حنيني الى الماضي

[رندة نهاد]

المشاركة الأصلية كتبت بواسطة ماريـام

سلاح امي سلاح خطير و قذائف مباشرة شبعت ضرب انا كي كنت صغيرة منها هههههههه بصح ماشي في باطل انا الوحيدة في خاوتي التي اكمل دراستي الجامعية بتفوق الحمد لله

اما الاسانذة حكاية اخرى خاصة اساتذة العربية في كل مراحل الدراسة تمرمت منهم

مرة استاذ سقساه تلميذ في درس تربية الاسلامية كيف هم حور العين تصوري واش دار الاستاذ نادالي وقالي اطلعي للصبورة

انا قلت راح يمليلي شئ نكتبو طلعت بكل براءة نتفاجئ بيه يقولهم هاذي حور العين انا وليت طماطم مصبرة و حرت وين ندور وجهي ياختي
البنات غارو و الذكورا دهشو هي صراحة انا عينيا مميزين الحمد لله لكن تصرفو غير مءدب

و مرة استاذ عربية كان يجلسني في اول الصف مقابل المكتب ومتعمد واحد ميجلس جنبي باش يجي هو يريح امامي صراحة سوفريت ربي نجاني منهم ,,,:d

مكانش عندي زهر مع الاساتذة صراحة استاذة الفرنسية نسقسيها بزاف و نقوللها مفهمتش هاذي و هاذي حتى ولات تقلي اذا فهمتي انتي كل القسم يفهم و تعايرني

كنت مجتهدة جداا في الرياضيات و العلوم و الفيزياء و خاصة رسم التقني

اما حكاية الرسم التقني نحكيهالكم هههههههههه

في رسم التقني كنت بارعة في التخيل الثلاثي الابعاد و نرسم رسومات الصعبة جداا ب 0 خطء حتى ان الاستاذ انبهر و كانت ورقت الاجابة مخطوطة بدقة و لا فيها ولا ضربة ممحات الاستاذ كي يكلمني عينيه يبرقو
مرة اعطاني 19,75 في الريسم و قالولي انو هاذا الاستاذ موحال يمد نقطة فوق 17 في المادة هاذي

رفد ورقت اجابتي و قاللهم هاذي التلميذة والله لوكان ماشي منمدش عشرين عمدا نحيتلها 0.25 لكن تستاهل اكثر من 20

هنا ارتفعت الصيحات و الصفير و الذكورا يوقولو يحبها يحبها موقف محرج جداااا

عندي بزاف مشاغبات ايام الدراسة خاصة الابتداءي كنت نجري بالحجر مور الي يخلط فيا حتى لمنزل تاعو :d

الله يعطيك الربح ان شاء الله ضحكت كي المهبولة وحدي الدراري ديما بالاحراج كي كنت في السيام العربية نموت عليها ندي ديما 19 مرة غلطت ديت 18 وغاضتني وطفل كان يقرا معايا يستنى غير وكتاه يفوتني انا هازة ورقتي وهو يطل عليا قلتله وش بيك طول في رقبتك ووصفته باحدى الطيور والله المسكين احمر وجهه واحرج امام اصدقائه لانني كنت في قمةالغضب كي عادت علامته خير مني يا اختي غرت منو :d:d:d:d

[ماريـام]

المشاركة الأصلية كتبت بواسطة رندة نهاد

الله يعطيك الربح ان شاء الله ضحكت كي المهبولة وحدي الدراري ديما بالاحراج كي كنت في السيام العربية نموت عليها ندي ديما 19 مرة غلطت ديت 18 وغاضتني وطفل كان يقرا معايا يستنى غير وكتاه يفوتني انا هازة ورقتي وهو يطل عليا قلتله وش بيك طول في رقبتك ووصفته باحدى الطيور والله المسكين احمر وجهه واحرج امام اصدقائه لانني كنت في قمةالغضب كي عادت علامته خير مني يا اختي غرت منو :d:d:d:d

