انطلاق أفضل تصديرة **02**

[خدوجة شكر]

صح فطوركم وربي يقدرنا ونكون في المستو ى

[ام مريم اسراء]

صح فطوركم جميعا
اولا حظ موفق لاختي فريوله و اختي خدوج ربي يوفقكم ثانيا أخي عمر راني عارفة مسؤولياتك و ظروفه خاصة مسؤوليات الإشراف رآها صعبة أتمنى متكونش قد اتخذت موقف نهائي من تسيير هاذا القسم لأنو بلا المسابقات و دورات راح يكون روتين في روتين أو مجرد البوم صور من هنا وهناك لكن أنا شخصيا و الكثيرات من رواد قسم الخياطة طموحنا زاد و عدينا مرحلة تجميع صور من هنا و من هناك و نحطها في موضوع أنا شخصيا بدايتي كانت هاك لكن مع المسابقة الي عملتها لنا ، احسن تصديرة ، عشنا أجواء و ربحنا
صداقات و ذكريات طيبة لا أنسى السطايفية و نور المستقبل سهام الجزائر اختي بيبا ،،،،، و انت فسدت لنا طبعنا لازم تكمل المشوار مع شخصيات جديدة تكتشف مواهبها و تبلور أفكارها بل أكثر من ذلك تعلم و تاطر مثلما توجت الفائزات بدورة تصميم الازياء بالفوتوشوب
يمكن توقيت المسابقة في هاذا الشهر كان غير مناسب للبعض فلا تحرم الكثيرات بعدنا من ان يعيشو تجربة رايعة نحو الإبداع
سلام

[sakura be]

سلام عليكم
للمتسابقتين اللي كملوا المسابقة نقلهم بارك الله فيكم وان شاء الله ربي يقدركم وتكملوا حتى النهاية
بالنسبة للتنفيد والله كلمة رووووعة قليلة لانو صح بينتو مستوى راقي جدا تبارك الله
بصراحة الفستانين في القمة ويشبهو للتصميم يعني لبنات 10/10
فستان فريولة شدني كتر بصراحة ماعندي مانقول غير بارك الله فيكم
مزيدا من التالق ان شاء الله

[نور المستقبل]

بارك الله فيكم يالبنات راكم اثبتم جدارتكما وبينتلبا ابداعاتكما وبالتوفيق لكما والحمدللهراكم من الاول نقاتكم في المستوى
وهذا يزيدكم غير اصرار والمسابقة بين اثنين راهي تكون هايلة خاخة بالنسبة ليكم هنا بالذات الكسل ميعرفش طريقه
اما بالنسبة للبنات اللي نساحبو بدون سابق انذار يمكن مفهموش المسابقة مليح مبعد كي دخلو الموضوع فهمو وانساحبو
حتى احنا من الاول صرات عندنا ضروف وهبطت معنوياتنا مرة وانت ياخي عمر اللي كنت دوما ترفعمعنوياتنا
والحمدلله فاتت بنتائج احسن من توقعاتنا المهم ياخي عمر ملزمكس تتخذ قرار كيما هذا قسم الخياطة موش يخص غير مشاركين في المسابقة راه يخصنا نحن بالكامل
صدقني هاذ القسم بالذات مميز المسابقاتالي دارتها ياخي عمر فريدة من نوعها
اما بالنسبة اللي يسجلو من بعد ينساحبو لازم العقوبة ينالوها هم فقط ميدخلش فيها الجميع مثلا يخي اللي يشارك تضاف له نقاط حتي وان كان من الاواخر
لازم تكون عقوبة اللي يسجل وينسحب دون سابق انذاز او بدون مبررات تخصم من نقاطه باش يكون عبرة لاي شخص
وهنا تولي كي تتحط مسابقة يضطرو يقراوها مرة واثنين وان مافهموش يستفسروا مليح
والله ياخي نذكر في المسابقة الاؤلى حصلت معانا كل ضروف صعبة جدا وتحدينا الضروف والحمدلله ياخي عمر نتمنىتكون صيم برك ولا تكون كيما كذبة افريل
علبالي منقدروش نسميوها كذبة رمضان الانو في رمضان مكاننش لكذب لكن نقدرو نسميوها مزحة رمضان ونضحكو عليها كيما غيرها
صح فطوركم

[nadoouuch]

مساء الخير على الجميع وصح رمضانكم و فطوركم و سحوركم

غبت عن المنتدى لايام بسبب الظروف و لكن كان تفكيري دائما معكم و متشوقة باش نشوف ابداعاتكم، ولكن للاسف طاحلي المورال اليوم كي لقيت فقط متسابقتينكنا في مسابقة التصميم نديرو كلش باش نبعثو التصميم في الوقت، احيانا منرقدوش نباتو سهرناين مع الميكرو، و احيانا

نبعثو تصميم وحنا عمبالنا ماهوش في المستوى فقط باش نكونو عند كلمتنا.

