سوفلي يهببببببببببببببببببببببل

*أم ثازيري* · 2012-06-08, 18:37

السلام عليكم
راني درت سوفلي هاد لعشية هادا وين كملتو و اول مرة نجربو و عجبني بززززززززززاف
ما تخيلتوش يجيني هكا و الله فرحت
المهم منطولش عليكم شوفو التصاور هدا وين درتهم
نروح نفرز الكوزينة راههي مقلبة و نجي نحطلكم الوصفة
المقادير
500 غ فرينة
1 بيضة
1 م ك خميرة مطلوع
1 كيس خميرة نوارة
1 م ك سكر
4 م ك زيت
1م ص ملح
حليب دافىء
كيفية التحضير
غربلي الفرينة زيديلها الزيت و اخدميها بيدك
اضيفي السكر الملح الخميرتين و البيضة و اعجنييها بالحليب الدافىء
لميها و غطيها و خليها تخمر 2 ساعات *4 ساعات في الشتاء*
من بعد اكسريلها العجين و اعملي كويرات
حليها رقييييييييييييييييييقة * انا مارققتهاش و ندمت لخاطر اول مرة نجربو *
من بعد احشيها بالحشوة لي تحبي **انا درت سكالوب و بصل و بيشمال و فرماج و زيتون*
و ديري بياض البيض و اغلقيها بالفرشيطة
ادهنيها بصفار بيضة مخلط مع شوية حليب
ذرذي شوية سينوج و جلجلان
طيبيها في فرن سااااااااااااااااااااااااااااااااااااخن من فوق و من تحت
كي تخرجيه مباشرة مسحيه بشوييييية نتاع ماء و بلاكي تبليه اني قتلك مسحيه شماااااااااااااااكان بيدك او البانسو *هذا سر باه يجي طري و مقرمش*
كاش ما تسقسيو راني هنا
و ادعيولي حنوناتي