والله ياختي تمرمت من النضرة الذكورية خاصة في الدراسة و العمل

اما حكايات العمل وغيرة الرجال وحدها

اما الغيرة المحمود في النقاط مليحة

في الدراسة خاصة الجامعية تمرميدة بزاف اداولي حقي وجه لوجه

مرة وحد استاذة ربي وكيلها استاذة رياضيات شطبتلي 6 نقاط كاملة كانت نقطتي 2 في كل الجامعة احسن نقطة 15 و انا 13,5

وال فصل التاني اعطاتني 6 و شطبتلي 6 من التصحيح 2 وكي رحت ليها قاتلي درك كتبتيها والله غريب قلتلها كيف نكتب انا الاحمر سيالتك على الخط الازرق و تشاجرت معاها وكادت تديني للمجلس التأديبي تدخلو الزملاء وقالولي خرجتي عامك لا تتدخلي معاها في نزاع عندها كتاف قلت ربي وكيلها

اما التخرج ربي وكيلهم هاذوك كبار شارفين دكاترة و مغيارين لكن منلومهم عملت عمل متقن في مجالي الكل انبهر ماشاء الله

صراحة ايام الجامعه اكرهها كره شديد تعرضت لمذايقات و مشاكل من الاساتذة والتلاميذ و رواد الجامعة حتى مشرف حكايات صراو ربي يستر الحمد لله كملت دراستي

اما الابتداءي و الثانوي و متوسطة رائعة جداااا

[eBusiness]

المشاركة الأصلية كتبت بواسطة رندة نهاد

مسكين اخونا eBusiness الاساتذة مرضى والغيض يرجعوه فيك :1

والله يا أختي حينما كنت صغيرا لم أفهم لماذا أستاذ الرياضيات في السنة الأولى متوسط كان يكرهني وحينما كبرت فمهت أنه كان بسبب جميلات القسم ههههه الله يسامحه كان السبب في تقهقر مستواي الدراسي لأنه جعلني أكره الرياضيات وحينما كنت أشتكيه لأبي رحمة الله تعالى عليه كان حينما يلتقيه ويحدثه يتحدث مع والدي كالملاك حتى يصدقه أبي رحمة الله تعالى عليه وكنت أنا الخاسر الاكبر

المشاركة الأصلية كتبت بواسطة رندة نهاد

هادا وين عرفت السبة من الجنان المسروق باين كنت سراق العنب التفاح والرمان لصحابك برك

