فقدت الامل

[iman14]

انا لم انجح بكالوريا 2013 للاسف الرسوب ترك لي اثر كبير في نفسيتي كوني تعبت عليه كثيراا و اعلم ان هناك الكثير مثلي كنت في شهر الماضي قد وضعت برنامج كي ابدا الدراسة من غدا لكنني اليوم فشلت بارجاع الى كراريس و مذكرات تراجعت و اغلقتها فورا الرسوب لم يقويني بل اضعفني لان جهودي التى بذلتها طيلت العام لا تستحق الرسوب هذا اكثر ما يشغلني و عاجزة عن بداية من جديد خاصة حين اتذكر ان ناجحين ينتظرون دخول اكتوبر مسرورين مرتاحين حقا كم هو مؤلم الرسوب كيف لي ان ازرع الامل بعد الالم احتاج جدا لردودكم و ارشادكم

[اسعى لرضى الله]

اختي شوفي نقولك انا ثاني مديتش لباك وصراتلي كيفك وتبعت نفسي وقعدت نقارن في روحي بالناس , وقعدت نتبع في نفسي حبست القراية في الليسي وتعقدت من لباك حتى الخرجة معدتش نخرج برا وقلت دك يقولو هديك اي مداتش لباك وووو , من بعد كي فقت لروحي لقيت راحو من حياتي 3 سنين مدرت فيهم والو كون درت الارادة راني ديتو وبالاك راني قريب نتخرج من الجامعة , العام اللي فات قريت وتعبت من بعد حكمني الضغط مرحتش عقبت ,

شوفي مشي عيب متديش لباك العيب تريحي مديري والو وتفشلي

دك عاوديه وديري ارادة خيرلك هدي لمرة لولة مش راح يجيك صعيب كما كون تعاوديه مرة ثانية وثالثة مديريش كيفي

انا نصحتك باش متصرالكش كيفي وانتي خممي مليح ونصييييحة متشوفيش للناس ديري واش يخرج عليك واياك تقولي دك يقولي ولا يهدرو ولا هدوك راهم داو لباك ودبروها دك ركزي على فرد حاجة هي تدي لباك السنة ومتبعيش نفسك راح تندمي

كاين واحد المقولة

ان مشكلتك ليست في سنواتك الضائعة ولكن سنواتك القادمة التي ستضيع حتما ادا واجهت الدنيا بنفس العقلية


انا راني 3 سنني راحو من حياتي نتاجي راهم تخرجو بصح ممكن السنة نعاودو لا كتب ربي

[hadjerbb]

المشاركة الأصلية كتبت بواسطة اسعى لرضى الله

اختي شوفي نقولك انا ثاني مديتش لباك وصراتلي كيفك وتبعت نفسي وقعدت نقارن في روحي بالناس , وقعدت نتبع في نفسي حبست القراية في الليسي وتعقدت من لباك حتى الخرجة معدتش نخرج برا وقلت دك يقولو هديك اي مداتش لباك وووو , من بعد كي فقت لروحي لقيت راحو من حياتي 3 سنين مدرت فيهم والو كون درت الارادة راني ديتو وبالاك راني قريب نتخرج من الجامعة , العام اللي فات قريت وتعبت من بعد حكمني الضغط مرحتش عقبت ,

شوفي مشي عيب متديش لباك العيب تريحي مديري والو وتفشلي

دك عاوديه وديري ارادة خيرلك هدي لمرة لولة مش راح يجيك صعيب كما كون تعاوديه مرة ثانية وثالثة مديريش كيفي

انا نصحتك باش متصرالكش كيفي وانتي خممي مليح ونصييييحة متشوفيش للناس ديري واش يخرج عليك واياك تقولي دك يقولي ولا يهدرو ولا هدوك راهم داو لباك ودبروها دك ركزي على فرد حاجة هي تدي لباك السنة ومتبعيش نفسك راح تندمي

