حلوة نابوليون اوgateaux russe و لا اروع

[noor ala noor]

السلام عليكم لبنات كي راكم ان شاء الله بخير
هذه اول مشاركة ليا في هذا القسم ان شاء الله تستافدو منها
كنت حطيت موضوع قبيلات على la recette de gateau russe
البارح ذوقتها عند مرة خو راجلي و عجبتني بــــــــــــــزاف و هبلت عليها mais comme هي متحبش تمد الوصفات ما حبيتش نسقسيها و قولت خاصني نجبدها من تحت الارض و نخلعها بيها كاش نهار

لقيتها في site francais تفضلو حبيباتي و الله روعة و تهبل و بنينة بزاف
المقادير
300غ كاوكاو محمص و مطحون
100غ فرينة
250غ زبدة
200غ سكر
6 بيضات
250 سكر ناعم
عصير ليمونة

نخلط الكاوكاو+الفرينة في اناء
و في وعاء اخر نخدم الزبدة و السكر جيدا جيدا ثم نضيف لهم الكاوكاو و الفرينة
و جانبا نفصل البياض و نضربه جيدا حتى يصبح كالثلج و نضيفه الى الخليط الاول بملعقة خشبية كما نخدمو الجينواز
و ندخله الفرن






في هذا الوقت نحضرو الكريمة بصفار البيض+عصير ليمونة و السكر الناعم حتى نتحصل على مزيج عاقد


بعد طهي الحلوى و اخراجها من الفرن نفرغ فوقها الكريمة و ندعها تبرد مدة ليلة كاملة و نقسمها مربعات نزينها بالكاوكاو و الملون او خطوط الشوكولا السوداء و بالصحة و العافية


هذه الحبة للاولى لي تدخل مممممممممممممممممممممممم