أصدقك القول أختي أبي رحمة الله تعالى عليه كان يضع ثقته بي بخصوص أمواله إذ أنني من سابع المستحيلات ان أسرق المال أو أغراض الناس أما الفواكه والمؤكولات فكنت متخصص في سرقتها فأمي الغالية رب يحفظها كانت تعاني حينما تخبئ الحلويات كنت أكتشفها وأقوم بأكلها كلها والمسكينة كانت تظن أنه لا يزال لديها حلويات في البيت إلى أن يأتي الضيوف فلا تجد شيئا فتتوجه مباشرة إليا أنا لأنني المختص الوحيد في البيت في سرقة كل ما يأكل... على كرشي نخلي عرشي ههههههه
أما بذكر العنب فكانت لدي طريقة جهنمية في سرقة العنب، كانت لدينا شجرة عنب في حديقة البيت وبما أن أبي رحمة الله تعالى عليه كان يعرفني متخصص في سرقة العنب كان رحمة الله تعالى عليه يقوم بحساب عدد عناقيد العنب ويقوم بتغليفها بأكياس من الورق لحمايتها من النحل فكنت أفتح الكيس وأقوم بسرقة العنقود الذي بذاخله ثم أقوم بإرجاع الكيس وتعليقه في مكانه حتى يظن أن العنقود لا يزال هناك وحينما يريدون نزع بعض العناقيد للعشاء أو الفطور يجدونها خاوية على عروشها هههههههه لأنني بكل بساطة أنا أكلتها تقريبا كلها... المفارقة أن أبي رحمة الله تعالى عليه كان يتغاضى عن سرقاتي لأنه أولا لم يجد حل معي وثانيا لأنني ذراعه الأيمن كلما يحتاجني يجدني وأنا بدوري أينما وجدت الأكل أبتلعه ههههههه أختي الفاضلة أنت الان تتحدثين مع سارق فواكه من الطراز الأول ههههههه كانت لي خطط جهنمية لا يكتشفها أحد دون أن أقص عليك سرقتي أنا وأبناء العمومة بستان جدي حيث أننا كنا إن حللنا برقعة فول لا نترك ورائنا فولة واحدة هههههه أذكر أن جدي رحمة الله تعالى عليه كان يسميه الناس "الشريف" إحتراما له لأننا من الشرفة ونحن الحمقى كنا نظن أنهم يسمونه شريف "Shérif" نتاع أفلام كوبوي هههههههه وحينما كان يجري ورائنا حينما نسرق حقله كنا ننعته بشريف كنا نظن كالحمقى أنهم يقصدون شريف نتاع كوبوي لأنه حينما كان يجري ورائنا ويرمينا بالطوب طبعا خوفا علينا كان يبدو لنا وكأنه كوبوي ههههههههه... على كل حال إن إكتشف أننا نحن من سرقنا بستانه كان يعلم أبائنا ونمضي العشية تحت مقصلة الضرب والمفارقة أننا نعيد سرقة البستان غدا صباحا ههههههههه
المهم سرقة البساتين كانت تستهوينا ليس فقط للأكل ولكن كانت تعجبني أيضا تلك المغامرات فكما قلت البلدة التي كنت أسكن فيها تملك جنات كثيرة من حقول الفواكه لهذا الله غالب تغوينا تلك الفواكه، غدا إتفقت مع أحد أصدقائي له حقل فول على أن نذهب إلى حقلهم ونأكل الفول لأنني أحب الفول الأخضر خصوصا الذي أنزعه أنا بيدي من الحقل صدق أو لا تصدق هههههههههه

[ماريـام]

eBusiness صح على كرشك تخلي عرشك مزيا جات في الاكل و العنب ماشي في دراهم سينو يطبق عليك الفعل شَكَبَ

[eBusiness]

المشاركة الأصلية كتبت بواسطة ماريـام

eBusiness صح على كرشك تخلي عرشك مزيا جات في الاكل و العنب ماشي في دراهم سينو يطبق عليك الفعل شَكَبَ

لا تقلقي يا بنت الأكابر فأنا إنسان أمين ويضع الناس ثقتهم فيا بخصوص أموالهم ولو كانت ملايين، فقط أنصحك ان لا تثقي فيا إن كان لديكم بستان به فواكه ههههههه أمزح تلك أيام خوالي اليوم كبرنا ولم نعد لتلك التصرفات
ثم بالله عليك ما معنى كلمة "شَكَبَ" يبدو أنني لا أعرف لغتي

[ماريـام]

المشاركة الأصلية كتبت بواسطة eBusiness

لا تقلقي يا بنت الأكابر فأنا إنسان أمين ويضع الناس ثقتهم فيا بخصوص أموالهم ولو كانت ملايين، فقط أنصحك ان لا تثقي فيا إن كان لديكم بستان به فواكه ههههههه أمزح تلك أيام خوالي اليوم كبرنا ولم نعد لتلك التصرفات
ثم بالله عليك ما معنى كلمة "شَكَبَ" يبدو أنني لا أعرف لغتي

شَكَبَ فعل جزائري فقط و هو من افعال شكيب خلي,,,,,

نعم انا نتذكر في صغري كنت نذهب مع جدي لحقل العنب و كنت اجري وراء اللصوص العنب ربما كنت انت منهم وكنت شرسة بالحجارة اذا اصبتك اعتذر منك

