هل انتقم من خطيبي الذي تزوج

[مشكلتي]

كنت على علاقة مع شخص دامت سنة بعدها قرر ان يتزوجني فطلبت منه ان نؤجل موضوع الزواج بعد التخرج فوافق وتكلم مع اهلي وبقينا نتقابل وكل الناس تعلم اننا مخطوبين وبعد سنتين تخرجت وبدات احضر فب تجهيزات العرس وكل مرة يعجبني شيء اشتؤيه واخبئه ولما فاتحته في الموضوع قال اصبري عندي ظروف طبعا انا واصلت تحضيراتي ومرة مرة نتقابل ويكلمني في الهاتف ان لم نلتقي وفي يوم من الايام اتصلت به ردت عليا امراة؟؟؟؟؟؟؟؟؟؟؟؟؟؟؟؟؟ قالت لي من انت قلت لها كيف الحال ظننت انها اخته لكنها زوجته لانه غير رقمه ورقم اصبح عند زوجته انا كيما نقولو بالعامية مابكيت ماضحكت والمفاجاة الاخرى .........عنده ولد لما علم باني اتصلت برقمه القديم اتصل بي وقالي لي اتمنالك الخير لما سالوني اهلي لم القى جوابا .كيف اجيبهم وانا لاملك اجابة مقنعة قلت معليش مكتوب الله وحسبي الله ونعم الوكيل لكن الشخص لازال يتصل بي ويقول انه يحبني ولم ينساني وانه يعيش مع جسد امراة فقط لانه يفكر فيا ليل ونهار فكرهته وكرهت اليوم اللي قابلته فيه وبيني وبينكم يا اخواني الشيطان يوسوس لي هاته الايام خاصة انني اعرف عنوان البيت وعمل زوجته ورقم هاتفها والله مانمت الليل وانا افكر كيف انتقم غاضني حال 3سنين ضاعت من عمري مع واحد ما يستاهلش وتروماركيت معاه في كل مكان وفالاخير يتزوج غيري ويتصل بي انا ليلعب باعصابي ارجوكم اعطوني الحل ولو كنتم مكاني هل كنتم تنسحبون في صمت ام ......... ماذا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ivaoran]

بسم الله الرحمن الرحيم

انا لن اعاتبك و لن اقول لك ان الخطأ بدر منك
لانك تعرفين ذلك تماما
فأنت الان تجنين ما حصدت

لكن أقول لك هوني عن نفسك أخيتي
هو الله يسعده و يهنيه
و انت غيري رقمك كي لا يتمكن من الاتصال بك
و انسيه و استمري في حياتك عاديا

ابحثي عن عمل او زاولي نشاطا ما
كالطرز او الخياطة او ما شابه
باش تلهي روحك

و الله يجيبلك ولد الحلال
و خطيك من المسلسلات المكسيكية و التركية
تاع انتقم و ماعلاباليش شا تاني

عيشي حياتك في طاعة الله
هو يعوضك و يرزقك

[طيب القلب]

الرجل تزوج و أنتهى الأمر و بدأ حياته وكل مايدعي أنه يحبك لا أساس له من الصحة أقطعي العلاقة نهائيا و توبي إلى الله مفرج الهموم و الكروب

[الباديسي]

صارحي اهلك فيطلبوا منه الابتعاد عنك
2-احتقريه ولا تردي على اتصالاته او غيّري رقمك
3-ابتعدي عن الانتقام ووكلي عليه ربي سبحانه
4-ان شاء الله بالدعاء يرزقك ربي بابن الحلال واحذري الانتقام لان مساوؤه كوارث وبنت الاصل تبقى اصيلة وهذا الكلام (الانتقام) يجعل الناس يبتعدون عنك ويخافونك ولن تتزوجي والله اعلم

[بنت الباهية]

ربي يفرج عليك و يعوضك خيرا منه
ما يستاهلكش

[نبيلة المهبولة]

