مع سآجد خذ العلامة الكاملة في العــلوم..أدخل..أجب..إسأل..حآول..المرآجعــة الشآملــة للثلاثي الأخير.. - الصفحة 20

زكرياء ابن الجزائر · 2012-05-16, 21:28

أختي نعمة ربما نسيتيني هههه على العلوم عادي إذا قدرت غدا حطي الصور باش نراجع بهم

نعمة القدوس · 2012-05-16, 21:34

لالا مانسييتكش

سبحاان الله درك واين تفكرت وراني نرفع فيهم

درك نحطهملك في أحد مواضيعك هادا : https://www.djelfa.info/vb/showthread.php?t=968304

نعمة القدوس · 2012-05-16, 21:37

آآه الجمعة مانقدرش

والسبت تااني، لازم نحفظ فييهم. نهار الأحد عندي تربية اسلامية

وبالتلاتاء عندي اجتماعيات

يعني غدوة آخر فرصة. كييفاه مالا ؟

++

التماارين هييه بيهم بالحل، غدوة ان شاء الله كيما ننوض الصباح نسكانييهم ونجي نحطهم. ونحااولو فيهم ومبعد نحط الحلول.

واش قلتو بشأن المراجعة ؟

أنا لازم نرااجع غدوة الفيزيا.

نعمة القدوس · 2012-05-16, 21:38

السبت راني مشغوولة صباح وعشية

عندي لييكور من 8 للعشرة ونص ولا الحداش رياضيات

ومن الساعتيين للربعة ولا الربعة ونص فيزيا. يعني راني قد قد.

سآجدْ للهْ · 2012-05-16, 21:41

نحن ايضا لدينا تربية اسلامية بالاحد واجتماعيات بالثلاثاء بالمناسبة الإجتماعيات انا ما نحفظش كل مرة كيفاش تجي النقطة الحد الاقصى 11 اذا حالفني الحظ
ومرة8 مرة9 كل مرة كيفاش

اما الفيزياء راح نتابع في صمت لأني كالاطرش في الزفّة ماني علابالي بوالو الاستآذ نتاعنا في الزهر لذا ما نكتبش الدروس وما ننتبهش في القسم...
بصح التمارين معليش راح نهزهم حاولي تحطيهم كامل في مشآركة واحدة وبآرك الله فيك

jiji22 · 2012-05-16, 21:46

السلام عليكم اريد ان اراجع معكم اذا ممكن’’’ اذا سمحتم اريد حوصلة عامة حول الادماج العصبي تكون بمهوم مختلف عن ماورد في الكتاب بالاضافة الى التحكم الهرموني

نعمة القدوس · 2012-05-16, 21:47

إذا غدوة المراجعة تاع الفيزيا ؟

وزيد لكان دخلت ريان راني نقوللها تعاونني

وماعلييش نفهمووك في جدول التقدم، قالولي جاك صعييب بلا ماشفتو ؟

عندي تماريين معتبرة في جدول التقدم. بربي ان شاء الله تولي ممتاز فيه. والله رااهو أسهل حاجة.

المهم .. على قداه ندييرو وقت المراجعة. ؟

خيرو الوقت.

نعمة القدوس · 2012-05-16, 21:50

والله يا عقبة راك مقلّش روحك

عااايش تاع الصح، أناا كون مانحفضش راحت عليييا !!

مانزييدش نهز رااسي للمراية ههه

ربي يوووفقك ان شاء الله.

+

قوللي وقتاه عندك الفيزيا والعلوم والرياضيات ؟

سآجدْ للهْ · 2012-05-16, 21:58

في الحقيقة البرنىمج شفتو عند صآحبي مزال ما جبتوش على واش شافي

الاحد ت اسلامية + رياضيات
الاثنين علوم + انجليزية
الثلاثاء اعلام+ المادة نتاع الصابون+اجتماعيات
الاربعاء فرنسية + فيزياء

والادب نسيت وقتاه

هكا هذا ما تذكرت
المهم اليوم الأول علابالي واش نفوّت
خلاص غدوا نطل شويّة على اللفيزيآء والريآضيات على الأقل نلقى شوية روحي معاكم
شوفو انتم الوقت لي تحبو
اما الاجتماعيات في حيآتي ما حفظتهاش لانها بكل بساطة خرطي في خرطي تديلي المسآحة من من الذاكرة نتاعي فقط
حفظتها في الرابعة متوسط فقط بصح جبت اكبر نقطة في المؤسسة
وبإذن الله نحفظها في الباكالوريا أيضآ وفقط

سآجدْ للهْ · 2012-05-16, 22:02

اقتباس:

المشاركة الأصلية كتبت بواسطة jiji22

السلام عليكم اريد ان اراجع معكم اذا ممكن’’’ اذا سمحتم اريد حوصلة عامة حول الادماج العصبي تكون بمهوم مختلف عن ماورد في الكتاب بالاضافة الى التحكم الهرموني

اختي راجعي الصفحات اللي قبل هاذي ستجدين كل شيء يخصك
وبالتوفيق

نعمة القدوس · 2012-05-16, 22:04

أولا عجبتني المادة تاع الصابوون ههههههه

أنا تااني التلاتي التاني ماكتبتش التوقييت مالا صرااتلي وحد الحادثة واش نقوللك رعبتني.

!!

من هذاك النهار قررت نكتبوو ولا نمووت ههههههه

واش رايكم كون ندييروها على العشرة ونص؟ في هذاك الوقت نكونو فاطنيين وماناش غلباانين.

هذا إذا أغلب الأعضاء يمكنهم القدوم

وماش لازم نكونو في جييش باه مانتخربطوووش.

لكان ملييحة قوللي باه نديير الموضوع.

نعمة القدوس · 2012-05-16, 22:06

والله عندك حق بالنسبة للحفاظة

بالصح كوون متأكد .. أنا حفاظتي تبقى لأمد قصيير

نخلص من ونفوورماطي مخي من ههههه [ حفاظة مؤقتة ]

سآجدْ للهْ · 2012-05-16, 22:06

خلاص 10 ونص
ظرك نريقل المنبه لأني نرقد في الفترة الصبآحية حتى 12.30
غدا بإذن الله

نعمة القدوس · 2012-05-16, 22:08

أيا تفاهمنا.

حتى أنا نخااف اليوم نسهر وغدوة ننسى وماننوضش.

سآجدْ للهْ · 2012-05-16, 22:10

ريآن رآح تبدا في المسآء ولا الصبآح ؟؟