[staifia]

المشاركة الأصلية كتبت بواسطة رندة نهاد

شديتك يالسطايفية مالا مجرمة بامتياز بلاك راني نعرفك وان الا خبر علابلك فكرتيني في اساتذة الفرنسية ولاانجلزية مميزين والمكروهين نتع الرياضيا منعرف علاه التمييز بين الذكور والبنات كاين بزاف خاصة في الجامعه خارجيهالنا عيني عينك استاذة tp في labo دايرة فينا الشر تموت على الدراري طايحة غير في البنات بالااستجوابات اا الذكور على راسهم ريشة نتفكر كان يقرى معايا واحد حرب انا واياه ما يقراش مرررررررة ويجي يسرقلي كرسي في المخبر ويخليني واقفة سالط غير عليا ومبعد يقولي دكتورة اني ديت خير منك في الاستجوابات نحير منين جاتو العلامة مي في الكنترول عمرو ولا خرج موديل مازلو حاصل في السنة الثالة :d:d:d:d:d لكن ليس هناك اجمل من سنوات الاكمالي احسن من الثانوي والجامعه مميزة في كل شئ

كنت كل يوم في الادارة
وكان بروف تاع فلسفة جايبها مورايا مانحبش نلبس الطابلية نكرها من عند ربي وكامل الاساتذة مايقولو والو غير هو يدخل طول يشوف فيا ههههه وليت نلبسها في حصتو برك
النساء يغيروا منا حنا البنات خير منهم هههههههه
ايه بلاك نع فك ممبعد راسليني ع الخاص ههههههه

[eBusiness]

المشاركة الأصلية كتبت بواسطة ماريـام

شَكَبَ فعل جزائري فقط و هو من افعال شكيب خلي,,,,, :d

نعم انا نتذكر في صغري كنت نذهب مع جدي لحقل العنب و كنت اجري وراء اللصوص العنب ربما كنت انت منهم :d وكنت شرسة بالحجارة اذا اصبتك اعتذر منك

هههههههههههههه والله جديدة هذه نتاع شكيب خليل، يا عيني على الزازيريين ومصطلحاتهم ههههه على فكرة وبيناتنا وأنا هنا لست أدافع عن الرجل لكن الحقيقة تقال نعم شكيب خليل سرق كما سرق جل الجزائريين لكن ليس بالدرجة التي يذكرونها في الإعلام وإنما الأمر يتعلق بصراع أجنحة في السلطة تريد تلطيخ سمعة الرئيس ومحيطه لكن أظن أنهم لن يفعلوا شيئا والدليل الرئيس على كرسي ولم يقدرو عليه هههههههه على كل حال جناح الرئيس وجناح المعارضة وجهان لعملة واحدة هي نهب أموال الشعب فلا تغرك ما تقوله الصحف لأنها مشاركة في السرقة، اللهم إضرب الأعداء ببعضهم البعض وأخرجنا نحن الشعب المغلوب على أمره سالمين

أما بخصوص العنب فلا أظنك كنت قادرة على ضربنا بالحجر لأننا كنا قد سرقناك في كيس من أكياس العنب ههههههه على كل حال نعتذر إن كنا قد سرقنا يوما بستانكم ثم نحن كنا نسرق فقط لكي نأكل لا غير، يعني نسرق بعض العناقيد ونمضي في حالنا

[staifia]