كاين واحد المقولة

ان مشكلتك ليست في سنواتك الضائعة ولكن سنواتك القادمة التي ستضيع حتما ادا واجهت الدنيا بنفس العقلية


انا راني 3 سنني راحو من حياتي نتاجي راهم تخرجو بصح ممكن السنة نعاودو لا كتب ربي

اختي نحيي الارادة الي فيك ورانا كامل معاك باش تجيبيه ماراكيش الاولى ولا الاخيرة انا نعرف ناس بعد 7 سنين عاودو الباك ودارو واش يحبو كون ماتسحقي حاجة راني هنا

[Sara Informatique]

السلام
عاودي تديه ان شاء الله ما كتبهاش ربي هذه السنة واش رايحة تديري تتوقف حياتك أكيد لاااااااااااااا
ونزيد نقولك ساعات زينة السعد تجي ورا تعاويدة الباك وراح نحكيلك هاذ القصة بالاك تستفادي منها
عندي أخت صاحبتي عمرها كامل وهي تقرا باش تقرا طب وكانت الأولى على الثانوية معدلها من16 مايحبطش جابت الباك ب 13 وما مدولهاش طب دارت شبه طبي وهي الآن ممرضة في الجانب الآخر واحد آخر نعرفو يقرا أما ما هوش حاجة كبيرة ماداش هذاك العام رغم أنو قرا العام الجاي عاود اداه ب 12 أعطاوه طب قوليلي شكون لي خير لي دات الباك من أول مرة ولا لي عاودو :d:d:d إياك أنك تيأسي من رحمة الله

[Just.Girl~]

المشاركة الأصلية كتبت بواسطة sara informatique

السلام
عاودي تديه ان شاء الله ما كتبهاش ربي هذه السنة واش رايحة تديري تتوقف حياتك أكيد لاااااااااااااا
ونزيد نقولك ساعات زينة السعد تجي ورا تعاويدة الباك وراح نحكيلك هاذ القصة بالاك تستفادي منها
عندي أخت صاحبتي عمرها كامل وهي تقرا باش تقرا طب وكانت الأولى على الثانوية معدلها من16 مايحبطش جابت الباك ب 13 وما مدولهاش طب دارت شبه طبي وهي الآن ممرضة في الجانب الآخر واحد آخر نعرفو يقرا أما ما هوش حاجة كبيرة ماداش هذاك العام رغم أنو قرا العام الجاي عاود اداه ب 12 أعطاوه طب قوليلي شكون لي خير لي دات الباك من أول مرة ولا لي عاودو :d:d:d إياك أنك تيأسي من رحمة الله

سبحان الله سبحان الله تقولي راكي تهدري على اختي اختي كانت من الممتازين ماتبطتش من 16ومعدالها بين 18 و 16 وكان حلمها الطب وهيا جاية طموحة بزاف مي جابت 13 وراها تقرى شبه طبي ممرضة
تقبلي مروريطالبة سنة ثانية ثناوي..^^

[*محب الصالحين*]

سلا’’’آآم عليكم ورحمة من الله تعالي وبركاته
أفهم جبدا معنى الرسوب خصوصا بعد جد وكد وعناء طوووويل جدااا وصراحة مهما نقدر نعبر عن الرسوب لا استطيع لأنه لا يحس بها الا من جربها برواية اخرى ( ميحسش بالجمرة غير لي عافس عليها ) ولم أجد مثالا لشحذ همتك وتقويتها الا هذا الدرس الذي تعلمناه من هذه الاخت اقرئي جيدا ما مرت به وما عانته وكيف كانت ردة فعلتها اجعليها قدوة لك
https://www.djelfa.info/vb/showthread.php?t=1383155

وبالتوفيق للجميع ان شاء الله

[sarah medium]

لا يا اختي المفروض ان يكون هذا دافع ليك حتى تزيدي تقراي و تجيبيه بمعدل مليح
و ما تنسايش مكانش حاجة تصرا بلا سبب و التعب تاعك ما مشاش هكاك .. فالخسارة تاعك كاين حكمة من عند ربي و ان شاء الله هذا العام عامك
والله يا اختي انا تمنيت لو انني خسرته حتى نعاود الباكالوريا فالثانوية و تتصحح اوراقي مع النظاميين
ربي يوفقك و ما تياسيييش

