مطبخك مملكتك الصغيرة

[chez biba]

المطبخ هو اكثر الأماكن الذي تمضي فيه السيدات معظم وقتهم ... واكيد ان هناك الكثيرات تتعقد من شيء اسمها مطبخ ويعتبر كابوس حياتها ... لما لا تجعليه مكانك المميز ومملكته الصغيرة!!


حبيت نشارككم بطريقتي في تنظيم مطبخي ... هي افكار بسيطة و يسهل التقيد بها و تطبيقها ...واكيييييد منكم من تعتمدها لكن قلت نحطها للفائدة وصدقوني نتايجها فعالة ...
اولا وقبل كل شيء التنظيم و الترتيب و حسن التدبير ... واهم حاجة لاستمرار النظام هو اعادة الاغراض لمكانها في الحال ... وايضا لازم يكون في مكان معين و معروف لدى الكل في المنزل لكل غرض..لانو سبب الفوضى الرئيسي هو انو يكونو حوايج ما عندهمش محل من الاعراب ههههههه

نبدأ على بركة الله

بالنسبة لخزانة المطبخ
أتخلصي من الاواني الزايدة ....موش تكسريها او ترميها غلفيها او حطيها في كرتون وخبيها في اعلى الخزانة
يعني خلي الضروري فقط .....واللي تستعمليهم بصفة دائمة وهكذا راح تنقسي عليك أواني الغسيل بالاضافة الى مظهر طاولة العمل اللي يكون مشحون و معبي ... والخزانة مظهرها صدقيني راح تلقايه رائع و منظم و موش متزاحم ويسهل عليك اعادة ترتيبو و تنظيف الرفوف كيما تحبي

احرصي على تبطين الرفوف بورق خاص (3 أمتار وبألوان مختلفة) متواجد في الاسواق وبأسعار جد معقولة


ورف اخر خصصيه للعلب ...شتى انواع العلب واملايها البقوليات، السكر، العجائن، كسكس، ارز ... واي حاجة تتعبا في علب بلاستيك او زجاج.
الدقيق حطيه في دلو كبير بالغطاء و حطي فيه صحن صغير مخصص لاخذ الكيل ومعاه غربال صغير ونفس الشيء بالنسبة للفرينة.


خلي دايما رغوة في إناء الغسيل واحدة باش تغسلي فورا الأواني اللي خدمتي بيهم وما يتراكموش عليك في النهاية

واحرصي على غسل الحنفيات مع كل غسيل باش تحافظي على بريقها وتفادي تكدس الكلس


بالنسبة للزيوت (زيت الطهو وزيت الزيتون) استعملي قارورة زجاج خاصة انظف وأسهل بكثير من رفع الدلو الكبير كل مرة...


الخبز حتى يبقى طري حطيه في صندوق خاص بيه وإذا كانت كمية كبيرة خلي واش تستحقي وكونجلي الباقي.



ديري سلة حطي فيها المواد اللي مخبياتها احتياطي او انها ماتحطش في علب


و ممكن تستغلي حتى باب الخزانة ...تعلقي فيه الاكياس من الجهة الداخلية ... او وراء باب المطبخ نلقاها طريقة عملية احسن من وضعها في الدرج

و بالنسبة للاكياس اللي تجي فيها القضية حطيها في كيس كبير من القماش ومفتوح من تحت علقيه وراء باب المطبخ


علب التوابل حطيها بجانب الفرن تاعك سواء اللي تتعلق في الحيط او الفردية عملية اكثر وذات أشكال وأنواع كثيرة


وبجانب الفرن دايما حطي صحن صغير لوضع الملاعق ... للحفاظ على نظافة طاولة العمل



ودايما عند تقشير الخضرة او تحضير حلويات حطي بجانبك كيس تحطي فيه لقشور او البقايا انا نفضل استعمال جرنان باللغة الفرنسية كي تكملي لميه وحطيه في سلة المهملات اللي لازم تكون مغطية بكيس كبير خاص بالمهملات أعزكم الله

بالنسبة للطابونة احرصي دايما على تغطية طاولتها بورق ألمنيوم خشين باش تحافظي عليها وتسهل تنظيفها


بالنسبة للثلاجة كل واحدة عندها طريقتها في الترتيب بما يتماشى مع عايلتها وحاجياتها فقط حبيت نركز على ضرورة استعمال العلب الشفافة للحفاظ على المواد وكذلك على نظافة الثلاجة وتسهل تنظيفها ...

علقي على بابها دفتر صغير مع قلم لكتابة اي غرض خاصك على الفور


اقتني الرفوف البلاستيكية فهي جد عملية وتستوعب كم هائل من الاشياء بالنسبة ليا قسمتها كالتالي:

الدرج الاول: خصصتو لكتب الطبخ وعلب ) ورق الالمنيوم ؛ ورق الزبدة؛ اكياس التجميد.....(

الدرج الثاني: مناديل المطبخ اكياس المقامة اكرمكم الله

الدرج الثالث: كل لوازم الحلويات

الدرج الرابع: لوازم مختلفة


بالنسبة لتنظيف الفرن انا نستعمل هاذ المنتوج ، يقضي على كل الرواسب وبدون مجهود

قومي بخض القارورة ورشي على السطح المراد تنظيفه واتركيه خمس دقائق وامسحي (نبهك برك راهي ريحتي قاوية ولازم تستعملي القفازات)




والآن ابدعي واسعدي عائلتك بما لذ وطاب بدون تعب
في أمان الله لا تبخلو عليا بدعوة خير