناحية و الوحدة التي تعمل بها، أما عن العمل اليومي فالثابت فيه باختلاف الرتب أو السلاح الذي تنتمي له أنك ملزم بحضور تجمع بداية العمل حوالي 7:30 صباحا و تجمع نهاية العمل حوالي 4 عصرا (الجمعة تكون نهاية العمل على 11 صباحا)و يوم السبت عطلة نهاية الأسبوع، بين ذلك و ذلك أنت ملزم بأداء المهام المكلف بها و عدم مغادرة الوحدة التي تعمل بها إلا إذا صرح قائد الوحدة بذلك، بعد نهاية العمل يمكنك المغادرة إلى المدينة المجاورة إو إلى منزلك إن كنت تقطن قريبا من ذلك، و لكن مرة في بضع أسابيع تكون ملزما بالمناوبة الأسبوعية و ذلك بأن تشرف على أمن الوحدة أثناء عطلة نهاية الأسبوع،
مدة العمل حتى التقاعد هي 25 سنة باحتساب فترة التربص، و لكن يمكن أن تتجاوز تلك الفترة استثناء إذا أصبحت من القيادات العليا في الجيش.
أتمنى أخي أن أكون قد أفدتك، و بالتوفيق لك إن شاء الله في اتخاذ القرار الأفضل لك و لعائلتك إن شاء الله، و عليك بالاستخارة فهي مفتاح التوفيق.

[kheirou 23]

المشاركة الأصلية كتبت بواسطة عمر الفاروق 27

و عليكم السلام و رحمة الله و بركاته
عيدكم مبروك و كل عام و انتم بخير

شوف أخي ما غاديش نقولك روح و لا ما تروحش، القرار الأول و الأخير يبقى ليك و ليك وحدك هاذي حياتك و انت الوحيد اللي يعرف شا يوالمك، لكن من جانب آخر "ما خاب من استشار" و راك درت مليح مين راك تشاور في الناس،
محدثك و لله الحمد اجتاز الخدمة الوطنية و أتمها، يعني عندي اطلاع بسيط على الحياة العسكرية و كذا تجارب مع زملائي الضباط و ضباط الصف اللي تعاملت معاهم و سمعت منهم و شوفت تخمامهم.
باش تكون على بال انت راك رايح تدخل طالب ضابط عامل لمدة 5 أو 6 سنوات مدة التربص (مانيش متأكد من فترة التربص لسلاح الطيران) التربص عبارة عن تدريبات بدنية و ميدانية في الأيام الأولى و من بعد يبدا برنامج دراسي نظري و تطبيقي خاص بالتخصص تاعكم، أثناء التربص راح تكره حياتك في أوقات و تستمتع في أوقات، المهم بعد انتهاء التربص غادي تكون ضابط في الجيش الوطني الشعبي مع ما يترتب على ذلك من مسؤولية و قيود و كذلك امتيازات من راتب مجزي يمنحك القدرة على عيش حياة ميسورة و ضمان اجتماعي و احترام لدى الغير، أما المسؤولية فهي عن الأشخاص اللذين هم تحت قيادتك و كذا العتاد الموضوع تحت تصرفك، و قيود من ناحية أنك ملزم بإطاعة الأوامر الصادرة من القيادة و العمل في كل الظروف و الأماكن التي توجه إليها سهل جبل تل صحراء، و كذا عدم الخروج خارج البلاد إلا بتصريح صادر من القيادة، و قد تغيب عن الحضور عن المناسبات العائلية و الأعياد إذا تزامن ذلك مع أدائك العمل، و لك الحق في عطلة سنوية لمدة 21 يوم + 2 أو 3 أيام إذا كان مقر سكنك بعيدا عن مكان العمل إضافة لبضع إجازات كل شهرين أو 3 أشهر تختلف مدتها و عددها حسب الناحية و الوحدة التي تعمل بها، أما عن العمل اليومي فالثابت فيه باختلاف الرتب أو السلاح الذي تنتمي له أنك ملزم بحضور تجمع بداية العمل حوالي 7:30 صباحا و تجمع نهاية العمل حوالي 4 عصرا (الجمعة تكون نهاية العمل على 11 صباحا)و يوم السبت عطلة نهاية الأسبوع، بين ذلك و ذلك أنت ملزم بأداء المهام المكلف بها و عدم مغادرة الوحدة التي تعمل بها إلا إذا صرح قائد الوحدة بذلك، بعد نهاية العمل يمكنك المغادرة إلى المدينة المجاورة إو إلى منزلك إن كنت تقطن قريبا من ذلك، و لكن مرة في بضع أسابيع تكون ملزما بالمناوبة الأسبوعية و ذلك بأن تشرف على أمن الوحدة أثناء عطلة نهاية الأسبوع،
مدة العمل حتى التقاعد هي 25 سنة باحتساب فترة التربص، و لكن يمكن أن تتجاوز تلك الفترة استثناء إذا أصبحت من القيادات العليا في الجيش.
أتمنى أخي أن أكون قد أفدتك، و بالتوفيق لك إن شاء الله في اتخاذ القرار الأفضل لك و لعائلتك إن شاء الله، و عليك بالاستخارة فهي مفتاح التوفيق.

