راني نسختلك الوصفة تفضلي
وصفة هذا القاطو عندها حكاية ،أولا من لم يشكر الناس لا يشكر الله و أنا أتقدم بخالص الشكر و أرقى التحايا للأخت إلهام 07 لأنها ساعدتني كثير و أستسمحها بوضع الوصفة في هذا الرابط حتى يستفيد الجميع لانو بالفعل لاتوجد الوصفة نتاعو لانها وضعت صور لبعض الحلويات نتاعها في الرابط الموالي و لم تضع وصفة هذا القاطو بالذات و انا عندي مناسبة في مدخل هذا الشهر و عجبني القاطو بزاف و راسلتها على الخاص و قامت بالواجب و بحثتلي على الوصفة و بعثتهالي على الخاص و مع النصائح كعادتها في جميع و صفاتها الناجحة رغم انشغالها ربي يحفظها و يرزقها من فضله الكريم من خيري الدنيا و الآخرة و يرزقها و جميع المسلمين الفردوس الاعلى من الجنة
الموضوع لي وضعت فيه صور القاطو كان بعنوان
تفضلو.................... صور حلوياتي اللي طلبتوها و هذا الرابط
https://www.djelfa.info/vb/showthread.php?t=1678649
اما الوصفة فهي كالتالي:
500غ زبدة*
250غ سكر ناعم
5 صفار بيض*
فاني
تنشفي بالفرنية ( تحتاجي تقريبا 750غ )
هذي هي الوصفة و اختياري إذا تحبي ضيفي فنجان زيت وزوج مغارف نشاء*
الطريقة واضحة طبعا : تضربي السكر مع الزبدة ومن بعد زيدي الزيت ثم الفاني و صفار البيض ثم ال
النصائح :*
ننصحك تنشفي بالفرينة غير بالعقل
ننصحك تغبري لي مول في الفرينة وتنفضيهم باش مايلصقوش من بعدالحبات كي يطيبو كي جي تنحيهم يتكسرو
ماديريش العجينة خشينة ماجيش مليحة وماترققيش بزاف يتكسرو*
سخني الفرن وطيبيهم على 160° -180° على حساب الفرن راهم يطيبو بسرعة باش مايتحرقوش*
انا نجرب ندير كرية عجينة نطرحها في المول ونعاود نحيها ونوزنها ونوزن العجينة كامل كريات بهذاك الوزن ونكمل خدمة كل كرية نطرحها في مولباش يجيو كامل كيف كيف ماشي وحدة خشينة ووحدة رقيقة*
الباقي باين تعمريهم نيستلي ومن فوق شوكولا ( انا استعملت منى نوار ننصحك بيها )*،و انا يعني اختكم rima.87 زدت اضافة من عندي في هذه المرحلة و هي اضافة كمية من اللوز في النيسلي يكون محمص و مرحي شوية خشين صدقوني عطاتني نتيجة ماشاءالله
والتزيين من فوق انت ومقدورك
ملاحظة :
هذي الكمية على حساب حجم المول وعلى حساب العجينة اذا خشنتي او لا وعلى حساب تلصقي كل زوج مع بعض او لا المهم انا بالشكل اللي شفتيه دارتلي 55 حبة لانو درت نصف الكمية يعني 250غ زبدة ونسيت نقولك إذا رايحة ديري نصف الكمية ديري 3 صفار بيض
الطياب شعلي غير من تحت فقط لاغير العجينة ماشي خشينة ماتخافيش رايحة طيب مليح من داخل ماتقويش للنار برك باش ماتتحرقش وعسيها .
هذه هي الوصفة را7هي تمت بحمد الله و ان شاء الله تجربوها م تشوفوا النتيجة المرضية الى ذلكم الحين أستودعكم الله الذي لا تضيع و دائعه
( تقرير عن مشاركة سيئة )، و الموجودة أسفل كل مشاركة .
2016-06-23, 14:27
طلب من الهام او من اي عضوة تعرف الوصفة
كنت نستنى في واحد يأكدهالي برك علاخاطر أنا وصفة الخميرة كانت تجي بنينة بصح تهبلني في التحضير شكرا أختي على الإجابة
العرض العادي