[همسات صارخة]

اختي الله يمهل و لا يهمل لن يضييع تعبك هباء ستاخذين نتيجة تعبك عاجلا ام اجلا فلا تدرين ما يخبا لك الله ا لذي هو ارحم عليك من امك االتي انجبتك
ما رايك في قصة نبي الله يوسف اليس من خير خلق الله كان معه في السجن رجلان خرجا قبله ب 9 سنوات احدهما ليصلب ولاخر ليسقي الملك خمرالم يقل يا رب لم فضلتهما علي كان متيقنا ان الله قد خبا له الافضل ليكرمه بعد 9 سنوات فيكون في احسن المناصب
فلا تظني ان الله قد احب من نجح في الباك و غضب على من رسب ثقي بان الله سيجازيك على تعبك و تالمك الان خير جزاء

[hadjerbb]

شوفي كل تعطيلة فيها خيرة الرسوب لايعني انك ماقرتيش العام الي فات كاين اشياء قدرية في الحياة يعرفها غير الله ربي سبحانه ماكتبلكش انك تنجحي العام الي فات وصدقيني عنده حكمة مع الوقت رايحة تكتشفيها الرسوب هو حكمة الله وهدا اختبار من الله واعرفي انه الله يختبر غير الناس الي يحبهم لازم تصبري وتكوني قوية الحياة مليئة بمصاعب البكالوريا اول درجة صعوبة في الجياة وعليها تتبنى شخصية الانسان لانه الي يكون عنده عزيمة وصبر راح يتخطى هده المرحلة كيما المراحل الصعبة الي جايا في حياته بصح الي ييأس راهو حايفشل طيلة حياته
اختي مش شرط انه الانسان يدي الباك من اول مرة المهم تجيبي المعدل الي تحبيه وتدخلي الاختصاص الي راكي حابته
كاين بزاف ناس داو الباك ويقراو حوايج مايحبوهاش ادا حطي هده الفكرة في راسك ندي الباك باش ندخل التخصص الي حابته ماش باش نتهنى من الليسي وندخل الجامعة برك
العام الجاي في هدا الوقت انشاء الله حاتهدري معايا وتقوليلي راني نستعد لدخول الجامعة
موفقة

[الراغبة فى رضا الرحمن‎]

حكايتك كحكايتي بضبط ربي يكون معانااا

تقبلي مروري

[faceamari]

الله يبارك فيك

[zineb.alg]

الامل بالله دايما كاين

[soma1995]

اختي اعلم انا الامر ليس سهل على اين كان ولكن انصحك ان تراجعي نفسك و تعرف اخطائكي الماضية ولا تهتمي بكلام الناس لانكي لو استمعت اليهم لن تصنع اي شيء فالناس يتكلمون حتى فيمن اخد الباك وتفوق ويقولون اخدها بالمعرفة فكما ترين لا احد يسلم من فهمهم ا ما النصيحة الاخرى لكي فانصحكي بالدعاء وقيام الليل وتدرع الى الله فهو الاهنا الدي يجب انا نشكي له همنا تدكري احلامك ربما لوا عدتي ستحصلين على معدل بامتياز وتكرمينا وتكونين احسن ممن اخد الباكالوريا بمعدل 10 و11 وانتي تعرفين اي التخصصات التي تعطى لهم لاااااااااااااااااااااااااااااااا تتتتتتتتتتتتتتتتتتتتتفففففشششششششششششششللللللللللل للللللييييييييييييييييييييييي قولي اااسسسسسسسسسسسسسسستطططططططططططططيع سسسسسسسسسسسسانننننننجحححححححح باعلى صوتك انتي قوية تدكري انكي ستندمين ان استسلمت وسيضحك الناس ويحكي عليك اكثر مما يحكون الان وكيف ستخبرين اولادك هل ستقولين لهم امكم استسلمت تراجعت عن احلامها بسبب تعثر خفيف في حياتها عندما واجهتها اول عثرة في طريقها تراجعت لا اظنكي تقبلين اترك لك الاجابة واعلم انكي قوية وقدها.

