ورشة عمل مفرش من الكريستال

[زهرة كل يوم]

بالجميع
كيف الحال؟ اتمنى ان تكونوا جميعا بخير
نزولا عند رغبة بعض العضوات بانشاء ورشة لعمل مفرش من الكريستال

هانا احاول شرح طريقة عمل مفرش بهذا الشكل



تعلمي المبدأ الاساسي ومن ثم يمكن لكل واحدة الابداع

قبل الدخول في الطريقة يلزمنا مجموعة من الادوات الي هي كريات الكريستال بلونين



وخيط السنارة او يسمى سبيب يكون خشين شوي والمقص طبعا

نبداو باذن الله

اول خطوة نقوموا بيها هي تحضير خيط طوله حوالي 0.75 متر

يكون بالزيادة خير من النقصان

نضع فيه 6 كريات كريستال



ومن ثم نغلق الدائرة بصنع عقدة عن طريق ارجاع نفس الخيط في احد الجهتين داخل الكرية التي خرج منها مشكلا حلقة من الخيط نضع داخل الحلقة المشكلة من الخيط الخيط الخارج من الجهة الاخرى

كيما في الصورة



وتزيري الخيط

طريقة العقدة هاذي تخلي المفرش نتاعك حاكم روحه مايكونش مرخي



تضيفي في احد طرفي الخيط 5 كريات



وتزيدي ديري نفس العقدة بنفس الطريقة
تتحصلي على هذا الشكل



دخلي الخيط الموجود بين ثلات كريات في الكرية المجاورة
وديري 4 كريات في الخيط الموجود في الناحية الاخرى



وتزيدي تعقدي الخيط بنفس الطريقة



وكل مرة خيط تديري فيه الكريات والاخر تدخليه في الكرية المجاورة ( تمشي بيه الخدمة)

وتبقاي تزيدي بالاربع كريات حتى تتحصلي على هذا الشكل



واهنا تضيفي فقط 3 كريات



لانه العمل نتاعنا يتطلب انه يكون في كل حلقة 6 كريات

واعقدي الخيط بنفس الطريقة والي يبقى منه دخليه في الكريات يزيد يزيرلك الخدمة والي يبقى زايد قصيه

تتحصلي على هذا الشكل



باه نتحصلو على المفرش النهائي اصنعي 6 وحدات من هذا الشكل باللون الي حباه
كيما اهنا انا درتهم بالموف

واصنعي واحدة بلون آخر

انا هنا خدمتها باللون الابيض

الي مافهمتش الطريقة في هذا الرابط الاخت أنيقة جزاها الله كل خير حاطة درس لهذا الشكل السداسي

https://www.djelfa.info/vb/showthread.php?t=1336131

الآن نروحوا لطريقة تجميع الوحدات الي خدمناهم باه نتحصلوا على المفرش النهائي

نجيبوا الوحدة نتاعنا وفي الناحية الي فيها زاوية للداخل ندخل طرفي الخيط ونخرجهم من الناحية الي الزاوية للخارج

وندير كرية في كل ناحية من الخيط

يعني كريتين كيم في الصورة








وتعقدي الخيط في الوحدة الاخرى وتدخليه في الكريات وتقصي الزائد

وهكذا تجمعي كل الوحدات الي عندك بنفس الطريقة




في الاخير تتحصلي على هذا المفرش

https://img829.imageshack.us/img829/9122/y0ch.jpg

ملاحظة:

للحصول على مفارش بهذا الشكل



الوحدات الي تخدميهم ديري الحلقة الوسطى بلون والجوانب بلوان آخر

ومجموعة اخرى من الوحدات بعكس اللونين يعني الي درتيه في الوسط دريه في الجوانب والي درتيه في الجوانب دريه في الوسط


اتمنى تكونوا فهمتوا الشرح واستفدتوا

الى اللقاء