لوكان انا لوكان كبرتها ونرجع كرامتي باش ميتعلمش يلعب مع بنات النات وزيد غير تبهدايل بزاف الناس كامل عرفوا بلي راكي مخطوبة وزيد هدا ماشي راجل باش يجي للدار ويزوج ولوكان جا يبغيك لوكان تزوج بيك وكملتي الدراسة انا في مكانك نروح للزوجة نتاعوا ونكلمها ونحكيلها كلش ومنخليهاش في قلبي

[سِدْرَةِ الْمُنْتَهَى~]

السلام عليكم ورحمة الله وبركاته
أولا أختي ابتعدي عنه واقطعي اتصالك به ولا تجعلي الغضب يعميك ويوصلك إلى الانتقام
فقط وكلي أمرك لله فهو حسبك وبإذن الله
وعسى أن تكرهوا شيئا وهو خير لكم وعسى أن تحبوا شيئا وهو شر لكم ، والله يعلم وأنتم لا تعلمون

[ميمنة الجزائر]

المشاركة الأصلية كتبت بواسطة نبيلة المهبولة

لوكان انا لوكان كبرتها ونرجع كرامتي باش ميتعلمش يلعب مع بنات النات وزيد غير تبهدايل بزاف الناس كامل عرفوا بلي راكي مخطوبة وزيد هدا ماشي راجل باش يجي للدار ويزوج ولوكان جا يبغيك لوكان تزوج بيك وكملتي الدراسة انا في مكانك نروح للزوجة نتاعوا ونكلمها ونحكيلها كلش ومنخليهاش في قلبي

لما هاذا يا اختاه لا يمكن ان نفعل هاذا لانو زوجته ليست بعلمعلى ما يفعله زوجها لما تحطم بيت

الكظمين الغيضوكلي عليه ربي فهو حسبه لا غير وعيشي حياتك وقبل كل شيءتوبي الى الله توبة نصوح

وتضرعي له لان يغفر لك ما فعلتيه وربي يفتح لك ابواب رزقك بشخص اخر يكون ابو اولادك ومن الاحسن

الان ان تفكري في الخدمة واما الناس قولي بانو رفض ان اعمل فتفارقنا ولا احد سوف يلومك المهم انت

وغيري الرقم لهاتفك ولا تفكري فيه ابدا وقولي اذا تلاقيتي بيه حسبي الله ونعم الوكيل لاغير

وبعدي عليه كامل وعيشي حياتك كما كنت وكانو لم يتغير شيء المهم انك تتوبي الى الله وربي

يرزقك بواحد اخر لعله كان شرالك ولا تابهي بكلاماته لانو كما ذكرتي جاب ولد وكيف لم يحبها وعندو معاها ولد

انما هو يريدك في الحرام لا غير وهم كثيرون فلا تلعبي بشرفك والاحرى ان تبتعدي عنه كل البعد

[صَمْـتْــــ~]

المشاركة الأصلية كتبت بواسطة نبيلة المهبولة

لوكان انا لوكان كبرتها ونرجع كرامتي باش ميتعلمش يلعب مع بنات النات وزيد غير تبهدايل بزاف الناس كامل عرفوا بلي راكي مخطوبة وزيد هدا ماشي راجل باش يجي للدار ويزوج ولوكان جا يبغيك لوكان تزوج بيك وكملتي الدراسة انا في مكانك نروح للزوجة نتاعوا ونكلمها ونحكيلها كلش ومنخليهاش في قلبي

السّلام عليكم ورحمة الله وبركاته

تُرى هل يُعالجُ الخطأ بخطأ أكبر؟!

يا أخت، هذا ليس الحلّ الأنسَب لأنّك بهذا نصحتِ بما يُسيء..

هل سألتِ نفسك ماذا ستستفيد هذه الفتاة إن قصدت زوجة خطيبها السّابق وأعلمتها بما يفعل؟
قد تكون السّبب في هدم استقرار أُسرة (فما ذنب الزّوجة وطفلها وقد يؤدّي خلافهما للطّلاق!)

