راني بديت فطام بنتي ادعيولي

أم رقية نسرين · 2015-10-03, 07:06

السلام عليكن
أولا يعطيكم الصحة كي تفاعلتو معايا في موضوعي كيف أفطم ابنتي و شكرا لكل وحدة جاوبتني
أنا راني توكلت على ربي سبحانو و عولت نفطمها نحيتلها الرضاعة تاع النهار و بقاتلي غير تاع الليل قريت بلي كي يرضع الطفل في الليل و هو ماشي مصحصح مايفيقش
ي النهار نحطلها اي حاجة على صدري تعافها و ماترضعش و نلهيها بالأكل لي تحبو و بالألعاب

واش رايكم
و لأني قريت أيضا بلي التوقف المفاجئ عن الرضاعة ماشي مليح للطفل
كاينة حاجة خرى سمعتها من عند وحدة هي أنو نحطلها من الحليب تاعي في الأكل لي تاكلو منها تستفاد منو و منها نفرغ الثدي شوية وهكا حتى نحيلها تاع الليل يعني حتى نفطمها نهائيا واش رايكم أنا جاتني فكرتها معقولة تسما كلي لعبتهالها

أم رقية نسرين · 2015-10-03, 12:01

رايكم يهمني

*سيرين نور عيني * · 2015-10-03, 12:42

ربي يعينك حنونة و يكون معاك و يحفظلك بنتك

أم رقية نسرين · 2015-10-03, 13:44

اقتباس:

المشاركة الأصلية كتبت بواسطة *سيرين نور عيني *

ربي يعينك حنونة و يكون معاك و يحفظلك بنتك

جزاكي الله خيرا و لكي بالمثل ربي يحفظلك بنتك و كل أحبابك

holiday4u · 2016-05-06, 10:19

موضوع رائع

أم رقية نسرين · 2016-10-13, 11:36

شكرا لوجودك ختي

أم زين الدين · 2016-10-13, 13:19

شوفي أختي نحكيلك على تجربتي مع بنتي لي عمرها دوكا 7 سنوات

انا بنتي كانت ترضع غير مني يعني لا سوسات و لا بيبرو .

تاع الصباح جاتني ساهلة نحيتهالها بصح تاع الليل مانحكيلكش صعابتلي ماشي من جهة بنتي مي من جهة راجلي على خاطر ميحبهاش تبكي .
قلت ما تسلكني غير دارنا.
رحت لدارنا .في الأول قلت نديرلها القهوة ماكان والو.درتلها المرة غاضتني تقيات مسكينة .
مالقيت حتى حل غبر أني نقسي قلبي ونحيهالها بلا ما ندير والو .
في الأول لعبت لعبت مع أولاد أختي ثم رقدت .قلت تهنيت راهي رقدت
بعدها ناضت لي كانت الساعة 23 سا .أيا قلت سايي راني باسيت و بدا الامتحان .
بقات تبكي عليها حتى أذن الفجر مسكينة هي تبكي و أنا نبكي .في الأخير عاودت رقدت بلا ما رضعت .
اليوم لي موراه صح ناضت بكات شوية مي أنا ماستسلمتش ولات رقدت.
الحمد لله يا ربي راهي كبرت .و راهي في المدرسة و ماصرالها والو.

طولت و أنا نحكي في المسلسل تاعي مي حبيت برك نقولك لازم جوست تقسي قلبك .شي ماشي ساهل مي لازم .

ربي يعينك.

أم رقية نسرين · 2016-10-14, 06:17

تعيشي ام زين الدين ختي اسعدني ردك كثيييييرا دركا الحمدلله راني فطمتها عندي بزاف
بصح والله كيما حكيتي غير فالليل هي تبكي و انا نبكي شعور صعيب بزاف
ربي يحفظلك وليداتك و ينجحملك و يفرحك بيهم