[اماني منتظرة]

المشاركة الأصلية كتبت بواسطة iman14

انا لم انجح بكالوريا 2013 للاسف الرسوب ترك لي اثر كبير في نفسيتي كوني تعبت عليه كثيراا و اعلم ان هناك الكثير مثلي كنت في شهر الماضي قد وضعت برنامج كي ابدا الدراسة من غدا لكنني اليوم فشلت بارجاع الى كراريس و مذكرات تراجعت و اغلقتها فورا الرسوب لم يقويني بل اضعفني لان جهودي التى بذلتها طيلت العام لا تستحق الرسوب هذا اكثر ما يشغلني و عاجزة عن بداية من جديد خاصة حين اتذكر ان ناجحين ينتظرون دخول اكتوبر مسرورين مرتاحين حقا كم هو مؤلم الرسوب كيف لي ان ازرع الامل بعد الالم احتاج جدا لردودكم و ارشادكم

السلام عليكم

أختي ايمان في الحقيقة لقد أغضبتني بكلامك
وصراحة لم أرد أن أرى أي شخص في مثل حالتي تكون نفسيته هكذا !
بالرغم من علمي بمدى صعوبة الأمر ولتسألي مجرب


أنا من كنت أظن بأنني سأنال شهادة البكالوريا بمعدل أقل ما يكون 12

لأتفاجأ عند إعلان النتائج بكلمة

رااااااااااااسب

وما أقساها تلك الكلمة

والله أنا أعرف شعورك وشعور كثيرين غيرك
لكن هذا قدر الله

لربما أراد الله بذلك أن يبعدنا عن شر أو أن يقربنا الى خير
وإن فكرتي هكذا يا عزيزتي

فإن قلبك سيمتلأ إيمانا بقدر الله

وستعلمين بأن الله يريد بنا الخير دائما وأين ما كنا

ــ عسى أن تكرهو شيئا وهو خير لكم ــ

وأخيرا أختي اجعليها دافعا لكي تنجحي في بكالوريا 2014 بمعدل عال ينسيك مرارة باكالوريا 2013

فأنا الأن تشتعل نيران اللهب في داخلي
ــ بدون مبالغة هئ هئ ــ

من أجل تحقيق نجاح غير عادي انشاء الله

أدعو الله أن يوفقنا لما يحب ويرضى



بالتوفيق للجميع

[قدوتي رسولي]

السلام عليكم
كلامك جد مؤثر وفعلا اناا احس بكـ ووبمعاناتك
وليس الرسوب معناه الفشل بل هو محاولة لتحقيق المزيد
وكونك تاثرت برسوبك هدا يعني بان ارادتك قوية وستسعين لتحقيق النجاح
ونصيحتي لك ركزي اكثر ولاتهملي اي مادة وساعدي نفسك بالدروس الخصوصية
كما لاتنسي ان مواد الحفظ لها دور كبير غذفي تحقيق اعلى درجات ولاسيما مساهمتها في توسيع الذاكرة
ولاتنسي صلاتك صديقتي
وان شاء الله ستنجحين هذه السنة وبمعدل جيد لانك تستطيعين تحقيق الكثيير والكثير
ووقد يكون حظك هذه السنة افضل بالتسجيل في شعبة تفيدك وتيذسر مستقبلك ولاتظني ان كل الناجحين هاته السنة سيحصلون على اختصاصات جيدة فبلعكس هناك من سيعيدون البكالوريا وهناك من يلطم حظه ....الخ
على الاقل بذلت مجهودك دون الاعتماد على الغش او....او...
تقبلي مروري وتحياتي واتمنى لك النجاح والتوفيق
ولن انساك من دعــأــأئي