💗تحلية كريمة الشكولا بالبسكويت 💗💕

[حياة نور الدين]

السلام عليكن
جبتلكم تحلية رووووووعة بناتي ماتوا عليها خاصة لعشاق الشكولا وسااااهلة وتحضر في دقاءق



المقادير والطريقة

3 كيسيان حليب انا كيلت بكاس جااني 600 ملل
5 مغارف كاكاو اسود
5 مغارف نشاء او مايزينة
كاس غير ربع سكر ونخلط بارد في بارد حتى تغلي وتبدا تشكل فقاعات كبيرة نطفي النار (تشبه لطريقة تحضير كريم باتسيير)



نوجد كاس حليب دافء باش نغطسوا البسكويت تاعنا

في مول كايك مغلف بورق شفاف نحط كمية من الكريمة وفوقها البسكويت ثم كريمة وبسكويت ثم كريمة وفي الاخير بسكويت (معنتها 3 طبقات كريمة و3 بسكويت)



نغطيها بورق شفاف وندخلها على الاقل 4 ساعات تبرد وتحكم روحها



بعدها تقلب وتزين برقائق اللوز او مكسرات او شانتيي تقطع وتقدم