المشاركة الأصلية كتبت بواسطة رندة نهاد

شديتك يالسطايفية مالا مجرمة بامتياز بلاك راني نعرفك وان الا خبر علابلك فكرتيني في اساتذة الفرنسية ولاانجلزية مميزين والمكروهين نتع الرياضيا منعرف علاه التمييز بين الذكور والبنات كاين بزاف خاصة في الجامعه خارجيهالنا عيني عينك استاذة tp في labo دايرة فينا الشر تموت على الدراري طايحة غير في البنات بالااستجوابات اا الذكور على راسهم ريشة نتفكر كان يقرى معايا واحد حرب انا واياه ما يقراش مرررررررة ويجي يسرقلي كرسي في المخبر ويخليني واقفة سالط غير عليا ومبعد يقولي دكتورة اني ديت خير منك في الاستجوابات نحير منين جاتو العلامة مي في الكنترول عمرو ولا خرج موديل مازلو حاصل في السنة الثالة :d:d:d:d:d لكن ليس هناك اجمل من سنوات الاكمالي احسن من الثانوي والجامعه مميزة في كل شئ

المشاركة الأصلية كتبت بواسطة ebusiness

صراحة كنت أكثر من السلطان في البيت وفي المدرسة وعند الأقارب أيضا لكن المفارقة أن خالاتي وأخوالي كانوا يفتخرون بي ويفرحون لتفوقي بينما أعمامي وعماتي يحسدونني ويتمنون إخفاقي... التفوق سلاح دو حدين قد يكون في صالحك وقد يكون ضدك...
أكيد كنت أتمتع بمسألة معشوق التلميذان فكنا صغار ومن منا لا يستهويه ذلك لكن صراحة كنت أيضا أحب الدراسة والمطالعة فكانت تسكن كياني لكن الواحد يعترف في الغالب إستغللت ذلك التفوق فتملكني نوع من التكبر أو بالأحرى التمرد فاصبحت لا اكل إلا ما هو جميل ولا ألبس إلا ما هو جميل يعني أصبحت لا أرضى إلا بما يرضى به الأمير بالرغم من أنني لم أكن متطلب لكن تعلمت كيف أجعل الأمور تليق بمقامي كسلطان زمانه هههههه والله يا جماعة طفولتي كانت رائعة يا ليثها تعود يوما وابقى طفلا الدهر كله ههههه
المشكل أن الصبية مساكين على نيتهم صدقوا أنني مخترع وذكي وكانوا يراجعوني في خططهم فمثلا إذا ذهبنا لسرقة البساتين والحقول والتي كانت هوايتنا الثانية بعد الدراسة فأنا من كنت أرسم خطة السرقة تلك يعني أنا من يوزع العصابة كي نسطوا على أشجار التفاح والرمان (لم نكن نسرق أموال أو أغراض لكن الفواكه كنا مختصين فيها ههههه) والمفارقة أن خطتي هي دوما أن ابقى أنا بعيدا عن الحقل وأتابع عملية السرقة من بعيد بحيث يدهب إبن خالي أو إبن عمي لسرقة الشجرة وانا أترقب من بعيد إن رئيت صاحب البستان أعلمهم حتى يهربون.... الحمقى كانوا يصدقون خطتي وهي خطة مخرفشة تدفعهم للهاوية وأنا في مأمن فيأتوني بالفواكه دون عناء هههههه حتى أنني كلما إلتقيت بإبن خالي حينما كبرنا أذكره بالأيام الخوالي وأسخر منه وأقول أتذكر زمان حينما كنتم تصدقون خططي فيضحك ويقول واه كنت تستخدمنا هههههه المفارقة أيضا أن إبن خالي حينما إلتقيته العام الفارط قال لي هناك شجرة رمان به رمان رائع وإقترح عليا أن نسرقها ههههههه ونحن كبار يا عالم، لهذا يقال من شب على شيئ شاب عليه... والله لا نسرق شيئا بل إن وجدنا مالا بحثتنا عن صاحبه لكن الفواكه إختصاصنا خصوصا وأننا كنا نعيش في بلدة بها جنات من الفواكه... المهم شجرة الرمان تلك هي ملك لجدنا وليست لشخص اخر يعني لم نسرقها بل هي ملكنا وفعلا ذهبنا إلى الشجرة ولم يهنئ لنا بال حتى أكلنا كل الرمان ههههههه




لماذا لم تستخدمي البيض على وجهك حتى يختفي لون الطماطم ههههههه

شكرت شكرت روحك وبعدها عميتها بالسرقة تاع العنب حتى لو كنت تعسلهم برك لكن طبقا لنص المادة 41 قانون عقوبات فانت فاعل اصلي ومباشر لانك متواجد في. مسرح الجريمة وساحكم علي بالسجن 5 سنوات مع غرامة مالية تقدر ب 200.000 دج.