نقول للاخوات اللي نسحبو كان بامكانكم الاعتذار.وبالتوفيق للبقية

[sarra5]

المشاركة الأصلية كتبت بواسطة omar007

خدوجة شكر





خدوجة
كبداية نقولك bravoooooo
بصراحة ابدعتي. فقط كيما قلتي نوع القماش كلار وانا وضعت قماش فونسي
ولكن التفاصيل وكل شيئ كان في القمة
بالتوفيق
08/10


فريولة ابتسام

الاخت فريولة
بصراحة مبدعة
وانا نشوف في التنفيذ حسيت وكانه راني نشوف في التصميم
يعني صورة طبق الاصل
ابدعتيييييييي في اول تنفيذ
ان شاء الله تواصلي بهذا الابداع
09/10

ya3tikom lsaha rakom haylin machaallah

3jabni le modele rani hazito

[stayfiya]

السلااام عليكم واش راكم يا لحباب واش درتو فيها هيا فريولة خدوووج لازم تخرجولنا تحف و توريولنا بلي نتوما لمخير نتاع لمخير هههههه باش لي تعجبني نديها
اخي عمر علابالي بلي عييت و فشلت و كرهت منا بصح واش دير كاش واحد يخلي ولادو و يروح معليش روبوزي و استراح و كي يتنحالك التعب ولي و عاود نشط المنتدى غير اتهنى مانطلقوكش اصلا نتا لي خالق الحياة في القسم هذا كون تروح صدقني يمووت خاطر الاغلبية يدخلو يديو بلاما يمدو و العقلية هاذي هي لي تخلي العطاء ينقص ولوكان بحر راح ينشف بصح اكيد الاخ عمر هو رمز العطاء و لي والف يمد بدون مقابل مايقدرش يحبس نشالله ربي يخليك لينا

[فريولة ابتسام]

البنات راني انسحبت من المسابقة
















































راني نقجم معاكم خلعتكم ولا .........لالا
مشاركتي ارسلتها

[صاحب الامل]

وصل تنفيذ الاخت فريولة ابتسام
في انتظار تنفيذ الاخت خدوجة شكر

وربي يتقبل صيامنا وقيامنا
ويستجيب لدعوانا

امين


وصح فطوركم

[صاحب الامل]

السلام عليكم ورحمة الله تعالى وبركاته

مرحبا بالجميع
وش اخباركم مع رمضان
ان شاء الله بالف خير
*******
اكيد فيهاته اللحظات كل وحدة فيكم راهي تجهز في اطباق الليلة باه تزهي المائدة هاته الليلة اللي هي ليلة النصفية

بالصحة والهنا للجميع وان شاء الله نكملوا 16 يوم اللي بقاو على خير
وكثروا فيهم من الدعاء والصلاة وربي يتقبل منا صالح الاعمال

*******
اليوم سنعلن نتيجة التنفيذ الثاني
للمشاركتين
خدوجة شكر
فريولة ابتسام

*********
موضوعنا كان
الــــ boubou
المعصرن
ان شاء الله التنفيذ ينال اعجابكم

ونبدا بتنفيذ

خدوجة شكر

خدوجة تقول انو كان عندها ظروف وليست اي ظروف وانما ظروف قاهرة
ولهذا ما حبتش تخذلني وتخذل متتبعيها وكل الناس اللي تنتظر عملها
تقول انو العمل نص نص......وهي اسفة لانها خيبت ظني
لكن ربي يعلم بظروفها

انا نقولك قبل كل شيئ بارك الله فيك ونحييك على المجهودات
لانو هاته هي صفات الانسان المحترم واللي يعرف الاصول
ونحييك يا اختي خدوجة

وخليونا ظرك نشوفو عمل خدوجة

بالنسبة لي عجبني اللون كثيرا
فيما يخص التطريز فاكيد لم يكن في المستوى
ولكن بشكل عام الزي يشبه التصميم
(رغم الظروف نقولك ابدعتي لانو الواحد يكون عندو ظرف ويخرجلنا هذا الابداع فاكيد يعطيك الصحة)

