الجزء 46 من واش طيبتي اليوم ........ مع اروع صحبة طيبة مرحبا

ام احمد وصال · 2013-12-17, 11:55

صباح الخير عل احلى نسوة وبناويت هاهو جزء اخر من واش طيبتي و واش حرقتي راني فرحانة بزاف الي رايحة نستقبلكم في داري وكوزينتي يلا نبداو على بركة الرحمن

اماني تقولكم اهلا طاطاواتي مرحبا بيكم في دارنا وهاتو واش طيبتو

ام طيري الجنة · 2013-12-17, 12:04

الله يبارك كوزينة هاااايلة و ترحيب رائع بالشكولا و الحلاوات الله يحلي يامك و يفتح عليك بالخير كيما فتحتينا كوزينتك و يدوم عليك الخير والنعمة

Aya69 · 2013-12-17, 12:04

صباح الخيرات والمسرات عليكم الله يبارك كوزينتك رووووووعة ما شاء الله تتهناي بيها ان شاءالله ويجعلها عتبة مربوحة علينا كامل لي مزوجة ربي يهنيها ولي محرومة ربي يرزقها ولي عازبة ربي يرزقها ولي مريض ربي يشفيه امين يا رب

ام ساجد · 2013-12-17, 12:05

الف مبروك اختي اماني السلام الكوزينة الجديدة

أم يحي صهيب · 2013-12-17, 12:05

مبروك التجمع اخيتي عتبة خير ان شااء الله
وبوسيلس اماني ما شاااء الله عروسة والله

والكوزينة الله يبارك هانا جايا نتغدا تعرفي اختك ما تنوض بكري

أم ماجد · 2013-12-17, 12:07

الف الف مبروك
الحمد لله كي هدى ربي عجوزتك وعطاتك المفتاح ههههه
كيما طولت علينا رايحين نطولوا بالباروك انتظرينا

ام ندى 87 · 2013-12-17, 12:12

اماني كوزينتك شرحة وهايلة ربي يباركلك فيه واماني بيوسيهالي بوسة كبيرة ماشاء الله عليها
هاكي الباروك وعتبة مبروكة

هاد القريوش ماصلحش بصح قلت نحطو تعاونوني فيه باه بخلاص خخخخ

وهاد عشايا البارح صورتلكم طبسي تاعي وليت نحشم نصور على المايدة كاين الموسوسين عندي اللطف ياربي اللطف

natacabell · 2013-12-17, 12:14

مبروك الكوزينة الجديدة الله يبارك كوزينتك ماشاء الله
بصحتكم واش طيبتو انا راهو وجد

إضغط هنا لرؤية الصورة بحجمها الطبيعي.

scorpionoir · 2013-12-17, 12:17

كوزينتك تهبل الله يبارك عتبة مربوحة للجميع
وهذا الباروك

mimaselma · 2013-12-17, 12:19

يعطيكم الصحة و نحب ناكد بلي المقزر طبق لذيذ جدا
و ظك قلولي واشنو هو الرقاق و كيفاه يطيب

Daylight · 2013-12-17, 12:23

مبروك الكوزينة اماني ان شاء الله تتحقق فيها اماني الجميع

almazalina22 · 2013-12-17, 12:23

الله يبارك ويزيد قلتلكم راها الدعوة حاكمة كي طولت ماهي بقليل ممممممممم
نحكم بلاصة برك ونرجع نبارك ياااااو راني ما تغديتش وانا نستنى نهميييييي
قولي لاماني تقدم لخالتها راني نحشم خخخخخخخ
ربي يخليهالك نروح ونرجع بالباروك يجعلها كوزينة مبروكة ومربوحة عليك وعلينا

ام احمد وصال · 2013-12-17, 12:24

اقتباس:

المشاركة الأصلية كتبت بواسطة ام طيري الجنة

الله يبارك كوزينة هاااايلة و ترحيب رائع بالشكولا و الحلاوات الله يحلي يامك و يفتح عليك بالخير كيما فتحتينا كوزينتك و يدوم عليك الخير والنعمة

الله يسلمك حبيبتي مرحبا بيك عزيزة

لينا11 · 2013-12-17, 12:24

صباحكم سعيد عسولات
كوزينة مربوحة ان شاء الله
وماشاء الله على زينة تاعك ربي يسترها من العين ويجعلها ذرية صالحة يارب

هاكم سوفلي بنين يهبل باللحم مرحي وعجينة قطن

عطرالذهب · 2013-12-17, 12:25

السلام عليكم
اختي اماني مبروك الكوزينة الجديدة وربي يبارك راهي ضاوية ونظيفة ومرتبة يعطيك الصحة
وبما انك من الصباح هارجة قلت نجيبلك تتغدي من عندي هيا بسم الله