حلوة ليباركات محشية بالنيسلي من عند فايزة44

[فايزة44]

اليوم جبتلكم حلوة بنيييييييييييييييييييييينة تهبل انشاء الله تعجبكم خياتي



الوصفة:

العجينة : نحتاجو : 250 غ زبدة طرية ، كاس شاي سكرناعم ، حبة بيض ، مغرف صغيرة خمارة تاع الحلوة ، 2 مغارف كبار كاكاو ، رطل فرينة .

الحشو : نحتاج نيسلي كراميليزي ، وممكن نظيف معاه شويا مكسرات ، انا ماضفتش

نحتاج شكلاطة للتزييييين ، انا استملت لابات اقلاص

نحضر العجيبنة عادي كيما الصابلي


زبدة نخدمها مع سكر رطب حتى نحصل على خليط متجانس كيما الكريمة ، نضيف الحبة تاع البيض ونخلط حتى تختفي الحبة ، ثم نضيف الكاكاو ، ونلم بالفرينة معاها الخمارة نحصل على عجينة طرية نوعا ما نتركها ترتاح شويا



ندي منها كرات صغار ونلبسها لمول تاع البركات الصغار ماش الكبار ونثقبها بالشوكة ونطيبهم كيما الصابلي


كي يطيبوا يبردوا نحشيهم بالنيسلي ، نلصق كل 2 مع بعض ، ونتركهم ينشفوا ونغطسهم في الشكلاطة المذابة ونحطهم فوق شباك ينشفوا

ونزينهم حسب الرغبة



جربوهم والله اممممممممممممممممممممممممممممممممممممممممممممممم










انا استعملت الصغير ، وصورتهم مع بعض باش يبان الفرق



هذه استعملتها للتزين للاخوات اللي طرحوا السؤال







ردودكم تشجعنيييييييييييييييييييييييييييييييييييييييييييي