البيض معلومة جديدة ههههه

[eBusiness]

المشاركة الأصلية كتبت بواسطة staifia

شكرت شكرت روحك وبعدها عميتها بالسرقة تاع العنب حتى لو كنت تعسلهم برك لكن طبقا لنص المادة 41 قانون عقوبات فانت فاعل اصلي ومباشر لانك متواجد في. مسرح الجريمة وساحكم علي بالسجن 5 سنوات مع غرامة مالية تقدر ب 200.000 دج.


البيض معلومة جديدة ههههه

الحقيقة تقال يا بنت الأكابر... نعم كنت متفوق في الدراسة وكنت متفوق أيضا في سرقة العنب والفواكه هههههه ثم كنا صغار لا نعرف ما نفعل، على كل حال الحمد لله شبعنا عنبا وفولا... لا تنسي كنا قصر والقانون لا يعاقبنا هههههه

[soriaalg]

السلام عليكم ورحمة الله وبركاته
ممتعة جدا ايام الطفولة خاصة مشاغبات المدرسة
الحمد لله اخذت 20 في مراحل التعليم كلها ماعدا الجامعة طبعا حتى انني ديت معدل 19 ثاني الحمد لله يعطيك الصحة خليتيني نتفكر ايام جميلة ونبتسم وحدي نبشت ذكريات جميلة اما اسوء علامة مادة في الجامعة الى يومنا هذا مش عارفة وش كنا نقرو المهم نقرو نقرو نقرو وما نفهمو واااااالو ومانكتبو فيها ولا شيء وكي يبقى يوم على الامتحانات يمدلونا بوليكوب علقت عليهم واحدة من زميلاتي قالتو الشيخ لو عطيتولنا هذا البوليكوب باش ناكلوه ما يكفيناش الوقت كيفاش نقروه ونفهموه ونحفظوه؟؟المهم في هذه المادة قدرة قادر اخذت 9 والفصل الثاني 1 وهي اسوء علامة امهم كانت فرحتي كبيرة نجوت من السانتاز
تفكرت مادة اخرى من كثرة صعوبتها يوم الافيشاج كنا لي يشوف معدلو فوق الخمسة تجدين التهاني والفرح والمباركات تهنى من هذي المادة وكأنه طلع العام
بارك الله فيك موضوع جميل وقريت قصصكم ايضا رائعة

[ahlem 05]

انا اكبر علامة 20 الحمد لله واقل علامة ديتها لعام هادا 8 في الكهربااااااء اول مرة نقراها درت فيها كارثة بصح درك الحمد لله تحسنت وليت ندي ب 17

[رندة نهاد]

المشاركة الأصلية كتبت بواسطة ماريـام

والله ياختي تمرمت من النضرة الذكورية خاصة في الدراسة و العمل

اما حكايات العمل وغيرة الرجال وحدها

اما الغيرة المحمود في النقاط مليحة

في الدراسة خاصة الجامعية تمرميدة بزاف اداولي حقي وجه لوجه

مرة وحد استاذة ربي وكيلها استاذة رياضيات شطبتلي 6 نقاط كاملة كانت نقطتي 2 في كل الجامعة احسن نقطة 15 و انا 13,5