فرجاءً أُختي انصحي نفسك أوّلا بالتروّي والحكمة لأنّها الأنسب في مثلِ هذه الظّروف..
ــــ
عودةً للأخت صاحبة المشكل أقول:
لكِ الله أيّتها الفاضِلة فاعلمي أنّه لن يُصيبنا إلاّ ما قُدِّرَ لنا..
وقد يكونُ الخيرُ في عدم الزّواج من هذا الشّخص فارضي بمشيئةِ الله ولا تفكّري في الانتقام وعينُ الله ساهرةٌ لا تنام!

أُختي كأوّل خطوةٍ عليكِ تغيّري رقم هاتفك..
وأن تستعيدي أنفاس العزيمة على طرده من فكرِك والسّعيِ لمواصلة حياتك داعية الله أن يعوّضكِ خيرا منه..
فإن لم يرتدع وداوم على اقتفاءِ أثرك فعليك أن تُخبري عائلتك بما يقومُ به..لأنّه يسعى لاستغلالك وليس أكثر.
وبمساندة عائلتك سيخفّ عنك عبء التّفكير والقلق..فثقي بهم وقبلهم قوّي ثقتك بالله.

أرجو أن تصلكِ رسالتي على الوجه السّليم الذي قصدتُ من خلاله أن أنبّهكِ قبل الوقوع فيما قد يؤزّمُ الوضعَ لا قدّر الله.

حفظك الله ويسّر أمورك.

[ام إثري]

ولما النتقام اختي انسيه اختي وامحي اي شيئ يذكرك بيه
لهي روحك بحاجة حوسي على خدمة
وربي يرزقك بولد الحلال
وكان بيك الناس مايهمكش قول ماتفاهمناش وخلاص واحد مايسالك
ماترديش على مكالماتو راهو غير يهف فيك كيما قاتلك الاخت اللي الفوق راهو حاب يعيش معاك في الحرام ماتلعبيش بروحك
وهو وكيلو ربي

[the flower girl]

السلام عليكم ابعدي فكرة الانتقام من تفكيرك فانك بذلك ستعيشين في هم وغم ولن تهنئ بحياتك ابدئ حياة جديدة وكيما يقول المثل لي بدلك بالفول بدلو بقشورو،وكلي عليه ربي وانشاء الله يعوضك ربي باحسن منه

[- بصمة خير -]

ربي يكون معاك و يصبرك و يخلفلك خير منو ان شاء الله

انسيه و بدلي رقم الهاتف تاعك و خلبك منو
انت قولتي راحو 3 سنين معاه و حابة تزيدي ضيعي وقت اخر على جالو ؟؟؟؟
و اذا قالك نحبك ماتمنيهش
مستحيل يدمر العايلة تاعو مستحيل و زيد عندو طفل

راهو يجيب في الوقت برك

ربي يكون معاك و حطي ربي في بالك

[sarsora777]

اختي نصيحة من عندي وكلي عليه ربي وما تخافيش ربي يجيبلك حقك منو والله ما تعرفي كيفاه و هذي دنيا مازالها طويلة وكلي أمرك لربي وذرك تشوفي وما تستعجل يش النتائج في هاذ الدنيا الضالم يخلصها غالية ومن ناحية الانتقام حرام عليك حتى مترو راهي ولية وهي خاطية ما تفسديلهاش دارها باه يجازيك ربي و يفرج عليك وانت عيشي حياتك واستمتعي بيها و ربي يكون معاك

[الصديق الذهبي]

اختي وانت وين كنت مين تزوج هو

غريبة خطيبة يتزوج وعنده طفل وانت ما علابالكش

وهذا لي خطبك ما دار والو لا صداق لا مهر لا تا حاجة ولا تخلى عليهم

[نهال الجزائرية]

لو كنت مكانك لا أفعل ماتفعلينه ... نوكل لأمر ربي سبحانو هو لي ينتقم منو ... وتأكدي المظلوم دايما ينصرو ربي خمي مليح أوك هادي سراتلك دك ديتي منها عبرة أتمنى لك حظ سعيد حبيتي