7/10

اما الان فخليونا نشوفو تنفيذ

فريولة ابتسام

اليكم الان تنفيذ الاخت فريولة ابتسام

الاخت فريولة ابتسام
يعطيك الصحة على التنفيذ واثبتي انو عندك مستوى عالي في مجال الخياطة
وعملك جد متقون
عجبتني فكرة استخدام الدانتيل
اللون كذلك قمة
فقط عندي تعقيب على الكتف لو كان اطول شوي
ان شاء الله تواصلي بهذا المستوى واكثر والى الامام
بالتوفيق

09/10

اما بقية الاعضاء اليكم التعليق حول التنفيذ الثاني
وماذا تتوقعون ان يكون التحدي الثالث (ما قبل الاخير)

[bant beladi]

السلم عليكم ورحمة الله وبركاته صح رمضانك أخ عمر وان شاء الله تكون في تمام الصحة والعافية أولا يعطيكم الصحة يا البنات في هذا رمضان وراكم تخيطو وتحطو أخت فريوله يعطيك ألف عافيه خرجته فور بالبزاف ويهبل منتهى الروعة والدقة والإتقان بارك الله فيك والأخت خديجة أيضاً من ناحية الخياطة كان متفقون ومليح شويه خانتها لا بانتير الي داراتها هي الي فلطت الحالة بصح يعطيكم الصحة في زوج. أما التصميم التالي. ومع الأخ عمر أنا ما نخممش. مره نخيل الحالة خضراء نلقاها زرقاء حظ موفق ورانا في المتابعة. صح فطوركم. كيما قلت أخ عمر اليوم النصفية ورانا مع البربوشة ههههه

[stayfiya]

الله يبااااارك يعطيكم الصحة على المجهودات المبذولة والله اجركم عند ربي عجبوني التطبيقا اخت خدوج باينة كانت مزروبة انا شخصيا مانحبش لابانتور بصح يعطيك الصحة على الجهد المبذول و بالنسبة لتطبيق فريوة واضح التقنيات لي دارتهم كانو صعاب و بصيفتي نتعلم علابالي من الصعب تتحكم في الدونتال تحت رجل المشينة ولازم تسايسها على قدما تقدر باش ما تتكمشش نهنيك فريولة خرجتيها روعة من كولور ولا فينيسيون ظاهرة في الرقبة من لور و الرش نتاع الصدر خرج تحفة وزاد عطاها شارم بالتوفيق في المرات الجاية
نشالله و نتوقع المرة الجاية يكون حاجة من قطعتين قفطان او بدرون المهم حاجة عربي تعبر على رمضان و نشمو فيها ريحتو و منها نتعلمو كثر و نتعرفو على لبستنا

[نور المستقبل]

مساء الخير على الجميع يعطيكم الصحة يالبنات اكيد بذلتما مجهودات وخاصة فالخانة هذه ورمصان
بالنسبة لتنفيذ خدوجة خرجمل لابأس به من حيث التنفيذ لابانتير هي اللي ريحتلو اللذوق انتاعو بالتوفيق عزيزتي
اما ابالنسبة لتنفيذ فريولة بضراحة رووووووووووووووووووووعة في المستوى لمسة الدنتال هايلة والاوان متناسقة
يعني انا كخياطة اعطاتني فكرة لهاذ المدال بصراحة عجبني بزاف هو طول الذراعين اقصر من التصميم لكن معيبوش لان كاين ناس تفضل طول الذراعين هكذا بالتوفيق
شكرااااااااااااااااااااا

[biba04]

صحا فطووووركم
يعطيكم الصحة بنات خدوجة رغم الضروف لي عندك نفذتي التصميم يعطيك الف صحة فريولة يافريولة كي قلتي راني نساحبت خلعتيني ههههههه تصميمك هايل وفكرة الدنتيل زادت فيه النص والخياطة متقونة
واصلي ورانا فل المتابعة

[*ام عبد الكريم*]

يعطيكم الصحة يا بنات اخت خدوجة تسلمي عل المجهود تصميمك لاباس به و عجبوني الاكمام الطوال بالتوفيق لك فيما تبقى من المسابقة و اما تصميم الاخت فريولة فيه ابداع و لمسة شخصية اعطته اناقة و finition هايلة مشكورين على وقتكم و مجهودكم و بالتوفيف لكما تحياتي