وال فصل التاني اعطاتني 6 و شطبتلي 6 من التصحيح 2 وكي رحت ليها قاتلي درك كتبتيها والله غريب قلتلها كيف نكتب انا الاحمر سيالتك على الخط الازرق و تشاجرت معاها وكادت تديني للمجلس التأديبي تدخلو الزملاء وقالولي خرجتي عامك لا تتدخلي معاها في نزاع عندها كتاف قلت ربي وكيلها

اما التخرج ربي وكيلهم هاذوك كبار شارفين دكاترة و مغيارين لكن منلومهم عملت عمل متقن في مجالي الكل انبهر ماشاء الله

صراحة ايام الجامعه اكرهها كره شديد تعرضت لمذايقات و مشاكل من الاساتذة والتلاميذ و رواد الجامعة حتى مشرف حكايات صراو ربي يستر الحمد لله كملت دراستي

اما الابتداءي و الثانوي و متوسطة رائعة جداااا

ههههههههههههه كنت حاطة روحي غير انا وحد المرة استاذة نتع zoologie انا صحيحة والله اجابة مطابقة لما في الورقة النموذجية وما حبتش تمدلي النقطة علابلك تقول نلوحلها رجلي في الدروج طيح تبقى فيها عاهة مستديمة واستاذ تاني كاي يقري في 1 جامعي داير الشيعة لعمرو بلي واحد ما يخرج والله غير اجاباتي نموذجية عطاني 10 قالي انسة انتهى وقتك خلاص وما حبش يخليني نكمل مناقشة التصحيح هكاك برك يديرو باه يهابوهم الطلبة بصح والله غير تخرج فيهم تلقايهم ديما مرضى حاشا الي ما يساهلش منعرف نحسهم عصبيين وكاينين خرين ربي يبارك

[سدرةالمنتهى]

موضوع مميز يحن الى ماضي الدراسة اجمل مرحلة بعد الطفولة يمر بها اﻻنسان


بالنسبة لي ادنى نقطة ديتها 2 ﻻ اتذكر اي مادة ﻻن منها الكثير ربماااااا هههههههههههههه واحسن نقطة كانت 20 في مادة الشريعة


لكن النقطة التي ابهرتني هي 19.5 في مادة الرياضيات في امتحان البكالوريا

زوقتلي كشف النقاط هههههههههه كنت شعبة اداب

الرياضيات عدنا منها حساسية هي واستاذها كما سبقني اﻻعضاء كان استاذي يحب زميلتي التي تجلس معي هي يعطيلها النقطة على طبق شهي واجديهههههه

وانا يحقرني يعطيلي 5 و 4 عندي ماديت منهم ﻻني كنت ضد هذه النضرات اﻻخﻻقية كيف استاذ يحمل رسالة نبيلة يجي يتمعشق كنت ضد العﻻقات اناذاك

ههههههههههه يعني كنت نحرم عليه و مانخليلوش فرصة باش يحكي معاها و ﻻ يخلو معاها داخل القسم ههههههههههههههههه

من شدة غلي و حقدي صنعت اﻻرادة بنفسي و صرت اعتمد على الكتب و المراجع و حل التمارينات و السيجيات المهم الورقة اللي نلقى فيها تمرين رياضيات نكسر راسي ونحلو ههههههههههههه حتى اصبحت متمكنة منفهمها جيدا بدون مساعدة اﻻستاذ

فعﻻ حصدت مجهودي بعﻻمة جيدة و فرحت بها كثيرا

[eBusiness]

المشاركة الأصلية كتبت بواسطة سدر المنتهى

الرياضيات عدنا منها حساسية هي واستاذها كما سبقني اﻻعضاء كان استاذي يحب زميلتي التي تجلس معي هي يعطيلها النقطة على طبق شهي واجديهههههه

وانا يحقرني يعطيلي 5 و 4 عندي ماديت منهم ﻻني كنت ضد هذه النضرات اﻻخﻻقية كيف استاذ يحمل رسالة نبيلة يجي يتمعشق كنت ضد العﻻقات اناذاك

نفس ما حدث معي هههههه أساتذة اخر زمن