-----------------
wanta a khouya ak jarabti l7ayt a3asskarya w chefti civil wkifah dayr
tans7o yrouh wala la ?

[nori madrid]

بارك الله فيكم قاع
عمر الفاروق 27
مقوتليش رأيك إذا نروح و لا لا من وجهة نظرك

[عبد الرحمان023]

السلام عليكم صحا عيدكم. اما بعد
اخي الكريم اريد ان انصحك نصيحة لوجه الله.
لا اريد ان اقول لك اذهب او لا تذهب
اعلم جيدا ان هذه الحياة هي عبارة عن مجموعة قرارات يتخذها المرء خلال الايام العديدة. ويعيش عواقب ونتائج قراراته المختلفة.
ولكن هذه القرارات التي يتخذها الشخص اما تكون مبنية على قناعة شخصية. او مشاورات مطولة. او بناء على اقوال الناس.
المهم خاصة في القرارات المصيرية التي تعد منعرجا فاصلا في الحياة.
يا اخي العزيز القرار الاول و الاخيلر راجع اليك . اذا اتخذته عن قناعة فانت يجب ان تتحمل مسؤوليتك وتتحمل النتائج سلبية او ايجابية وتعيش الحياة التي تريدها انت وليست التي يريدها الناس.
اما اذا سمعت للتاس ومعظم الناس سلبيون فسوف تتحمل النتائج ان كانت ايجابية اما ان كاتنت سلبية فستظل تلقي اللوم على الناس الى الابد
لذلك يجب ان تتخذ قرارا مبنيا على قتاعتك ومعززا بمشاورات مع الناس دون تاثير ومدعوما بصلاة الاستخارة+ يقين وتوكل كبيرين بالله
وتعلم قدر ما انت مقبل عليه وتستعد لتحمل المسؤولية كاملة وتغيش حياة كما تريد انت وليس كما يريد الناس.
وربي يسهل .ويجيب الخير.

[Abdou220à]

يبدو انك انت كنت في لائحة الاحتياط لان الاساسيين عيطولهم 25 اوت .... يا خويا انا نقولك روح وعلى ربي خطرش الجوية فيها 2 فحوصات في شرشال و تاني عين النعجة وخصك معارف كبار باش ترجع طيار

[عمر الفاروق 27]

خاوتي kheirou 23 و nori madrid
شوفوا أنا في بداية الرد وضحت باللي ما نجمش نقولك روح و لا لا، و ما كانش اللي عنده الحق باش يقولك هكا
الواحد مين ينصح خوه يخبره شا كاين و شا ما كانش باش يكون عارف وين راه صادم و رايح و القرار يبقى ليه،
السبب علاه: خاطرش الحاجة اللي تحكم في قرارات أي واحد منا في أي مجال من حياته هي عوامل شخصية فقط،
أنا كون يجيني واحد في عمرو 30 سنة زايد في 86 و يقولي راني مغبون مع العسكر و باغي نفوت العام، نقولو ما تروحش راك كبير و ما بقالكش باش تفوت العسكر، بصح كون يجيني واحد في عمرو 23 سنة نقولو روح تفوت العام على روحك و فري أمورك ما دام راك صغير،
نفس الأمر ينطبق على سؤال خاوتي أنت اذا تستحمل الصعوبات و المسؤوليات اللي غادي تصادفهم في مقابل الامتيازات اللي غادي تنالهم روح تقوت على روحك، إذا ما تستحملش ريح و ربي يفتح من جهة اخرى، مثلا تخيل روحك و رانا في يامات العيد باللي راك لبست و راك خدام كيما هذا النهار الناس معيدة و انت تصبح خدام و بعيد على الدار و الأهل كيف يكون شعورك؟ إذا تتقبل الأمر روح الله يسهل و اذا تجيك حاجة صعيبة فللأسف ما تنجمش للعسكر، كذلك من جانب آخر تخيل روحك خدام و راك بدراهمك غدوا من يحتاجوا الوالدين حاجة من عندك تكون واجد و تفرحهم و تفرح بروحك،
شوفو الإنسان اللي عنده باب تع رزق وحد اخر مثلا عندهم تجارة و لا أرض زراعية تغنيهم يظهرلي الأفضل يبقى عند والديه، و اللي ظروفو المادية صعيبة و جاتو فرصة كيما هاذي ما يضيعهاش.
بالتوفيق إن شاء الله.

[777apt]

khoya men fed elk ida kachema ta3ref 3la DFM fidena kifah khedema fina bnseba lejma3te FS